Génesis 35:27 - Biblia Enxet

²⁷ Apteyánegweykekxók axta Jacob ma'a apyáp Isaac, cham'a yókxexma Mamré, tegma apwányam apwesey axta han Arbá, tén han Hebrón, apheykegkaxa axta m'a Abraham tén han Isaac.

Génesis 35:27 ပူးပေါင်းရင်းမြစ်များ

Génesis 13:18

Aplekkek axta appakxanma Abram apmahágko aphakmo m'a élámhakxa nak yámet naxma apagkok axta m'a énxet apwesey axta Mamré, ketók axta m'a tegma apwányam nak Hebrón. Axta apkelánéssekmok han xama aqsok ekwatnamáxchexa Wesse' egegkok ma'a.

Génesis 14:13

Tén axta xama énxet apxegányam axta apkeltennássa'akto Abram, apteme nak hebreo, aphama axta m'a élámhakxa nak yámet naxma apagkok ma'a Mamré, apteme axta amorreo, Mamré axta apyáxeg ma'a Escol tén han Aner. Abram axta han appasmeykekxa xa.

Génesis 17:8

Agkések sa' ko'o exchep ma'a ekyókxoho xapop nak Canaán, tén han ma'a aptawán'ák neptámen nak, apheykegkaxa nak se'e kaxwo' nak, etnehek sa' apagkok megkatnégwayam néxa, ko'o sa' han atnehek Dios apagkok ma'a.

Génesis 18:1

Apxekmowáseykpók axta Wesse' egegkok Abraham, élámhakxa nak yámet naxma apagkok ma'a Mamré. Apheyk axta Abraham ma'a átog nak appakxanma, chaqhawók axta m'a ekweykenxal'a kamexnek exma'.

Génesis 23:19

Yetlókok axta han apchátawanye Abraham Sara m'a meteymog áxwa nak, ekyetnama nak xapop Macpelá, ekteyapmakxa ekhem nak teyp Mamré, éltamhomaxchexa nak han ekwesey Hebrón, ekyetnama nak ma'a Canaán.

Génesis 23:2

keñe axta étsapma m'a Quiriat-arbá nak, cham'a tegma apwányam nak Hebrón, yókxexma Canaán. Apkelekxagweykha axta Abraham étsapma Sara.

Génesis 28:5

Cháxa ektémakxa axta Isaac apcháphassama Jacob ma'a Padán-aram. Apweykmek axta Jacob ma'a Labán apxagkok, apketche axta m'a Betuel, apteme axta arameo, yáxeg axta m'a Rebeca, Jacob axta egken, tén han Esaú.

Génesis 37:14

Exeg sa' axta aptáhak Israel, elano sa' ektáhakxa apheykha m'a apkelpepma, tén han ma'a nepkések, keñe sa' éxyók makham hesantagkasek amya'a. Apcháphássek axta Israel José apkeñama m'a xapop ekyapwate nak Hebrón, apwokmek axta José m'a Siquem,

Génesis 49:29

Apméssek axta apketchek Jacob se'e apkeltamhókxa axta chá'a etnahagkok: “Kaxwók sa' ko'o watsapok, hélátawanyegwakxa sa' xamo' ma'a élyapmeyk nano', cham'a meteymog áxwa ekyetnama nak ma'a yókxexma Efrón, apagkok axta m'a énxet hitita,

2 Samuel 2:1

Apkelmaxneyáha axta Wesse' egegkok David natámen xa, axta aptáhak apcháneya s'e: —¿Ewancheya ko'o amhagkok xama tegma apkelyawe apheykegko nak Judá? Apchátegmowágkek axta Wesse' egegkok: —Éhay, apwanchek emhagkok. Keñe axta David aptáha apkelmaxneyáncha'a: —¿Háxko ewanchek amhagkok? Apchátegmowágkek axta Wesse' egegkok: —Emhók sa' ma'a Hebrón.

2 Samuel 2:11

siete apyeyam, seis pelten axta han apteme wesse' apwányam David ma'a Judá, axta eyke aphamakxa chá'a aptéma wesse' apwányam ma'a Hebrón.

2 Samuel 2:3

Apnaqlókek axta han apkelxegexma'a, ekyetlómo chá'a apnámakkok, apkelhakmek axta m'a tegma apkelyawe neyáwa nak Hebrón.

2 Samuel 5:1

Apkelmeyákxeyk axta apyókxoho énxet'ák Israel ma'a Hebrón, yaqwayam elpaqhetchesakpohok ma'a David, axta aptáhak apcháneya s'e: “Egnámakkok egagko' negko'o exchep,

2 Samuel 5:3

Cháxa ektáhakxa axta apkelxega m'a apyókxoho apkelámha apmonye'e nak Israel, keñe apkelpaqhetchásekpoho wesse' apwányam David ma'a yókxexma Hebrón, apheyásawók axta han mók apkelpaqhetchásamákpoho m'a énxet'ák nak, Wesse' egegkok axta han aptemessásak apweteykegkoho. Tén axta xa énxet'ák nak apteméssesa wesse' apwányam David ma'a Israel.

2 Samuel 5:5

siete apyeyam nepxet pók axta han apteme wesse' apwányam ma'a Judá, cham'a Hebrón, tén axta treinta y tres apyeyam apteme wesse' apwányam ma'a ekyókxoho Israel nak, tén han Judá, cham'a Jerusalén.

Josué 15:13

Apméssek axta Josué nekha Judá énxet'ák xapop apagkok ma'a Caleb, apketche nak Jefuné. Apméssek axta han ma'a Hebrón, tegma apwányam apagkok axta m'a Anac aptawán'ák neptámen, cham'a énxet apwenaqte axta, apkeltémókxa axta etnehek ma'a Wesse' egegkok.

Josué 21:11

Apkelxawágkek axta m'a Hebrón, yókxexma ekxámakxa nak meteymog élekhahéyak ma'a Judá, cham'a tegma apyawe apagkok axta m'a Anac aptawán'ák neptámen, xama énxet apwenaqte axta, yetlo m'a yókxexma ektaqmelakxa nak pa'at.