Génesis 42:16 - Biblia Enxet

¹⁶ Kélxama sa' éntawakxa'. Keñe sa' kélnápakha kólhakha kañe' negmomaxchexa'. Agya'asagkohok sa' naqsók kexa m'a kéltáhakxa exchek kélpeywa, háwe sa' agkok naqso', cháxa kéltáha kéxegke kélyexamaxkoho kéllányo apchókxa. ¡Naqsók ma'a sektáhakxa séláneya yetlo sekxeyenma faraón apwesey!

Génesis 42:16 ပူးပေါင်းရင်းမြစ်များ

Génesis 42:11

Nenlánexkók negko'o egyáxeg xamo' chá'a s'e. Méko negko'o néltémakxa'. Mantemék negko'o xama enxoho negyexamaxkoho nenlányo apchókxa'.

Génesis 42:30

—Kayhek appeywa senlana negko'o m'a énxet aptaqmelchesso nak ma'a apchókxa, enxénchek nentáha nélyexamaxkoho nenlányo m'a apchókxa.

2 Samuel 10:3

aptáhak axta apcháneya apkelámha apmonye'e amonitas ma'a Hanún, wesse' apwányam apagkok axta: “¿wesse', apkeneykeya exchep elaphásak David yaqwayam egkések eyaqhe apwáxok xa énxet'ák nak, ekxeyenweykekxoho apwáxok ma'a apyáp axta exchep, wesse'? ¡Apkeláphássek yaqwayam elanok tegma apwányam, tén han elyexakpohok elanok yókxexma, keñe sa' emasséssók!”

Josué 2:1

Yókxexma Sitim axta apkeleñamak apqánet énxet, Josué axta apyexamakpoho apkeláphasso. Aptáhak axta apkeláneya s'e: “Kólxeg kólteyánegwomho sa' ma'a yókxexma keñe han ma'a tegma apwányam nak Jericó.” Apkelxegkek axta m'a, keñe apkelwokmo m'a tegma axagkok kelán'a ekyaqmagkáseyak pók énxet ektegye selyaqye, cham'a tegma apwányam nak Jericó, ekwesey axta Rahab. Axta apnaqteyenwokmok axta'a m'a.