Génesis 30:37 - Biblia Enxet

³⁷ Apkelyaqténchek axta han yámet álamo aktegák axnancha'ák, tén han almendro keñe han castaño, apkelpexyawássek axta émpe'ék yaqwayam enxoho agyekpelkohok élpéwayam élmope émpe'ék,

Génesis 30:37 ပူးပေါင်းရင်းမြစ်များ

Génesis 30:36

Tén axta apxega yetlo xa apnaqtósso nak apmahágko makhawók eyátépexa axta aphakxa m'a Jacob, ekweykmoho nak ántánxo ekhem nenxega náxop. Keñe axta Jacob apkeláneseykencha'a makham pók apnaqtósso nepkések axta m'a Labán.

Génesis 30:38

tén axta apkelánchesa yámet apkelpexyawasso émpe'ék ma'a apmonye'e nak kélnaqtósso, cham'a apyeneykegkaxa axta chá'a yegmen. Cha'a aptawáseykegkaxa axta chá'a apkelwána m'a. Apkelpéwayam axta han chá'a apkelántépak apketkók, tén han apkelpeysameykha, hakte axta ñókxa aptawásencha'a chá'a apkelwána ekpayhókxa nak yámet kélpexyawasso émpe'ék.

Eclesiastés 12:5

keyxchek sa' chá'a kalchántaxchek ma'a netno nak, kalmeneyxchek sa' chá'a m'a ámay nak. Elyapweygkok sa' mokwa naxma, eltaqnaweykpok sa' sawa', mékoho sa' katnekxak ma'a yámet ekha nak am'ák. Hakte ewenchepekxak chá'a énxet meyke apweyktámho, keñe ámay kañexchek chá'a kéllekxagweykha eñama apkeletsapma.

Jeremías 1:11

Epaqhetchessek axta ko'o Wesse' egegkok. Aptáhak axta seyáneya s'e: “Jeremías, ¿Yaqsa apwet'a?” “Xama almendro yámet aktog” —axta ektáhak ko'o seyátegmowágkokxo.

Ezequiel 31:8

Méko axta xama enxoho yámet ekyawe egwanchek aghésho', élámha axta m'a Dios yókxexma ektaqmalma apagkok nak; Méko axta nahan xama enxoho pino yámet ekhémo aktegák ma'a ekwánxa nak aktegák, méko axta nahan xama enxoho yámet castaño ekxámokma nak áwa' ekhémo m'a ekweykenxa nak ekxámokma áwa', méko axta nahan xama enxoho ekhémo ektaqmalma m'a yámet élámha nak Dios yókxexma ektaqmalma apagkok.