Génesis 3:19 - Biblia Enxet

¹⁹ Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Génesis 3:19 ပူးပေါင်းရင်းမြစ်များ

Génesis 18:27

Tén axta Abraham aptáha makham apcháneya s'e: —Heyásekhekxoho sa' sektáha ko'o sekpaqhetchesa exchep yetlo meyke sélnawagko xa ektáha nak, hakte xép apteme Dios, keñe ko'o xóp ánek aqsa.

Génesis 2:7

Keñe axta Dios Wesse' egegkok apkelana énxet ma'a xapop ánek, apwátekhakkassek axta apwéhek apmésa apyennaqte. Cháxa aptamhákxo axta énxet ekha apkennama.

Génesis 23:4

—Hélmés ko'o ekha ekyánmaga xama takhaxpop yaqwayam wátawanyek etáwa'. Ko'o sekteme séñama mók nekha kélnepyeseksa kéxegke.

Génesis 3:18

Katyapok sa' kaxwók am'ák xapop, tén han pegke, etwok sa' nahan chá'a m'a eñama nak naxma.

Génesis 5:5

Novecientos treinta apyeyam axta han weykmok apha, keñe apketsapa.

Job 1:21

Aptáhak axta s'e: —Méko axta xama aqsok sekseykha sekwaya s'e nélwanmeygkaxa', méko sa' han xama aqsok asakxak ataqhoho'. Wesse' egegkok axta sélmésso ekyókxoho, keñe sélyementamákxo makham; ¡eyeymáxkoho sa' kólteméssesek apwesey Wesse' egegkok!

Job 10:9

Kaxénwakxoho apwáxok séláneya axta séñama yelpa': ¿xapop ánek ya makham peyk hetnessásekxa'?

Job 19:26

Kapallamok sa' eykhe émpehek, ko'o ahagko' sa' eyke ótak ma'a Dios.

Job 21:26

Meyeykhakpek eyke pók ma'a kañe' nak takhaxpop; etawagkok chá'a m'a yápa apketkók.

Job 4:19

¡eyke ekyágwánxa agkok ma'a énxet, apteme nak apyelqamákpoho, aptémól'a m'a tegma yelpa', apkelánamap la'a néten yagkamex, kélmowánal'a kóltepelkoho', ektémól'a yánseleklek!

Salmos 103:14

hakte apya'ásegkok néñamakxa negko'o senlane m'a: apya'ásegkok nenteme xapop.

Salmos 104:23

Keñe etyapok chá'a énxet etneykha, ekweykmoho ekyáqtésa.

Salmos 104:29

massék agkok chá'a exchep apkelano, kalyegweyk chá'a; apyementamákxeyk agkok élennama, kaletsapok chá'a, xapop chá'a katnekxa'.

Salmos 127:2

Kaqhok óghaxchek nentamheykha tén han antók nento néghamaxche nak negwete, apkelmeyásegko enxoho chá'a Dios ma'a apkelásekhayókxa nak, neyseksa apnaqteyenma.

Salmos 22:15

Yamáyak ahátog, máxa ektémól'a yelpa' ekyamaye; yepetcheykekxeyk ahaxkok epaqpehek. ¡Epekkenmeyk náxop, máxa sétsapma etnéssessók!

Salmos 22:29

Kólháxahák kélyókxoho kélteme nak kelwesse'e, kólpeykesho chá'a wánxa m'a, tén han kélyókxoho peya nak kóltemekxak makham xapop, hakte háwe kélagkok kéxegke kélyennaqte.

Salmos 90:3

Yának chá'a etnekxak xapop énxet etnehek appeywa s'e: “Énxet'ák, kóltemekxa xapop.”

Proverbios 21:16

Énxet apkelwátesseyam nak chá'a apteme ekha élchetámeykha apwáxok, emhagkok sa' ma'a apkelmaheykegkaxa nak chá'a apkeletsapma.

Eclesiastés 1:13

ekmáheyók ahagko' axta ategyaha amya'a, tén han altámesaxchek yetlo sekya'áseykegkoho m'a ekyókxoho aqsok élánamáxko nak chá'a keso náxop. ¡Yentexe nak la'a Dios apmésso apkeltamheykha énxet'ák, yaqwayam enxoho elyaqhakkassessamhok chá'a apkelwáxok!

Eclesiastés 1:3

¿Yaqsa aqsok etekkesek yaqhakpok aptamheykha énxet keso náxop?

Eclesiastés 12:7

Keñe sa' natámen xa, xapop sa' katnekxak makham ma'a ánek nak, ekhawo ektémakxa axta nano', keñe sa' eghagák kalmeyekxak ma'a aphakxa nak Dios, cham'a aptáha axta segmésso.

Eclesiastés 3:20

kaxhok chá'a mók ekhagwayam ma'a ekhagweykenxa nak chá'a, xapop axta keleñamak élánamáxche' m'a ekyókxoho nak, xóp sa' nahan katnekxak ekyókxoho.

Eclesiastés 5:15

Sa' katnehek makham etaqhohok ma'a ektémakxa axta sekxók apteyékmo keso náxop: meyke apáwa, meyke apseykekxa xama aqsok eñama m'a aptekkesso axta aptamheykha.

Daniel 12:2

Apxámok sa' enaqxétekhágwók ma'a apkeletsapma kélátawanye axta takhaxpop: yetneyk sa' chá'a yaqwayam eweynchamha meyke néxa, yetneyk sa' han chá'a yaqwayam emegqágwakxak meyke néxa megyásekhamap.