Génesis 38:16 - Biblia Enxet

¹⁶ Tén axta apyetnakhágwokmo apyepetchegwokmoho, meyke apya'áseyak ektáha aptánegken. Aptáhak axta apcháneya s'e: —¿Ewancheya apathetagkok? —¿Yaqsa sa' hegkések ekyánmaga sepathetéyak? —axta táhak kelán'a.

Génesis 38:16 ပူးပေါင်းရင်းမြစ်များ

Génesis 38:15

Xama axta apwet'a Judá, kelán'a ekyaqmagkáseyak pók énxet ektegye selyaqye axta apkenék, hakte eyaqlasso axta m'a nát.

Génesis 38:17

—Wáphássesek sa' xama yát'ay apketkók sektósso —axta aptáhak apcháneya Judá. Keñe axta ektáha eyátegmowágko s'e: —Hoy táse' —axta táhak kelán'a—, epekkenekxa sa' sekxók xama aqsok apagkok, ekwokmoho seyaphássesa.

2 Samuel 13:11

xama axta ekmako kagkések yaqwayam etwok, keñe apmágko, aptáhak axta apcháneya: —Kayet sekteme eyáxeg, hepatheták.

Ezequiel 16:33

Kólmésagkok chá'a ekyánmaga m'a ekyókxoho kelán'ák ekma nak chá'a ekyánmaga ekpathetéyak énxet; keñe exche', kalmésagkok aqsa chá'a aqsok élmésso naqsa m'a ektáha nak chá'a élpathetéyak, kayánmagkasek nahan chá'a kaláneyha elxegmak énxet elenyék ma'a ekyókxoho apheykegkaxa yaqwayam epathetagkok xeye'.

Deuteronomio 23:18

Nágkólsakxa aqsa kéxegke kólyánmagkasek kañe' Dios Wesse' kélagkok tegma appagkanamap apagkok ma'a aqsok ekxénamaxche nak yaqwayam kalanaxchek ma'a selyaqye eñama nak ekwetamaxche xa ektéma nak élánamáxche nentémakxa ekmaso mansexta, hakte megkalchek agko' apwáxok elanok Wesse' egegkok élánamáxche nak xa ektéma nak aqsok.