Génesis 37:8 - Biblia Enxet

⁸ Keñe axta apkelpepma aptáha apkelátegmowágko s'e: —¿Apkeneykeya exchep etnehek wesse' apwányam egagkok, tén han hentemessásekxak kóneg negko'o? Yágwokmók axta aqsa aptaqnawaya, apkeltennásencha'a m'a ektáhakxa apwanmagko.

Génesis 37:8 ပူးပေါင်းရင်းမြစ်များ

Génesis 27:41

Aptaqnagkamchek axta Esaú m'a Jacob, eñama m'a apkelmaxnéssesso axta aqsok éltaqmela m'a apyáp, axta temék ekpaqméteykencha'a apwáxok se'e: “Kaxwók sa' kawak sẽllapwámeyak eñama apketsapma m'a táta, keñe sa' natámen xa waqhek ko'o m'a eyáxeg Jacob.”

Génesis 37:4

Apkelweteyak axta apkelpepma apchásekhayo apagko' apyáp ma'a José, axta kaxnók ma'a pók apketchek nak, aptaqnókek axta, massegkek axta ektaqmeleykha apkelpeywa elána'.

Génesis 37:9

Wanmeyásekxeyk axta makham mók aqsok José, apkeltennáseyha axta han apkelpepma. Aptáhak axta apkeláneya s'e: —Ewanmeyásekxeyk ko'o makham mók aqsok, ekwet'ak xeyk ko'o sekwanmagko ekhem tén han pelten, tén han once yaw'a apkelháxahágko emonye' ko'o.

Génesis 42:10

—¡Wesse', megkatnahak xa ektáha nak! —axta aptáhak apkelátegmowágko—. Nélwa'ak negko'o yaqwayam ólmok ekha ekyánmaga nento. Negko'o nentáha nak xép apkeláneykha.

Génesis 44:18

Apyepetchegwokmók axta Judá m'a José, aptáhak axta apcháneya s'e: —Wesse', peyk eykhe apaqhetchesek xép ektaqmalma agko', náhetaqnow aqsa, hakte aphawók xép ma'a faraón.

Génesis 49:26

Xámok xép apkelmaxnéssesso aqsok éltaqmela m'a apyáp, kaxnók ko'o ektémakxa axta sélmaxnéssesso aqsok éltaqmela m'a élyapmeyk axta. Kayeykhágwomhok sa' eyáhapwe aqsok éltaqmela m'a José, megkaxók sa' ma'a ekweykenxa nak egkexe nano', cham'a José kélyéseykha axta nepyeseksa apkelpepma.

Génesis 50:18

Keñe axta apkelya'aweyktámho apagko' ma'a apkelpepma nak, apkelháxahanteyk axta apmonye' ekwokmoho apkeltekxeya élpayhakxa nápaqta'a xapop, aptáhak axta apcháneya s'e: —Keso negko'o s'e. Negko'o nenteme apkelásenneykha naqsa.

Salmos 118:22

Tamhákxeyk kaxwók meteymog kélmámenyého kólmaha m'a apyetnakhasso axta apkeláneyak nak tegma.

Éxodo 2:14

Tén axta m'a énxet, ektáha axta aptekpageykha pók, aptáha apchátegmowágkokxo s'e: —¿Yaqsa ekpekkenma exchep yaqwayam etnehek apkemha apmonye' tén han segyekpelchémo negyeseksa negko'o? ¿Xénchek enxeykel'a apwáxok ko'o xa heyaqhek, ektáha axta apchaqha m'a egipcio? Xama axta apleg'a Moisés aptáha apcháneya xa, apchekak axta, hakte xénchek axta apwáxok kélya'ásegkoho ektáha apchaqhe m'a xama egipcio.

Deuteronomio 33:16

tén han ekyexna éltaqmalma agko' eksawheykekxoho nak ma'a xapop, yetlo appasmo m'a apwetamakpo axta neyseksa maktek. Kaweywenta takhapxet José s'e ekyókxoho nak, ektáha axta apkelyésamap nepyeseksa m'a apkelpepma.

1 Samuel 10:27

Yetneyk axta eyke han chá'a énxet eyesagkeykha nak chá'a apkelpeywa. Aptáhak axta apkelpaqmeta s'e: “¿Keya yaqwayam etnehek sẽlwagkasso teyp xa?” Apwanyeyha axta, axta han elsántegkásak chá'a aqsok apkelmésso naqsa; máxa manleg'a axta eyke aptáhak ma'a Saúl.

1 Samuel 17:28

Keñe axta Eliab, apepma átnaha apketkok axta m'a David, aplege axta apkelpaqhetchesso m'a énxet'ák, aptaqnókók apagko' axta, aptáhak axta apcháneya s'e: —¿Yaqsa aptegyágwa'a apmeyókmo s'e? ¿Yaqsa apnegkenchásekxo yaqwayam kalanha m'a nepkések apqántawo apkellóncha'a nak yókxexma meykexa énxet? Ekya'ásegkók ko'o exchep apxegakmo apmako elanha kempakhakma.

1 Samuel 18:8

Cháxa eklókasa axta apwáxok ma'a Saúl, aplókók apagko' axta aptáha appaqmeta s'e: —Apxénákpek David apkelnapa diez mil énxet, keñe ko'o sekxénáxko sélnapa wánxa mil énxet. ¡Kaxwók sa' kólteméssesek wesse' apwányam!