Génesis 29:2 - Biblia Enxet

² Apwetágwokmek axta han xama yámelchet ma'a yókxexma nak, nekha axta apkelyagqakxa ántánxo apkelyaqyahéyak apkellókasa apkelyampe m'a nepkések, hakte axta ekyeneykegkaxa chá'a yegmen aqsok kélnaqtósso xa. Yetneyk axta han xama meteymog ekyawe agko' kélapma m'a átog nak yámelchet,

Génesis 29:2 ပူးပေါင်းရင်းမြစ်များ

Génesis 24:10

Yetlókok axta han apkelyéseykha aqsok éltaqmalma, apagkok axta m'a wesse' apagkok, yaqwayam etnehek apkelmésso naqsa, apkelyesáha axta diez yányátnáxeg, keñe apmahágko m'a tegma apwányam Nahor, cham'a Mesopotamia.

Génesis 24:11

Xama axta apchágketchessekmo kélásenneykha m'a nepyáwa nak tegma apwányam, peyk axta kayáqtések, chaqhawók axta han élyekweykekxexal'a yegmen kelán'a m'a. Apkeltekxekkásenteyk axta aptapnák yányátnáxeg kélásenneykha m'a neyáwa nak yámelchet,

Génesis 24:13

Axek sa' ko'o s'e nekha yámelchet nak, keñe sa' élyekwa'akto enxoho yegmen kelán'a étkók ekheykha nak se'e yókxexma nak.

Génesis 29:3

chaqnákxeyk axta agkok chá'a ekyókxoho aqsok kélnaqtósso m'a, elkok axta chá'a keláneykha nepkések ma'a meteymog nak yaqwayam elyekwésagkok yegmen ma'a nepkések, tén axta yápekxak chá'a.

Salmos 23:2

Héllókassesek chá'a sekyampe m'a ekyetnamakxa nak pa'at ektaqmela, héntemekxak chá'a m'a ektaqmalmakxa nak ekyetno yegmen,

Isaías 49:10

“Megkalnáphek sa' chá'a meyk megkalnáphek sa' nahan chá'a ekhem, kamaskok sa' nahan élpekhésa m'a ekmexanmaxma mayáhat, hakte élásekhayók ko'o m'a, eknaqleykha nahan chá'a, anaqlakxak sa' nahan ma'a élánteyapmakxa nak yegmen.

Jueces 5:11

¡kólxén segmallahanchesso kempakhakma Wesse' egegkok ma'a ekyeneykegkaxa nak yegmen aqsok kélnaqtósso, yetlo kélpáwasso m'a aqsok élyaqye étkók ekhól'a sokpayhe, tén han apkelmallahanchesso m'a tegma apketkók apagkok nak Israel!