Génesis 42:21 - Biblia Enxet

²¹ aptáhak axta chá'a apcháneya pók se'e: —Asagkók agko' neyke agkok nenteméssessamakxa egyáxeg, hakte axta ólyahákxak apkeltamho eykhe yepyóshok anlano', negwet'ak axta eykhe eklegágkoho apwáxok. Cháxa keñamak negwet'a nak néllegeykegkoho.

Génesis 42:21 ပူးပေါင်းရင်းမြစ်များ

Génesis 41:9

Keñe axta m'a apkemha apmonye' nak apyátegkesso apyá wesse' apwányam, aptáha apcháneya faraón se'e: —Ekya'ásegwákxók ko'o eyesagko sektáhakxa.

Génesis 44:16

Aptáhak axta Judá apchátegmowágko s'e: —¡Méko negko'o antéhek agának xép! ¿Háxko antéhek negko'o anxekmósek xép megkatnaha nenteme? Apweteyak negko'o Dios nenláneya mólya'assáxma. Keso negchaqnáncha'a negko'o s'e; negko'o nenteme apkelásenneykha naqsa, tén han ma'a kélwetasa nak egheykok.

Génesis 45:3

Aptáhak axta José apkeláneya apkelpepma s'e: —Ko'o neykhe José. ¿Apmeyheya makham táta? Apkelyegwakkek axta han apchaqnágkaxa nápaqtók ma'a, mopwanchek axta apmako yátegmowagkok.

Génesis 50:15

Xama axta apketsapma Jacob, tén axta José apkelpepma ektáha élchetamso apkelwáxok se'e: “Ẽltaqnaweygkek kexa José, eyaqmagkásekxak sa' ma'a ekyókxoho nenteméssessamakxa axta ekmaso.”

2 Samuel 12:13

Keñe axta David aptáha apcháneya Natán: —Éláneyak ko'o may'assáxma nápaqtók Wesse' egegkok. Keñe axta Natán aptáha apchátegmowágko: —Meñássesagkók sa' eyke exchep Wesse' egegkok aptémakxa mey'assáxma, megyetsepek sa' han.

1 Reyes 17:18

Keñe axta kelán'a tampe' ektáha eyáneya m'a Elías: —¡Yaqsa ektáha setnéssesa nak xeyep xa ektáha nak, xép apteme nak Dios énxet apagkok! ¡Apxegeykmek enxeykel'a exchep yaqwayam hey'assásegwakxohok may'assáxma tén han yának yetsapok ma'a hatte!

Proverbios 21:13

Énxet melyeheykekxa nak eltamhok epasmok ma'a meyke nak aqsok apagkok, méko sa' nahan keyxhok apkeltamho sa' nahan kólpasmok xa énxet nak.

Proverbios 28:17

Énxet apchaqhe nak chá'a pók, esexnánekpok sa' ekwokmoho apketsapa: ¡nágkólmeyaw chá'a!

Jeremías 2:17

Temegkek kéxegke xa ektáha nak eñama sélyamasma ko'o, sektáha nak Dios Wesse' kélagkok, sekpékessáseyak nak chá'a ámay kélagkok.

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Jeremías 34:17

Cháxa keñamak sektáha nak ko'o sekpeywa s'e, sektáha nak Wesse': Mehelyeheykekxohok ko'o kéxegke, megkólchexeykekxak ma'a kélásenneykha naqsa kélpeywomo xamo' nak; ayenyekxak sa' ko'o kaxwók kempakhakma, negmasse, tén han meyk segaqhe, yaqwayam sa' katnéssesek kéxegke xama aqsok eyeymáxchel'a kataxche' neyseksa m'a ekyókxoho apkelókxa nak keso náxop. Ko'o sekxeyenma xa, sektáha nak Wesse'.

Jeremías 4:18

“Aptémakxa tén han aqsok ekmaso apkelane keñamak ektáha exchep xa; aptémakxa ekmaso meyásak xa ekmáske nak, tén han eklegassásegkoho apwáxok.”

Oseas 5:15

“Keñe sa' ataqhohok makham ma'a séñamakxa, ekwokmoho apkelya'ásegwokmo melya'assáxma m'a, tén han apkelchexyekmo enxoho hektamok ko'o. ¡Hektamok sa' neyseksa apkellegeykegkoho!”

Números 32:23

Sa' agkok kóltáhak xa ektáha nak, cháxa kéllánegko megkólya'assáxma nápaqtók Wesse' egegkok, xama ekhem sa' nahan kawak kéllegassáseykegkoho eñama xa megkólya'assáxma nak.

Jueces 1:7

Tén axta aptáha Adonisédec se'e: “Ko'o axta sekxók emonye' sélyaqténchesso apophék élyawe apmék ma'a setenta apkelwesse'e nak, tén han ma'a apophék élyawe apmagkok nak, éltémok axta chá'a ko'o eyekhamha sekto ekpalleykha m'a kóneg mésa ahagkok. Keñe kaxwo' setnéssesa ko'óxa Dios sekteméssessamakxa axta m'a énxet'ák nak.” Keñe axta kélyentamákxo m'a Jerusalén, cha'a apketsapweykekxexa axta han ma'a.