Génesis 33:3 - Biblia Enxet

³ Tén axta apkenegwokmo m'a amonye'e nak, aptaqmelchásegkók axta aqsa apchágketchessekmo m'a apepma, apháxahágkek axta aptekxeyágko chá'a ekpayhakxa nápat xapop ekweykmoho siete.

Génesis 33:3 ပူးပေါင်းရင်းမြစ်များ

Génesis 18:2

Apkelyaháha axta Abraham, apwet'ak axta apchaqnáncha'a apqántánxo énxet ma'a ekpayhókxa aphakxa'. Xama axta apwet'a, yetlókok axta apchampeykekxa néten apkelma takha', apháxahánteyk axta ekwokmoho aptekxeya ekpayhakxa nápat xapop,

Génesis 33:2

Amonye'e axta aptemessásak ma'a apkelásenneykha kelwán'ák yetlo étchek, keñe axta m'a Lía yetlo étchek, tén axta axayók agko' ma'a Raquel yetlo José.

Génesis 42:6

Apkeláneykha apchókxa axta han ma'a José, axta apkelmeyáseyak han chá'a hótáhap apaktek énxet'ák apkelwayam axta chá'a apkeleñama ekyókxoho yókxexma. Xama axta apkelwokmo apkelpepma m'a aphakxa nak, apkelháxahanteyk axta ekwokmoho apkeltekxeyágko élpayhakxa nápaqta'a xóp.

Génesis 43:26

Xama axta apwákxo José m'a apxagkok nak, apkelméssek axta m'a aqsok apkelmésso naqsa apkelseykekxésso axta, apkelháxahágkek axta apmonye' ekwokmoho apkeltekxeyágko élpayhakxa nápaqta'a xapop.

Génesis 48:12

Apkelmákxeyk axta apketchek José apkelyementamákxo m'a apyáp, apháxahánteyk axta ekwokmoho aptekxeya ekpayhakxa nápat xapop.

Proverbios 6:3

Hatte, apkeltamhók sa' agkok xép elwátessók yaqwayam eyánmagkassesek aqsok apméyak pók, hakte apkelhaxanmeyk chá'a exchep eyánmagkassesek apméyak aqsok ma'a pók, sa' etnehek se'e: eltekxek aptapnák ma'a apmonye' nak, eltennés apkelwátesa yaqwayam eyánmagkassesek apméyak aqsok.

Eclesiastés 10:4

Aptaqnókek agkok xép ma'a aptaqmelchesso nak apchókxa, nágkapekhe apwáxok; mampekhésamaxche' awanchek kamasseksek ma'a aqsok ekyawe nak magaqhémo.

1 Samuel 2:5

énxet'ák apkelyaqkáneykmoho axta chá'a, aptegyágkek kaxwók apkeltamheykha yaqwayam elwetak ketsék aptéyak; keñe m'a élnápeykha axta chá'a meyk, massék kaxwók élnapma meyk. Keñe m'a kelán'a megkate axta étchek, siete aptáhak ekwete étchek; keñe m'a apxámokma axta chá'a ekwete étchek, méko kaxwók xama enxoho étchek.