Génesis 3:15 - Biblia Enxet

¹⁵ Énmexma sa' kaxwók xeye' atnéssesek kelán'a, kawakxohok sa' han ma'a étkok nak xeye', kalenmexek sa' ma'a atawán'ák nak kelán'a, katchágkasek sa' chá'a akqátek, tén sa' xeye' kateyxchesek chá'a apáhak.

Génesis 3:15 ပူးပေါင်းရင်းမြစ်များ

Génesis 49:17

Exhok sa' Dan xama yéwa ekyetnól'a nekha ámay, ekteyxchessamól'a apáhak yátnáxeg, ektegkessamól'a kaschásekxak ma'a apha nak apkapok.

Salmos 132:11

Apkeltennassegkek axta Wesse' egegkok elanaksek ekmámnaqsoho aqsok ma'a David, mopwanchek chá'a epeynchámekxak appeywa aptéma axta apkenagkama s'e:

Isaías 53:12

Cháxa keñamak Dios peya nak exnéssók nepyeseksa m'a énxet'ák ekyawe nak kéláyo, epasmekxak sa' apkelxawéyak aqsok eñama apkelmallane m'a apkelyennaqte nak, hakte apmeyásamákpók apagko' yaqwayam emátog, máxa énxet ekmaso aptémakxa axta kélteméssessók kélpáxaqtesseykmo m'a énxet'ák élmasagcha'a nak apkeltémakxa, apmeykekxeyk melya'assáxma apxámokma apagko' ma'a énxet, apkelmaxnéssáseykegkek nahan chá'a m'a énxet'ák melya'assáxma nak yaqwayam enxoho megkólyaqmagkásekxeyk chá'a m'a apkeltémakxa.

Isaías 7:14

Wesse' egegkok apagko' sa' egkések kéxegke xama aqsok yaqwayam megkólchenatchese': Lósók entáhak kelán'a étkok kótak sa' étche apkenna', kólteméssesek sa' apwesey Emanuel.

Jeremías 31:22

¿Háxko sa' ekwánxa katnégwók néxa kélweynchámeykha aqsa ektémól'a kélketche kelwána ekxegányam la'a? Élanak ko'o axnagkok aqsok keso náxop, ko'o sektáha nak Wesse': xama kelán'a ektaqmeleykha ekpeywa kalának xama énxet.”

Daniel 9:26

Yeyk'ak sa' agkok ma'a sesenta y dos semána nak, emátog sa' ma'a apkemha apmonye' appagkanamap nak. Emasséssók sa' Jerusalén tén han tegma appagkanamap ma'a énxet'ák apagkok nak ma'a wesse' apwányam peya nak ewa', kaxwók sa' kawak néxa ekhem, sa' katnehek ma'a ektémól'a yegmen ekyawe, Kawomhok sa' ektemegwánxa néxa ekhem ma'a kempakhakma, tén han kélmassésseyam aqsok ekxénamaxko nak katnehek.

Amós 9:3

Apkelyexánegwokmek sa' agkok nahan ma'a naw'a nak egkexe Carmelo, amhagkok sa' nahan ko'o alchetmok ma'a; éxánegkessekmek sa' agkok nahan ma'a kañók agko' nak wátsam ekwányam, wáphaksek sa' ko'o yegmen askok ekyawe kay'ammok ma'a, tén sa' katnéssesek nápakha apketkok;

Miqueas 5:3

Apkexakhamchek eyke kaxwók Wesse' egegkok ma'a ektáha nak énxet'ák apagkok, ekweykmoho sa' ektáha naqláwa m'a kelán'a élhaxanma nak kategkesek étche apkenna'. Keñe sa' kólpáxaqteyásekxak makham ma'a apchókxa xamo' nak israelitas, kélnaqleykekxa axta megkatnahakxa apkelókxa.