Génesis 42:15 - Biblia Enxet

¹⁵ Sa' antéhek yaqwayam agya'asagkohok se'e: naqsók sa' megkólántépek mew'a enxoho kélyáxeg apsexyók se'e, hakte ekxénchek ko'o yetlo sekxeyenma m'a faraón apwesey.

Génesis 42:15 ပူးပေါင်းရင်းမြစ်များ

Génesis 42:12

—Kélmówana amya'a —axta aptáhak José—. Kélxegakmek kéxegke yaqwayam kóllanok ma'a eyesextexa nak kélláneykha apchókxa'.

Génesis 42:14

Tén axta aptáha makham José apkeláneya s'e: —¡Kélyexamaxkoho kéllányo apchókxa kéxegke, cham'a sektáhakxa exchek séláneya!

Génesis 42:16

Kélxama sa' éntawakxa'. Keñe sa' kélnápakha kólhakha kañe' negmomaxchexa'. Agya'asagkohok sa' naqsók kexa m'a kéltáhakxa exchek kélpeywa, háwe sa' agkok naqso', cháxa kéltáha kéxegke kélyexamaxkoho kéllányo apchókxa. ¡Naqsók ma'a sektáhakxa séláneya yetlo sekxeyenma faraón apwesey!

Génesis 42:20

Keñe sa' hélyentegkásenták kélyáxeg apsexyo nak, yaqwayam sa' agya'asagkohok naqsók kexa m'a kéltáhakxa exchek kélpeywa. Wanchek sa' agkok amya'a, kóletsapok sa'. Apkelyahákxók axta han ma'a,

Génesis 42:30

—Kayhek appeywa senlana negko'o m'a énxet aptaqmelchesso nak ma'a apchókxa, enxénchek nentáha nélyexamaxkoho nenlányo m'a apchókxa.

Génesis 42:34

hélyentegkásenta sa' ko'o m'a kélyáxeg apsexyo'. Keñe sa' atnéssesek ko'o naqso' kéxegke kéltáha énxet meyke apkeltémakxa, tén han megkóltáha kélyexamaxkoho kéllányo apchókxa'; keñe sa' ayenyekxak makham ma'a pók kélyáxeg nak, tén sa' kélwanchek kéxegke kólyánmagkasaxchek se'e apchókxa nak.’

Génesis 42:7

Apkelyekpelchawók axta han apkelpepma José apkelwet'a; máxa magyekpelcha axta eyke aptáhak, apyennaqtéssek axta appeywa aptáha apkelmaxneyáncha'a s'e: —¿Háxko kéleñamakxa kéxegke? —Canaán néleñamak, hótáhap apaktek nentegyágwa'ak ekha ekyánmaga —axta aptáhak apkelátegmowágko.

Génesis 43:3

Aptáhak axta Judá apchátegmowágko s'e: —Axta eyke aptáhak negko'o sẽláneya m'a énxet nak, sa' agkok kólyentamánták kélyáxeg apsexyo, ná hélyo'óta chá'a.

Génesis 43:5

sa' agkok ya'awok exog, mólxegek sa'. Axta aptáhak negko'o sẽláneya m'a énxet nak: ‘Sa' agkok kólyentamánták kélyáxeg apsexyo, ná hélyo'óta chá'a.’

Jeremías 5:2

Yetneyk énxet apxeyenma nak chá'a apmésso appeywa ekmámnaqsoho m'a Wesse' egegkok, apmopwána amya'a eyke.”

Jeremías 5:7

Aptáhak Wesse' egegkok se'e: “Mowanchek ko'o mayaqmagkásekxeyk mók xa ekyókxoho kéltémakxa nak. Eyamasmeyk axta ko'o m'a kélketchek nak, apméssegkek axta ekmámnaqsoho apkelpeywa m'a aqsok kéláyókxa megkatnaha nak ekmámnaqsoho. Élméssegkek axta ko'o ekxámokma aptéyak, keñe apnaqtawáseykegkoho apnaqteyegka'a apkelánegweykmo chá'a megkatnahakxa aptáwa', apyókxoho axta apkeláneykegkok ma'a nentémakxa ekmaso mansexta.

Deuteronomio 6:13

Kólpeykesho chá'a Dios Wesse' kélagkok, kólteme chá'a wánxa kéláyo m'a, peyk sa' agkok chá'a kólteméssesek ekmámnaqsoho agko' kélpeywa, kóltemésses chá'a wánxa ekmámnaqsoho m'a Wesse' egegkok apwesey nak.

1 Samuel 1:26

Axta entáhak eyáneya Ana s'e: —Heyemlekxoho sa' xeyep Elí, ko'o neykhe m'a kelán'a sekweykto axta chá'a sektemégweykto nempeywa nélmaxnagko s'e nápaqto' nak Wesse' egegkok, aphakxa nak xép.

1 Samuel 17:55

Xama axta apwet'a Saúl peya elnapakpok David ma'a filisteo, axta aptáhak apkelmaxneyáncha'a m'a Abner, apteme axta apkemha apmonye' sẽlpextétamo apagkok: —Abner, ¿yaqsa étche xa wokma'ák nak?

1 Samuel 20:3

Keñe axta David aptáha apcháneya: —Apya'ásegkok eyke exchep apyáp seyásekhayo ko'o exchep, la'a memako nak eltennaksek, hakte tamháha apwáxok keyntaxnésseshok xép apwáxok. ¡Naqsók eyke ko'o sektáha yetlo sekxeyenma Wesse' egegkok tén han xép, ketók ko'o kaxwók sétsapmakxa'!