Génesis 3:23 - Biblia Enxet

²³ Axta keñamak aptekkessama Dios Wesse' egegkok énxet ma'a yókxexma ektaqmalma nak Edén, apkeltamho etneykha xapop, apkeñamakxa axta apkelánamap.

Génesis 3:23 ပူးပေါင်းရင်းမြစ်များ

Génesis 2:5

méko axta sekxók makham yenta'a tén han pa'at, hakte axta yáphassók makham Dios Wesse' egegkok ekmámeye keso náxop. Méko axta han xama énxet enxoho aptamheykha.

Génesis 2:7

Keñe axta Dios Wesse' egegkok apkelana énxet ma'a xapop ánek, apwátekhakkassek axta apwéhek apmésa apyennaqte. Cháxa aptamhákxo axta énxet ekha apkennama.

Génesis 2:8

Tén axta natámen Dios Wesse' egegkok apkelana yókxexma ektaqmela Edén, ekpayho nak ekteyapmakxa ekhem, keñe aphésa m'a énxet ektáha axta apkelane.

Génesis 3:19

Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Génesis 3:22

keñe axta aptáha s'e: “Eghágweykxók kaxwók negko'o énxet, apya'ásegkok kaxwók aqsok ektaqmela, tén han aqsok ekmaso, móghók sa' etwok ma'a yámet ekyexna ekyennaqtéssamo nak egnények, hakte aptókek agkok ma'a, megyetsepek chá'a.”

Génesis 3:24

Apkelhéssekmek axta han apkelásenneykha ekha nak apxempenák ma'a ekpayho nak ekteyapmakxa ekhem ma'a yókxexma ektaqmalma, natámen axta aptekkesso énxet, appekkenwokmek axta han xama sókwenaqte élyenma, ekweynchámeykencha'a axta chá'a m'a ekyókxoho kañe', yaqwayam enxoho chá'a méko kammok ma'a émhakxa nak yámet ekyennaqtéssamo nak egnények.

Génesis 4:12

Eknekxak sa' eykhe chá'a aqsok aktek xapop, megkeyxek sa' eyke chá'a. Eweynchamha sa' aqsa chá'a ekyókxoho yókxexma keso náxop, meyke apkellókasseyam apyampé.

Génesis 4:2

Tén axta ekwetákxo makham pók étche, cham'a Abel, apyáxeg nak ma'a Caín. Apkeláneykha nepkések axta han aptemék ma'a Abel, keñe axta Caín aptéma aptamheykha namyep.

Génesis 9:20

Apcheynawók axta apkelcheya m'a Noé, apkenákxeyk axta anmen yámet.

Eclesiastés 5:9

¿Keya kéltéma nak ekxatakhe apchókxa xa? ¿Keya aptémakxa chá'a wesse' apwányam elanaksek aqsok énxet'ák apkeltamheykha nak yókxexma xa?