Génesis 38:7 - Biblia Enxet

⁷ Axta eyke kaleklók apwáxok Wesse' egegkok aptémakxa ekmaso m'a Er, keñe axta apchaqheykekxo.

Génesis 38:7 ပူးပေါင်းရင်းမြစ်များ

Génesis 13:13

apheykegkaxa axta apyókxoho énxet'ák élmasagcha'a apkeltémakxa, apkeláneykegkaxa axta ekmaso agko' apkeltémakxa melya'assáxma, énmexma nak Wesse' egegkok.

Génesis 19:13

hakte agmasséssók sa' negko'o s'e yókxexma nak. Xámokmeyk apxénamap ekmaso s'e énxet'ák apheykha nak tegma apwányam, weykmek ma'a aphakxa nak Wesse' egegkok, cháxa keñamak sẽláphasa nak apkeltamho agmasséssók.

Génesis 38:6

Apkelyamhakkassegkek axta han apketche Judá, cham'a Er, apketche átnaha apketkok, apméssama xama kelán'a ekwesey axta Tamar.

Génesis 46:12

Keso Judá axta apketchek se'e: Er, Onán, Selá, Fares, tén han ma'a Zérah. (Axta eyke apkeletsapmak Er tén han Onán ma'a Canaán.) Keso Fares axta apketchek se'e: Hesrón, tén han ma'a Hamul.

Génesis 6:8

Taqmeleykha axta eyke apwáxok Wesse' egegkok apkelányo m'a Noé.

1 Reyes 17:20

Keñe axta aptáha apyennaqtésawo appeywa apwónéncha'a Wesse' egegkok: “Dios Wesse' ahagkok, ¿peya han éntaxnéssesek awáxok se'e kelán'a tampe' sekteyenwaya nak ko'o axagkok, apmáheyo yaqhássesek ma'a étche?”

1 Crónicas 2:3

Judá apketchek: Er, Onán tén han Selá. Súa apketche kelwána axta étchek xa apqántánxo nak, ekteme axta cananea. Asagko' agko' axta eyke aptémakxa m'a Er, apketche átnaha apketkok axta Judá, la'a apchaqheykekxo axta Wesse' egegkok.

2 Crónicas 33:6

Apkelnapmeyk axta han apketchek apkelwatnama m'a ekyapwátegweykenxa nak xapop ma'a Ben-hinom, apkelwóneykha kélhagák axta aptemék, tén han apya'áseykegkoho aqsok ekpowásamaxche', tén han apkeltámésamap aptegye apmopwána, aptekkessegkek axta negásenneykekxa kélhagák, keñe han nenteme nak yohóxma. Asagkók agko' axta aqsok apkelane nápaqtók Wesse' egegkok, axta keñamak aplókassama Wesse' egegkok.

Salmos 55:23

Dios ahagkok, megkawegqók sa' chá'a apkelweynchámeykha m'a énxet'ák ekyetno nak chá'a apkelyógkexma', tén han ma'a apkelmopwancha'a nak chá'a amya'a; xép sa' epalchesegmak ma'a kañók agko' nak takhaxpop, keñe ko'o may'ásseykmok xép.

Números 26:19

Apkeletsepmeyk axta Judá apketchek ma'a Canaán, cham'a Er, tén han Onán,

1 Samuel 2:25

Asagkek agkok chá'a apteméssesakxa pók xama énxet, apwanchek chá'a enókasha m'a Wesse' egegkok; apkelanak agkok chá'a mey'assáxma xama énxet nápaqtók Wesse' egegkok, ¿yaqsa sa' kamyók?” Axta eyke elyahákxak aptáhakxa apkeláneya m'a apyáp, hakte xeyenmék axta apwáxok Wesse' egegkok elnápekxak ma'a.