Génesis 30:14 - Biblia Enxet

¹⁴ Xama ekhem axta apmahágko yókxexma m'a Rubén, neyseksa apnakxamap axta m'a hótáhap apaktek, apwetágwokmek axta han aqsok ekyexna ekwesey axta mandrágoras, ekhól'a momhápa negye', apsákxéssek axta m'a egken Lía. Xama axta ekwet'a Raquel ma'a aqsok ekyexna nak, axta entáhak eyáneya Lía s'e: —Hélmés ko'óxa nekha xa mandrágoras apsántegkesa nak étche.

Génesis 30:14 ပူးပေါင်းရင်းမြစ်များ

Génesis 25:30

aptáhak axta apcháneya s'e: —Heyák han ko'óxa xa aphanma ekyexwásamo nak, meyk agko' ko'o etnahak. (Cháxa keñamak apkeltamhomakpo nak Edom ma'a Esaú.)

Génesis 30:15

Axta entáhak Lía eyátegmowágko s'e: —¿Kenagkamcheya axta exche' kaxyókak sémentamoma m'a etáwa'? ¡Keñe kaxwók ekmako hélyementók se'e mandrágoras ekyexna apagkok nak ma'a hatte! —Epathetagkok sa' xeye Jacob se'e axta'a nak, sélmésa enxoho m'a mandrágoras ekyexna apagkok nak étche —axta táhak eyáneya Raquel.

Génesis 30:16

Kelanyexágkek axta Lía m'a Jacob apwákxo axta axta'a apkenyékto yókxexma, axta entáhak eyáneya s'e: —Hepathetagkok sa' ko'o exchep se'e axta'a nak, hakte élmassáseyha exchek ko'o exchep ekyánmaga ekyaqmageykekxa m'a mandrágoras ekyexna apagkok nak hatte. Appathetágkek axta Lía Jacob xa axta'a nak,

Cantares 7:13

Kempássek ekpaqneyam ma'a pánaqte élmeykencha'awól'a kelán'a kaltamhok kótak étche. Hágkek ekyókxoho mók ektémakxa aqsok ekyexna m'a átog egagkok nak: cham'a yámet ekyexna élyamaye nak tén han ma'a yámet ekyexna kaxwe nak kélnakxo, séltaqmelchessesso axta exchep, sekpagkanma.