Génesis 39:4 - Biblia Enxet

⁴ Cháxa eyásekhássessamo axta wesse' apagkok ma'a José, apteméssessek axta han appasmeykha aptamheykha, tén han apkemha apmonye' m'a apxagkok nak, apméssegkek axta yaqwayam eltaqmelchessesek ekyókxoho aqsok apagkok ekyetnakxa nak.

Génesis 39:4 ပူးပေါင်းရင်းမြစ်များ

Génesis 15:2

Aptáhak axta apchátegmowágko Abram se'e: —Dios Wesse' ahagkok ¡Kaqhók eyke ko'o hegkések ma'a aqsok peya nak hegkések, hakte méko ko'o étchek! Séláneykha Eliézer, apkeñama nak Damasco, sa' elxewekxak ma'a ekyókxoho aqsok ahagkok nak, hakte mehegkéssók ko'o exchep xama hatte.

Génesis 18:3

aptáhak axta apkeláneya s'e: —Énxet'ák, nágkólpekhaksoho aqsa sélyeykhagwe.

Génesis 19:19

Awanhek ko'o sélpasmo kéxegke, tásek han sélteméssesakxa sélwagkasa teyp, mowanchek ko'o amhagkok ma'a élámhakxa nak meteymog, tayépe', náxet ámay hethanyekxak ma'a kélmassésseyam nak tegma apwányam, keñe watsapok.

Génesis 24:2

Aptáhak axta apcháneya apkeláneykha, apteme axta nanók apkeláneykha, nepyeseksa m'a apkeláneykha nak, apkeláneseykha axta chá'a m'a ekyókxoho aqsok apagkok: —Epekken apmek kóneg éyók.

Génesis 32:5

apxénchek han ekha m'a weyke, yámelyeheykok, nepkések, tén han ma'a apkelásenneykha apkelennay'a, tén han kelwán'ák. Eyáphássessek ko'o Esaú xa amya'a nak, hakte émeñeyk kataqmalmakha apwáxok hélano'.”

Génesis 33:10

Aptáhak axta makham Jacob apcháneya s'e: —Taqmeláha sa' agko' apwáxok xép sélano, elma sa' se'e aqsok sélmésso naqsa nak, hakte máxa entáhak sekwet'a enxoho ahaqta'ák ahagko' Dios sekwet'a exchep, tásek sema takha'.

Génesis 33:8

Aptáhak axta han Esaú apkelmaxneyáncha'a s'e: —¿Yaqsa peya etnéssesek xa apnaqtósso sekwet'a nak ko'o élxegakmo emonye' élyaqyahéyak nak kélexpánchesso? —Yaqwayam kataqmalmakha apwáxok hélano' —axta aptáhak apchátegmowágko Jacob.

Génesis 39:8

Axta eyke emakók ma'a José, aptáhak axta apchátegmowágko s'e: —Kalano, élmeyáseykekxeyk ko'o ekyókxoho aqsok apagkok yaqwayam altaqmelchessesek ma'a wesse' ahagkok ekyetnakxa nak, méko xama aqsok keytnakhaksohok apwáxok, hakte ekhegkek ko'o s'e.

1 Reyes 16:9

keñe axta m'a Zimrí, apteme axta apkemha apmonye' sẽlpextétamo apkeltaqmelchesso nekha m'a yátnáxeg apkelyenyawasso kélanchesso nak kempakhakma, Apyexákpók axta apkelánekxo yaqwánxa etnéssesek. Keñe axta xama ekhem neyseksa apha Elá m'a Arsá apxagkok, cham'a Tirsá, apteme axta apkeláneseykha apxagkok, apyenchek axta ekwokmoho eyaqha.

Ester 2:9

Leyawók agko' axta nahan apwáxok apkelano Hegai ma'a kelán'a étkok nak, apchápeyha axta, ekmanyehe agko' axta nahan apkeltamhók kóltexnássesagkok émpehek ma'a pánaqte ektaqmelchessamo nak egyempehek, apkeltamhók axta nahan kólagkok ma'a nento éltaqmalma agko' nak; apteméssessek axta nahan yaqwayam katnehek chá'a éláneykha m'a siete kelán'a étkók kélyéseykha axta, ekheykencha'a axta m'a kañe' tegma apyawe wesse' apwányam apxagkok nak, tén axta aphéssekmo m'a kañe' ektaqmelakxa agko' nak apwáxok tegma apyawe agkok ma'a kelán'ák yetlo m'a kelán'a étkók nak.

Proverbios 14:35

Yásekhohok chá'a wesse' apwányam ma'a apkeláneykha apmopwána nak aptamheykha, etaqnók eyke chá'a m'a megkamopwána nak aptamheykha.

Proverbios 16:7

Leyawók agkok apwáxok Wesse' egegkok aptémakxa xama énxet, kawomhok apkelásekhassáseykekxoho m'a apkelenmexma nak.

Proverbios 17:2

Wesse' chá'a kóltemessásekxak kélásenneykha naqsa apmopwána nak aqsok, apchásenneykha naqsa sa' etnekxak ma'a kélketche ekyeyháxma nak, exkekxak sa' han ma'a aqsok ekpayhawo nak exkekxak ma'a, ektéma nak ma'a pók apkelyáxeg'a nak.

Proverbios 22:29

Énxet aptaqmelchessamo nak chá'a apkelane aptamheykha, etnehek sa' aptamheykha m'a apheykegkaxa nak apkelwesse'e apkelwányam, metnehek sa' wesse' apagkok ma'a meyke nak kéláyo.

Proverbios 27:18

Etwok chá'a ekyexna higo yámet ma'a énxet ektáha nak aptaqmelchesso; keñe m'a ektáha nak chá'a aptaqmelchesso wesse' apagkok, exkak chá'a ektaqmalma apxénamap.

Proverbios 3:4

tén sa' kalkohok chá'a apwáxok elanok Dios, keñe han ma'a énxet'ák nak.

Rut 2:6

Apchátegmowágkokxeyk axta m'a apkemha apmonye': —Moab kelán'a xa, Noemí axta ekyetleykenta eñama m'a yókxexma Moab.

1 Samuel 16:22

Apcháphássessek axta han Saúl appeywa m'a Jesé, apkeltamho exek aqsa m'a aphakxa nak elanaksek chá'a aqsok, hakte leklamók agko' axta apwáxok.

1 Samuel 2:26

Apwánegyek axta m'a sakcha'a Samuel, leklamók axta apwáxok aptémakxa m'a Wesse' egegkok, tén han ma'a énxet'ák.