Génesis 40:13 - Biblia Enxet

¹³ Wokmek sa' agkok ántánxo ekhem, kaxénwók sa' xép apwáxok ma'a faraón, egkeyásekxak sa' makham ma'a aptamheykha, eyátegkásekxak sa' makham apyá m'a faraón, aptémakxa axta chá'a m'a nanók axta.

Génesis 40:13 ပူးပေါင်းရင်းမြစ်များ

Génesis 40:1

Keñe axta natámen xa, aplókassama wesse' apagkok ma'a apyátegkesso nak chá'a anmen yámet égmenek ma'a wesse' apwányam, tén han apkelánesso nak chá'a kelpasmaga, cham'a wesse' apwányam nak Egipto.

Génesis 40:12

Aptáhak axta apcháneya José s'e: —Keso temék xép apwanmagko s'e: Ántánxo axchakkok nak ekteme ántánxo ekhem.

Génesis 40:14

Temék sa' agkok xép xa ektáha nak, kaxén sa' apwáxok ko'o, hepaqhetchesses sa' ma'a faraón, yaqwayam sa' hetekkesek ko'o s'e kañe' nak. ¡Yepyósho sa' hélanok ko'o!

Génesis 7:4

Hakte wokmek sa' agkok siete ekhem, wáphaksek sa' ko'o ekmámeye ekweykmoho cuarenta ekhem, tén han cuarenta axta'a. ¡Amasséssók sa' ko'o náxop ma'a ekyókxoho aqsok ekha nak élennama sélane axta ko'o!”

2 Reyes 25:27

Apcheynamók axta apteme wesse' apwányam Babilonia m'a Evil-merodac, ekhem veintisiete, aptáhakxa axta doce pelten, ekwokmo axta treinta y siete apyeyam kéltekkesso kélya'asso megkatnahakxa apchókxa m'a wesse' apwányam Joaquín, apkeñama axta Judá, apyósek axta apkelano Evil-merodac ma'a Joaquín, keñe aptekkesa kañe' negmomaxchexa,

Salmos 3:3

Wesse', xép eyke apteme seyáhakkásamáxche', xép segkésso m'a seyeymáxkoho nak, xép segkésso m'a sekwasqápeykekxoho nak.

Jeremías 52:31

Apcheynamók axta apteme wesse' apwányam Babilonia m'a Evil-merodac, ekhem veintisiete, aptáhakxa axta doce pelten, ekwokmo axta treinta y siete apyeyam kéltekkesso kélya'asso megkatnahakxa apchókxa m'a wesse' apwányam Joaquín, apkeñama axta Judá, apyósek axta apkelano Evil-merodac ma'a Joaquín, keñe aptekkesa kañe' negmomaxchexa',