Génesis 35:23 - Biblia Enxet

²³ Keso Lía axta étchek se'e, Jacob axta apwetasso: Rubén, étche átnaha apketkok; Simeón, Leví, Judá, Isacar, tén han ma'a Zabulón.

Génesis 35:23 ပူးပေါင်းရင်းမြစ်များ

Génesis 29:16

Ánet axta apketchek ma'a Labán: Lía axta ekwesey katnaha étkok, keñe axta sexyók ekwesey Raquel.

Génesis 29:31

Apweteyak axta Wesse' egegkok ekmasexto apchásekhayo Jacob ma'a Lía, tén axta apméssama yaqwayam kótak étchek, keñe axta Raquel apteméssessama megkate étche.

Génesis 33:2

Amonye'e axta aptemessásak ma'a apkelásenneykha kelwán'ák yetlo étchek, keñe axta m'a Lía yetlo étchek, tén axta axayók agko' ma'a Raquel yetlo José.

Génesis 49:3

“Xép Rubén apteme hatte átnaha apketkok, apmonye' apteyapma eñama sekwasqapma, apmonye' apteme ekha kéláyo, tén han apyennaqte.

1 Crónicas 12:25

Siete mil cien axta apyókxoho m'a Simeón axta énxet'ák apagkok, kempakhakma yapmeyk megyeye elmahagkok eyesagkexa axta m'a, appencháseyak axta aptamhágkaxa yaqwayam yempakha'.

1 Crónicas 27:16

Keso apkelámha apmonye'e apagkok axta énxet'ák Israel: Eliézer, apteme axta Rubén énxet'ák apagkok, Zicrí axta apketche; Sefatías, apteme axta Simeón énxet'ák apagkok, Maacá axta étche;

Éxodo 1:1

Keso apkelwesey axta israelitas apkelwayam yetlo Jacob ma'a Egipto. Xama énxet axta chá'a ekyetlómo apnámakkok apagko': cham'a Rubén, Simeón, Leví, Judá

Ezequiel 48:30

“Kólwakheyásekxak sa' meteymog kélhaxta nepyáwa m'a tegma apwányam, dos mil doscientos cincuenta metros sa' nahan chá'a katnehek xama nekha m'a cuatro nápakhaw'ék nak. Ántánxo atña'ák sa' nahan chá'a kaxnagkok xama nekha m'a kélhaxta nak, xama átog sa' chá'a keytek apwesey m'a pók aptémakxa nak chá'a énxet'ák ma'a Israel, sa' katnehek ekxega s'e: Atña'ák élpehewayam nak nexcheyha: Kaxnagkok sa' apkelwesey m'a Rubén, Judá tén han ma'a Leví; keñe sa' ma'a élpehewayam nak teyapmakxa ekhem: kaxnagkok sa' apkelwesey m'a José, Benjamín tén han ma'a Dan; keñe sa' ma'a élpehewayam nak nepyeyam: kaxnagkok sa' apkelwesey m'a Simeón, Isacar tén han ma'a Zabulón; keñe sa' ma'a élpehewayam nak taxnegwánxa ekhem: kaxnagkok sa' apkelwesey m'a Gad, Aser tén han ma'a Neftalí.

Números 1:20

Xama axta ekpenchásexko eknaqtáxésamaxche apkelwesey m'a ektáhakxa nak chá'a énxet'ák apagkok, tén han apnámakkok apancha'awo', tén han eknaqtáxésamaxche chá'a apkelwesey xama xama tén han apyókxoho m'a apkelennay'a apwayam nak chá'a veinte apyeyam apagkok néten, keso ekwánxa axta ekwetamaxche ekyókxoho apkelwesey s'e: Cuarenta y seis mil quinientos apkelennay'a axta apwokmok apyókxoho kélyetsete m'a Rubén nak énxet'ák apagkok, apketche átnaha apketkok axta m'a Israel, cham'a apmopwancha'a nak chá'a yempakha'.

Números 1:5

Keso apkelwesey apkelámha apmonye'e yaqwayam nak chá'a ewhánhok se'e: “Elisur, apketche nak Sedeúr, apteme nak Rubén énxet'ák apagkok.

Números 10:14

apmonye'e axta apkelxegak ma'a sẽlpextétamo apheykha axta ekpayhókxa apkemhakxa m'a Judá bandera apagkok, Nahasón axta eyke apkemha apmonye' apagkok, Aminadab apketche nak.

