Génesis 34:26 - Biblia Enxet

²⁶ Sókwenaqte axta apkelyetxeyk apchaqha m'a Hamor, yetlo apketche Siquem; tén axta Dina kéltekkesa m'a Siquem apxagkok, yetlókok axta han apkeltaqhémo.

Génesis 34:26 ပူးပေါင်းရင်းမြစ်များ

Génesis 34:25

Apkelmeyákxeyk axta eyke tegma apwányam ekwokmo ántánxo ekhem ma'a Simeón tén han Leví, Jacob axta apketchek, kelyapma axta m'a Dina, megkamassakxa axta makham élmáske kélyenyekhássesso nekha apyempe'ék ma'a apkelennay'a nak, yetlo sókwenaqte apagkok axta aptáhak apkelnapa m'a apyókxoho, hakte méko axta élenmexákxo.

Génesis 34:27

Apkelwokmek axta han ma'a pók apketchek axta Jacob, apkelyeykhágkek axta aphopák ma'a aptekyawa axta, apkelmenyexchásegko aqsok apagkok ma'a énxet'ák, yaqwayam exnésseshok mók kélteméssesseykmoho exma m'a apyáxeg.

2 Samuel 2:26

Keñe axta Abner apyennaqtésa appeywa aptáha apcháneya Joab se'e: —¿Megkamassegwomeya s'e nentekyawa nak? ¿Ya ey'ásegkok peya hegmések aqsa éllapwámeyak egwáxok se'e aqsok nak? ¿Háxko sa' ekwánxa ekhem yának elwátésagkok énxet'ák apagkok apmenxeneykha m'a apkelyáxeg'a?

Isaías 31:8

kalnápok sa' sókwenaqte m'a énxet'ák apheykha nak Asiria, háwe sa' eyke énxet yaqwayam elnápok. Kamenxenek sa' kempakhakma m'a énxet'ák apagkok, keñe sa' ma'a wokma'ák kempakhakma yapmeyk nak katnéssesek kélásenneykha naqsa;

Deuteronomio 32:42

Kalyássesek sa' éma m'a yágke aktek ahagkok nak, kasawhohok sa' kamasséssók ma'a sókwenaqte ahagkok; ¡kaltexneyxchek sa' éma apagkok ma'a apkeletsapma nak tén han ma'a apkelmomap nak!, ¡tén han ma'a apkelámha apmonye'e apagkok nak ma'a sélenmexma, élwenaqte nak apwa'ák!’