Génesis 43:26 - Biblia Enxet

²⁶ Xama axta apwákxo José m'a apxagkok nak, apkelméssek axta m'a aqsok apkelmésso naqsa apkelseykekxésso axta, apkelháxahágkek axta apmonye' ekwokmoho apkeltekxeyágko élpayhakxa nápaqta'a xapop.

Génesis 43:26 ပူးပေါင်းရင်းမြစ်များ

Génesis 27:29

Apxámok sa' nahan etnehek énxet apkeláneykha, eltekxeyagkok sa' chá'a aptapnák nápaqtók xép pók aptémakxa énxet'ák. Etne sa' apkemha apmonye' nepyeseksa m'a apkelyáxeg'a, ¡eltekxeyagkok sa' han aptapnák apmonye' exchep! Eltaqnaweykpok sa' chá'a m'a apyemneykha nak chá'a exchep. Apkeleñémo sa' chá'a kólteméssesek ma'a ektaqmeleykha nak chá'a appeywa exének xép.”

Génesis 33:3

Tén axta apkenegwokmo m'a amonye'e nak, aptaqmelchásegkók axta aqsa apchágketchessekmo m'a apepma, apháxahágkek axta aptekxeyágko chá'a ekpayhakxa nápat xapop ekweykmoho siete.

Génesis 42:6

Apkeláneykha apchókxa axta han ma'a José, axta apkelmeyáseyak han chá'a hótáhap apaktek énxet'ák apkelwayam axta chá'a apkeleñama ekyókxoho yókxexma. Xama axta apkelwokmo apkelpepma m'a aphakxa nak, apkelháxahanteyk axta ekwokmoho apkeltekxeyágko élpayhakxa nápaqta'a xóp.

Génesis 43:11

Keñe axta apyáp aptáha apchátegmowágko s'e: —Kólteme sa' se'e ektáha nak, méko antéhek: kólxatmák sa' yágkentamáhak kélagkok aqsok yaqwayam kólmések aqsa m'a énxet nak. Kólsow sa' ma'a éltaqmalma élánamáxche negókxa, cham'a élmátsessamo nak ekpaqneyam aqsok, tén han yányawhéna' apyegmenek, tén han sokmátsa, tén han ma'a yámet ánek ekmátsa nak ekpaqneyam, tén han ma'a mokwa, tén han ma'a pók aptémakxa nak mokwa.

Génesis 43:28

Apkelháxahanteyk axta aptáha apcháneya s'e: —Apmeyhek makham negko'o m'a egyáp, aptáha nak xép apkeláneykha. Apheyk makham.

Salmos 72:9

¡Elmésakpok sa' ma'a apheykencha'a nak yókxexma meykexa énxet, elháxahagkok sa' apmonye' m'a apkelenmexma nak!

Éxodo 18:7

Aptekkek axta Moisés apma takha' m'a apepyáta'. Apháxahánteyk axta nahan apmonye' tén axta appeykesa; keñe axta natámen apkelpeykesamap, apkelántaxna m'a kañe' kélpakxanma nak.