Génesis 34:25 - Biblia Enxet

²⁵ Apkelmeyákxeyk axta eyke tegma apwányam ekwokmo ántánxo ekhem ma'a Simeón tén han Leví, Jacob axta apketchek, kelyapma axta m'a Dina, megkamassakxa axta makham élmáske kélyenyekhássesso nekha apyempe'ék ma'a apkelennay'a nak, yetlo sókwenaqte apagkok axta aptáhak apkelnapa m'a apyókxoho, hakte méko axta élenmexákxo.

Génesis 34:25 ပူးပေါင်းရင်းမြစ်များ

Génesis 34:26

Sókwenaqte axta apkelyetxeyk apchaqha m'a Hamor, yetlo apketche Siquem; tén axta Dina kéltekkesa m'a Siquem apxagkok, yetlókok axta han apkeltaqhémo.

2 Crónicas 32:25

Axta eyke egkéssók ekxeyenma apwáxok Ezequías ma'a Wesse' egegkok, eñama ektaqmalma apteméssessamakxa', apmomchek axta aqsa ekyawe agko' eyeymáxkoho apwáxok, axta keñamak aptaqnagkama m'a Wesse' egegkok, keñe han apkeltaqnaweykegko m'a énxet'ák nak Judá tén han Jerusalén.

Proverbios 4:16

hakte menaqtének chá'a axta'a melánegko enxoho aqsok ekmaso m'a; megkalnáphek tén ma'a metnéssessekmoho enxoho chá'a exma ekmaso xama énxet.

Números 31:17

Kólnáhap se'e kaxwo' nak, apyókxoho sakcha'a apkelennay'a, tén han ma'a ekyókxoho kelán'ák éltameyéyak nak apkelmeykha énxet.

Números 31:7

Apkelnápékpek axta m'a madianitas, apsawhawók axta apkelnapa, ekhawo apkeltamhókxa axta etnehek Wesse' egegkok ma'a Moisés.

Josué 5:6

Weykmek axta cuarenta apyeyam apkelweynchámeykha énxet'ák Israel ma'a yókxexma meykexa nak énxet, apkeletsepmeyk axta han ma'a apyókxoho ektáha axta apkelánteyapma m'a Egipto, cham'a aptamhéyak axta sẽlpextétamo, hakte axta elyeheykekxohok Wesse' egegkok ma'a énxet'ák nak. Axta keñamak apteméssessama naqsók agko' meltémo elwetágwók ma'a yókxexma ényahamakxa nak weyke nagkeygmenek tén han yányawhéna' apyegmenek, ektémól'a kanyehek ma'a yegmen, apyapmeyk nanók axta apmáheyo egkések ma'a.

Josué 5:8

Xama axta apsawhékpo kélyenyekhássesso nekha apyempe'ék ma'a apyókxoho nak, keñe axta apkellókasa apkelyampe apkelhákxo m'a apkelpakxeneykegkaxa nak, ekwokmoho apkeltaqmelákxo.