Génesis 3:14 - Biblia Enxet

¹⁴ Aptáhak axta Dios Wesse' egegkok apcháneya yéwa s'e: Ektaqnómaxche sa' katnehek xeye', megkaxók sa' ma'a ekyókxoho aqsok nawha'ák nak, eñama élane xa. Katekxeyagkok sa' kaxwók awokmo' xapop kaxog, xapop sa' nahan chá'a katwok.

Génesis 3:14 ပူးပေါင်းရင်းမြစ်များ

Génesis 3:1

Yéwa axta aqsa ekteme ekmowána ekpeywa kalyexanchesha mók, neyseksa m'a aqsok nawha'ák ektáha axta Dios apkelane. Entáhak axta elmaxneyeyncha'a kelán'a s'e: —¿Naqsóya Dios meltémo kóltók xama enxoho yámet ekyexna élámha nak se'e yókxexma ektaqmalma nak?

Génesis 4:11

Etaqnaweykpok sa' xép kaxwo', kóltekkesek sa' se'e xapop nak, ekyássesakxa nak éma apagkok apyáxeg, cham'a apchaqha exchek xép.

Génesis 9:6

“Apchaqhak sa' agkok pók énxet, énxet sa' nahan yaqhek ma'a, hakte apkelánamákpek axta énxet aphawo aptémakxa nak Dios.

Salmos 72:9

¡Elmésakpok sa' ma'a apheykencha'a nak yókxexma meykexa énxet, elháxahagkok sa' apmonye' m'a apkelenmexma nak!

Isaías 29:4

Mékoho sa' kóltemessásekxa', kólpekkenek sa' náxop; máxa kélhagák ekpeywa sa' katnekxak ma'a appeywa; máxa negyexcháseykha sa' katnekxak ma'a appeywa.

Isaías 65:25

Katwohok sa' xamók ekto wáwo m'a nepkések apketkok, katwok sa' pa'at ma'a méwa ektémól'a weyke, keñe sa' ma'a yéwa katwok xapop. Méko sa' xama enxoho kalának ekmaso m'a ekyókxoho nak egkexe ekpagkanamaxchexa ahagkok.” Wesse' egegkok apxeyenma xa.

Levítico 20:25

Cháxa keñamak eyéméxko nak kéxegkáxa kólteméssesek megkaxnémo mók ma'a aqsok nawha'ák élmanyása nak, tén han ma'a megkalmanyása nak, tén han megkaxnémo mók ma'a náta élmanyása nak, tén han ma'a megkalmanyása nak. Nágkóltemésses ekmanyása kélyempe'ék kóltók ma'a aqsok nawha'ák, náta, tén han ma'a ekpexyaweykegkoho nak xapop kalxog, séltennassama axta ko'o ekteme aqsok nawha'ák élmanyása.

Miqueas 7:17

¡Elyaqmelmakha sa' xóp ánek ektémól'a yéwa, tén han ektémól'a m'a mók aqsok élpexyaweykegkoho nak náxop kalxog! ¡Elpexyennók sa' elántépok ma'a apxanák nak, yetlo apkelyegwakto ekyawe agko' sa' elyo'ókxak xép, Dios Wesse' egagkok!