Génesis 33:17 - Biblia Enxet

¹⁷ keñe axta Jacob apmeyákxo m'a Sucot, cha'a apkelánegwákxexa axta han apxagkok ma'a, appakxenchesa han yenta'a aktegák ma'a apnaqtósso nak. Axta keñamak apteméssessama ekwesey Sucot xa yókxexma nak.

Génesis 33:17 ပူးပေါင်းရင်းမြစ်များ

Génesis 33:16

Cháxa ekhem aptaqháwo axta makham Esaú m'a yókxexma Seír,

1 Reyes 7:46

Axta apkelánegweykmok wesse' apwányam apkelpeykeseykekxo m'a yagkamex nak yókxexma Jordán, cham'a teyp nak Sucot halep nak Saretán.

Salmos 60:6

Aptáhak appaqmeta Dios ma'a tegma appagkanamap apagkok nak: “¡Yetlo ekpayheykekxa ewáxok sa' ko'o almésagkok énxet'ák ahagkok ma'a xapop nak Siquem, tén han ma'a ekyapwátegweykenxa nak xapop Sucot, sekmallana sa'!

Éxodo 12:37

Apkelántekkek axta israelitas ma'a yókxexma Ramsés apkelmeyákxo m'a yókxexma Sucot. Meyke kélyetsáteykekxa axta nahan ekwánxa m'a kelán'ák tén han ma'a sakcha'álétkók, ketók seiscientos mil énxet axta apweykmok apyókxoho apkelxega náxap'ák, élyennaqte nak apyempe'ék.

Éxodo 13:20

Apkelántekkek axta israelitas ma'a yókxexma Sucot, apkelpakxenwokmek axta m'a yókxexma Etam, sekxók eyeynókxa axta yaqwayam antexek ma'a meykexa nak énxet.

Josué 13:27

Keñe m'a yókxexma ekyapwate nak apkelxawágko m'a Bet-aram, Bet-nimrá, Sucot tén han ma'a Safón, ektáha axta wánxa xama eyeymomáxche aptémakxa wesse' apwányam ma'a Sihón, wesse' apwányam axta m'a Hesbón. Axta eyeynókxa xapop apagkok ma'a ekteyapmakxa ekhem nak teyp wátsam Jordán, ekweykekxoho m'a nepyeyam nak ma'a wátsam ekpayhegwayam Quinéret.

Jueces 8:14

apmeyk axta xama wokma'ák apkeñama m'a yókxexma nak Sucot, apkelmaxneyáha axta chá'a; tén axta xa wokma'ák nak apkeltennasa chá'a apkelwesey m'a apyókxoho setenta y siete apkelámha apmonye'e nak Sucot, tén han ma'a apkelwányam nak, apnaqtáxéssásegkek axta chá'a apkelwesey.

Jueces 8:16

Keñe axta Gedeón apkelma m'a am'ák tén han pegke apkemha nak meykexa énxet, apkelyekpexchetágkek axta apkelámha apmonye'e nak Sucot xa am'ák nak.

Jueces 8:5

Xama axta apkelwokmo m'a yókxexma Sucot, aptáhak axta Gedeón apkeláneya énxet'ák apheykha axta m'a: —Kólmésak hana aptéyak ektáha nak ko'o sélxegexma'a, hakte apkelyampa'awók apagko'. Nélamháha negko'o m'a apkelwesse'e apkelwányam madianitas, Zébah tén han Salmuná.

Jueces 8:8

Keñe axta apkelmeyákxo m'a Penuel, aptamhákxeyk axta makham aptáhakxa axta apwokmo m'a Sucot. Hawók axta eyke han aptáhakxa apkelátegmowéyak énxet'ák Penuel ma'a aptáhakxa axta apkelátegmowéyak ma'a énxet'ák Sucot.