Números 13:4

Keso apkelwesey axta s'e: Samúa, Zacur axta apketche, apkeñama axta nepyeseksa m'a Rubén énxet'ák apagkok;

Números 2:3

“Teyapmakxa ekhem sa' elpakxenagkok ma'a Judá sẽlpextétamo apagkok, apkemhakxa nak bandera apagkok. Nahasón akke apkemha apmonye' apagkok xa sẽlpextétamo apagkok nak Judá énxet'ák apagkok, cham'a Nahasón apketche nak Aminadab,

Números 26:5

Keso apnámakkok apancha'awók axta Rubén aptawán'ák neptámen se'e, apketche átnaha apketkok axta Israel: Henoc, Falú,

Números 34:19

Keso énxet'ák apkelámha apmonye'e eyéméxko nak kéxegke kóláneyha s'e: “Caleb, Jefuné apketche, aptáha nak Judá énxet'ák apagkok.

Números 7:12

Nahasón axta nahan apkelsákxak aqsok apkelmésso naqsa apagkok ma'a émha amonye' ekhem, Aminadab apketche nak, apkeñama axta nepyeseksa m'a Judá énxet'ák apagkok.

Deuteronomio 27:11

Cháxa ekhem apmésakxa axta nahan Moisés énxet'ák se'e appeywa nak:

Deuteronomio 33:6

Keñe axta aptáha apxéna Rubén se'e: “¡Memassegwomek sa' Rubén! ¡Megyetsephek sa', apqántawók eykhe m'a énxet'ák apagkok!”

Josué 13:15

Apkelmeyásegkek axta Moisés xapop apagkok ma'a Rubén nak énxet'ák apagkok, apwánxa enxoho chá'a apxámokma m'a apnámakkok.

Josué 15:1

Weykmók axta néxa xapop nak Edom apchaqhémo axta apkelxaweykegko m'a apnámakkok nak Judá énxet'ák apagkok, keñe han ma'a ekpayho nak nepyeyam ekweykekxoho m'a yókxexma Sin meykexa nak énxet.

Josué 19:1

Ánet axta entáhak ektawásamáxche aqsok, keñe élpehewokmo apkelxawéyak xapop ma'a Simeón énxet'ák apagkok apnámakkok. Cháxa xapop nak, axta yetnók ma'a kañe' nak xapop apagkok ma'a Judá énxet'ák apagkok,

Josué 19:10

Ántánxo axta táhak ektawásamáxche aqsok, keñe axta élpehewokmo apkelxawéyak xapop ma'a Zabulón énxet'ák apagkok apnámakkok. Weykekxók axta néxa xapop apagkok ma'a yókxexma nak Sarid.

Josué 19:17

Cuatro axta entáhak ektawásamáxche aqsok, keñe élpehewokmo apkelxawéyak xapop apagkok ma'a Isacar énxet'ák apagkok apnámakkok.

Jueces 5:14

Nápakha Efraín énxet'ák apagkok axta apkelpéwók ma'a ekyapwátegweykenxa nak xapop, apkelxegkek axta neptámen ma'a Benjamín énxet'ák apagkok. Keñe axta apkeleñama nak nepyeseksa Maquir énxet'ák apagkok, apkelxegakmo m'a apkelámha apmonye'e apagkok nak, keñe m'a apkeleñama nak nepyeseksa Zabulón énxet'ák apagkok, apkelxegakmo chá'a m'a apkeltaqmelchesso nak apkelókxa.

Jueces 5:15

Apkelyetlókek axta han Débora m'a apkelámha apmonye'e apagkok axta m'a Isacar; appasmomchek axta han Isacar ma'a Barac, hakte apxegamchek axta neptámen, appéwomo m'a ekyapwátegweykenxa nak xapop. “Naqsók agkok appenchásegko aptamhágkaxa yaqwayam yempakhak ma'a Rubén nak sẽlpextétamo apagkok,

Jueces 5:18

Keñe axta Zabulón tén han Neftalí énxet'ák apagkok megyeka apkeletsapma m'a yókxexma egkexe émpakháxchexa axta.

Rut 4:11

Aptáhak axta apkelátegmowágko apyókxoho énxet'ák ekha kéláyo s'e, tén han ma'a ektáha axta apkelwayam ma'a: —Naqso', negko'o negweteykegkoho. ¡Sa' eyke etnéssesek Wesse' egegkok kelán'a ekmako nak katxek apxagkok ma'a apteméssessamakxa axta m'a Raquel, tén han ma'a Lía, ekxámáseykekxo axta m'a énxet'ák Israel eñama m'a atawán'ák natámen! Etne sa' xép énxet ekxámokma aqsok apagkok ma'a Efrata, xama énxet kélya'áseykegkoho m'a yókxexma Belén.