Génesis 36:24 - Biblia Enxet

²⁴ Keso Sibón axta apketchek se'e: Aiá, tén han Aná. Aná axta apwete ekteyapmakxa yegmen ma'a meykexa énxet, neyseksa apkeláneseykha apyáp Sibón apnaqtósso yámelyeheykok.

Génesis 36:24 ပူးပေါင်းရင်းမြစ်များ

Génesis 36:2

Apkelmomchek axta Esaú kelán'ák Canaán: cham'a Adá, Elón axta apketche, apteme axta hitita; tén han ma'a Oholibamá, Aná axta apketche, Sibón axta aptáwen, apteme axta heveo;

Génesis 36:23

Keso Sobal axta apketchek se'e: Alván, Manáhat, Ebal, Sefó, tén han Onam.

Génesis 36:25

Apweteyak axta han xama apketche m'a Aná, apwesey axta Disón, tén han xama apketche kelwána ekwesey axta Oholibamá.

2 Samuel 13:29

Apkelánegkek axta han ma'a apkeltamhókxa etnahagkok ma'a Absalón, apchaqhak axta Amnón ma'a apkeláneykha. Keñe axta apkelchampákxo néten apyókxoho m'a David apketchek, apkelchántákxeyk axta apkelchánte élyéheykok apkenyahágko.

2 Samuel 18:9

Élyéheykok axta han apchánte Absalón, pelakkassek axta han apwet'a apmonye' David apkelxegexma'a. Negkónchek axta élyéheykok kóneg yámet ekyawe encina, keñe axta Absalón élaspa apwa' aktegák, apmakheyha axta han ma'a néten, hakte xegkek axta aqsa m'a élyéheykok apchánte.

1 Reyes 1:38

Yetlókok axta apxega m'a apkelmaxnéssesso Dios énxet'ák apagkok Sadoc, yetlo Natán apteme nak Dios appeywa aplegasso, tén han Benaías, Joiadá apketche, tén han quereteos, keñe han peleteos, apkenátchessek axta Salomón ma'a David apchánte élyeheykok, apya'ássek axta m'a Guihón.

1 Reyes 1:44

apkeltamhók han elyetlók Salomón ma'a apkelmaxnéssesso Dios énxet'ák apagkok Sadoc, tén han ma'a Dios appeywa aplegasso Natán, tén han Benaías, Joiadá apketche nak, keñe han ma'a quereteos, tén han ma'a peleteos; apkenátchessek ma'a élyeheykok apchánte nak wesse' apwányam.

1 Reyes 4:28

Kólsantagkasek axta chá'a m'a apho nak hótáhap tén han pa'at yaqwayam etawagkok yátnáxeg, tén han aqsok kélnaqtósso kélpátegkesso nak chá'a aqsok.

1 Crónicas 27:29

Sitrai, apkeñama axta Sarón, axta apkeltaqmelchesso weyke kélyáqkasseykmo nak kéleykegko pa'at ma'a Sarón agko' nak. Keñe Safat, Adlai axta apketche, apteme apkeltaqmelchesso m'a weyke kélágwayam axta pa'at ma'a ekyapwátegweykenxa nak xapop.

Levítico 19:19

“Kóllána chá'a segánamakxa ahagkok. “Nágkólyamhakkas chá'a kélnaqtósso m'a mók ektémakxa nak chá'a kélnaqtósso. “Nágkólchenekxa chá'a namyep kélagkok mók ektémakxa nak aqsok aktek élpaxqamáxche'. “Nágkólántaxnekxa chá'a xama enxoho apáwa kéllane nak chá'a élpaxqamáxche' aqsok.

Zacarías 14:15

Kaxhok sa' nahan eyáhapwe kéllegassáseykegkoho yátnáxeg, élyeheykok, yányátnáxeg, yámelyeheykok, tén han ekyókxoho apnaqtósso élyáqto nak apkelpakxeneykegkaxa apkelenmexma m'a, ekwánxa nak peya káhapwak kéllegassáseykegkoho m'a énxet'ák.

Deuteronomio 2:10

(Énxet'ák emitas axta apheykha nanók agko' axta xa apkelókxa nak, apteme axta énxet apkelyawe tén han apxámokma apagko', aphóxekche'ék axta nahan ma'a, aphawók axta m'a énxet apwesey axta Anac aptawán'ák neptámen, cham'a xama énxet apwenaqte axta.