Génesis 34:7 - Biblia Enxet

⁷ Xama axta apkelwákxo Jacob apketchek apkelenyékto yókxexma, tén han apleg'a ektáhakxa', apkellókek axta, hakte asagkók agko' axta aptáhakxa Siquem nápaqta'awók ma'a énxet'ák Israel, apteméssessekmoho exma m'a Jacob apketche. ¡Hakte axta kapayhawok chá'a kalanaxchek xa ektéma nak!

Génesis 34:7 ပူးပေါင်းရင်းမြစ်များ

Génesis 20:9

Keñe axta Abimélec apcháneyáncha'a m'a Abraham. Aptáhak axta apcháneya s'e: —¡Elano senteméssesakxa! ¿Énmexméya ko'o exchep peya nak heyhágwakxak magya'assáxma ekmaso agko', tén han ma'a apyókxoho énxet'ák ahagkok? Mantemék xa.

Génesis 34:6

Apyo'ókmek axta Hamor ma'a Jacob, apyáp axta m'a Siquem, yaqwayam elpaqhetchesakpoho'.

Génesis 34:8

Apkelpaqhetchessek axta Hamor ma'a, aptáhak axta apkeláneya s'e: —Apmenyeyk apagko' hatte Siquem ma'a kélyáxeg nak kéxegke. Kólmés sa' yaqwayam etnehek aptáwa'

Génesis 46:7

Kelxegkek axta élyetlawa ekyókxoho apketchek, apkelennay'a tén han kelwán'ák, aptawán'ák apkelennay'a, tén han kelwán'ák.

2 Samuel 13:21

Xama axta apleg'a amya'a ektáhakxa m'a wesse' apwányam David, aplókók apagko' axta; axta eyke han epaqhetchásak ma'a apketche Amnón, hakte apketche átnaha apketkok axta han ma'a, apchásekhayókxa axta.

Salmos 93:5

Oh Wesse', payhawok kóláwhok chá'a m'a segánamakxa apagkok. ¡Aptémakxa appagkanamap chá'a katnéssesek aptaqmalma apagko' ma'a tegma appagkanamap apagkok nak!

Proverbios 7:7

ekwet'ak axta ko'o wokma'ák meyke apkelya'áseyak aqsok, keñe sekwet'a han xama nepyeseksa meyke agko' nak apya'áseyak aqsok.

Jeremías 29:23

Sa' katnehek xa ektáha nak, eñama apkeláneyak aqsok ekmaso agko' ma'a kañe' Israel: Apnaqtawáseykegkók apnaqteyegka'a apkelánéseykegko chá'a m'a apnámakkok apnaqteyegka'a, apkelmopwancha'a amya'a nahan chá'a aptamheykegkok apkelxeyenma m'a sektémakxa sekpeywa, maltémo nak chá'a ko'o elxének. Ekya'ásegkók ko'o xa, ekweteyak nahan. Ko'o sekxeyenma xa, sektáha nak Wesse'.’”

Levítico 4:13

“Apkelánegkek sa' agkok aqsok ekmaso apyókxoho israelitas, neyseksa eykhe memáheyo elanagkok, tén han ma'a melyekpelcha enxoho aqsok ekmaso apkeláneyak, ektáha nak énmexma m'a Wesse' egegkok segánamakxa apagkok, apkelsexnánémap apancha'awók sa' etnahagkok,

Levítico 4:2

“Eltennés sa' israelitas. Apkelanak sa' agkok mey'assáxma énxet megkatnahakxoho apmáheyo elána', énmexma nak Wesse' egegkok segánamakxa apagkok, apkelana enxoho m'a aqsok ekmeyamáxkoho nak anlána'. Sa' katnehek chá'a élánamáxche s'e:

Levítico 4:27

“Apkelanak sa' agkok mey'assáxma xama énxet neyseksa memáheyo elána', apkeñama nak nepyeseksa m'a énxet'ák, eksexnenagko enxoho eñama apkelane m'a énmexma nak Wesse' egegkok segánamakxa apagkok,

Deuteronomio 22:20

“Naqsók sa' agkok nanók kélteméssesseykmohóxma m'a kelán'a étkok nak,

Deuteronomio 22:21

kólchenegkesseták sa' ma'a átog nak ma'a yáp apxagkok, keñe sa' ma'a énxet'ák apheykha nak tegma apwányam elyetnak meteymog yaqhek, eñama élane xama aqsok ekmaso agko' ma'a kañe' Israel, tén han ekpathetéyak énxet neyseksa ekha makham ma'a yáp apxagkok. Keñe sa' kólmasséssók aqsok ekmaso ekteyapma kélnepyeseksa kéxegke.

Deuteronomio 23:17

“Méko sa' xama énxet tén han kelán'a israelitas kagkésaxchek ma'a nentémakxa ekmaso nak mansexta, apkeláneykegkohol'a chá'a énxet'ák melya'áseyak nak Dios elpeykeshok ma'a aqsok apcháyókxa.

Josué 7:15

Keñe m'a énxet ektáha enxoho apkelma m'a séltémo axta kólmasséssók ekyókxoho, kólwatnekxak sa' yetlo apketchek, keñe han ma'a ekyókxoho aqsok apagkok, eñama apkelane aqsok ekmaso nepyeseksa m'a énxet'ák Israel, keñe han melyaheykekxoho m'a ekhémo mók nélpaqhetchásamáxkoho eñama nak Wesse' egegkok.

Jueces 20:6

Tén axta ko'o sekmákxo m'a ápak keñe sélyaqtennágko, séláphasa chá'a nekha'a étkók ekyókxoho yókxexma negheykegkaxa nak, yaqwayam kólya'asagkohok ekyókxoho Israel se'e aqsok ekmaso agko' nak élánamáxche'.