Génesis 34:31 - Biblia Enxet

³¹ Aptáhak axta apkelátegmowágko s'e: —¿Óghoya negko'o katnehek egyáxeg ma'a ektémakxal'a kelán'a ekyaqmagkáseyak pók énxet ekpathetéyak ektegye selyaqye?

Génesis 34:31 ပူးပေါင်းရင်းမြစ်များ

Génesis 34:13

Apkelátegmowágkek axta Jacob apketchek ma'a Siquem tén han ma'a apyáp Hamor, apkelyexancháseyha axta eyke, hakte axta ñémékxa apmáheyo exnésseshok mók apteméssesseykmoho exma m'a Dina.

Génesis 34:27

Apkelwokmek axta han ma'a pók apketchek axta Jacob, apkelyeykhágkek axta aphopák ma'a aptekyawa axta, apkelmenyexchásegko aqsok apagkok ma'a énxet'ák, yaqwayam exnésseshok mók kélteméssesseykmoho exma m'a apyáxeg.

Génesis 34:30

Keñe axta Jacob aptáha apkeláneya Simeón tén han Leví s'e: —Asagkek kéxegke sélteméssesakxa'. Hetaqnók sa' ko'o kaxwók énxet'ák apheykha nak se'e yókxexma nak, cham'a cananeos, tén han ferezeos. Épetchekxak sa' pók hénmexek ko'o, tén sa' hektámegma', heyaqhek sa' ko'o tén han ma'a ekheykha nak exagkok, hakte apqántawok ko'o énxet'ák ahagkok.

Génesis 35:1

Aptáhak axta Dios apcháneya Jacob se'e: “Yempekxa néten, emyekxa sa' exnakxak ma'a Betel. Hélánessekxa sa' xama ekwatnamáxchexa aqsok ma'a, ko'o sektáha nak Dios, sekxekmowásamáxkoho axta apyexánegkessama axta m'a apepma Esaú.”

Génesis 49:7

¡Eltaqnaweykpok sa' chá'a, eñama m'a apkello ekmaso! ¡Waxpánchesek sa' ko'o apyókxoho m'a ekyókxoho nak kañe' Israel!

Proverbios 6:34

Hakte máxa táxa aplo m'a énxet apkelmeyeykha nak chá'a aptáwa', megkapyósegwomek elanok pók ma'a apyaqmagkásekxo enxoho mók apteméssessamakxa';