Génesis 38:14 - Biblia Enxet

¹⁴ lekkek axta m'a ektaxno ektaxneykekxa nak kelán'a tampe', chaqlássek axta nát apáwa apkexyawe, yaqwayam enxoho megkeykpelchexche', heyk axta m'a nentaxnamakxa nak tegma apwányam Enaim, ámay ekmahéyak nak Timnat. Temék axta xa ektáha nak, hakte wet'ak axta apwánémo m'a Selá, axta eyke kaxka'ak yaqwayam katnehek atáwa'.

Génesis 38:14 ပူးပေါင်းရင်းမြစ်များ

Génesis 24:65

axta entáhak elmaxneyeyncha'a kélásenneykha s'e: —¿Yaqsa énxet apxegakmo nak yókxexma apmeyókmo nak se'e negchaqnágkaxa? —Ko'o wesse' ahagkok xa —axta aptáhak apchátegmowágko kélásenneykha. Yetlókok axta han eyáhakkáseykekxa nát apáwa.

Génesis 38:15

Xama axta apwet'a Judá, kelán'a ekyaqmagkáseyak pók énxet ektegye selyaqye axta apkenék, hakte eyaqlasso axta m'a nát.

Génesis 38:19

Keñe axta ektaqháwo makham ma'a Tamar, lekkek axta m'a eyáhakkasso nát, taxneykxeyk axta makham ma'a ektaxno ektaxneykekxoho nak kelán'a tampe'.

Génesis 38:26

Xama axta apyekpelchawo Judá xa aqsok nak, aptáhak axta s'e: “Tásek ektémakxa xa kelán'a nak, kaxnók ko'o, hakte magkéssók ko'o m'a hatte Selá.” Keñe axta mepatheteykegkokxo chá'a.

Proverbios 7:10

Keñe axta ektepa apmonye' m'a kelán'a, heyásexkók axta m'a aptémakxal'a élnaqta kelán'a ekyaqmagkáseyak nak pók énxet ektegye selyaqye,

Proverbios 7:12

ekweynchámeykhal'a chá'a m'a ámay, tén han ma'a apheykegkaxa nak chá'a énxet'ák, keñe han ma'a máséyak nak chá'a ámay, élhaxneykha m'a apyeykhágwayam enxoho chá'a apmonye' keñe kamok chá'a.

Jeremías 3:2

“Kanmexekxoho hana egkexe éláxñeyo nak, kataqmelchesho sa' élányo: ¿háxko megkalánegweykenxa exche' ektémakxa megkamasexta? Kaxek chá'a exche' nekha ámay kaleyxek élásekhayókxa, aptamheykegkól'a árabe m'a yókxexma meykexa nak énxet. Kenyetséssegkek apchókxa ektémakxa megkamasexta, tén han ektémakxa ekmaso.

Ezequiel 16:25

Kelánegweykmek chá'a ekyókxoho ekmassegweykemxa nak chá'a ámay xa ektéma nak aqsok, temessáseykekxeyk aqsok ekmaso agko' ma'a ektémakxa nak ektaqmalma ekméssama chá'a ekyókxa m'a apyókxoho ektáha nak chá'a apyeykhágwayam, méko néxa élane m'a ektémakxa ekmaso megkamasexta.