Génesis 28:19 - Biblia Enxet

¹⁹ Apyetnegkek axta xama tegma apwányam xa yókxexma nak, kélteméssessama axta apwesey Luz, apyaqmagkassessek axta eyke apwesey m'a Jacob, Betel axta aptemessásekxak apwesey.

Génesis 28:19 ပူးပေါင်းရင်းမြစ်များ

Génesis 12:8

Keñe axta apmahágko m'a yókxexma élámhakxa nak meteymog élwenaqte, ekyetnama nak ma'a ekteyapmakxa ekhem teyp nak tegma apwányam Betel, axta appakxenak han ma'a, taxnegwánxa ekhem axta han peheweykekxak Betel ma'a appakxenwánxa axta, keñe m'a tegma apwányam nak Ai ekpehewákxo ekteyapmakxa ekhem. Apkelánekxeyk axta makham mók ekwatnamáxchexa aqsok Abram xa yókxexma nak. Apwóneyha axta Wesse' egegkok.

Génesis 28:11

Apweykmek axta xama yókxexma, cham'a apteyenweykenxa axta han axta'a m'a, hakte yáqtésseykmek axta. Apmeyk axta xama meteymog ekhéyak axta m'a yókxexma nak, yaqwayam etnehek apteyamméyak, tén axta apyetna aptena.

Génesis 31:13

Ko'o Dios sekxekmowásamáxkoho axta exchep ma'a Betel, apteméssessamakxa axta exchep ekpagkanamaxche m'a meteymog, segkéssamakxa axta han appeywa ekmámnaqsoho. ¡Yempekxa néten! Etyep se'e yókxexma nak, emyekxa makham ma'a apchókxa apteyeykemxa axta.”

Génesis 35:1

Aptáhak axta Dios apcháneya Jacob se'e: “Yempekxa néten, emyekxa sa' exnakxak ma'a Betel. Hélánessekxa sa' xama ekwatnamáxchexa aqsok ma'a, ko'o sektáha nak Dios, sekxekmowásamáxkoho axta apyexánegkessama axta m'a apepma Esaú.”

Génesis 35:14

apmeyk axta xama meteymog tén axta apkenegkesa, ektémól'a m'a xama meteymog kélchenegkessól'a, cham'a yókxexma appaqhetchesakxa axta Dios; keñe axta apteméssesa ekpagkanamaxche apkexpaqha'a m'a pexmok égmenek, tén han anmen yámet égmenek,

Génesis 35:15

Betel axta han aptemessásak ekwesey xa yókxexma nak.

Génesis 35:6

Apweykekxeyk axta Jacob ma'a tegma apwányam Luz, yetlo m'a apyókxoho énxet'ák ektáha axta apkelyetleykekxa', cham'a tegma apwányam apwesey axta han Betel, apyetnama nak Canaán.

Génesis 35:7

Apkelanak axta xama ekwatnamáxchexa aqsok, apteméssessek axta han ekwesey El-betel xa yókxexma nak, hakte apxekmowásamákpók axta Dios apmaheykegko axta apxegánegkessama apepma m'a.

Génesis 48:3

Aptáhak axta apcháneya José s'e: —Exekmowásamákpók axta ko'o Dios ekha nak apyennaqte m'a tegma apwányam Luz, yókxexma nak Canaán, aptáhak axta seyáneya apkeltamho kataqmelhok sekha s'e

1 Reyes 12:29

Tén axta appekkena xama m'a yókxexma Betel, keñe mók appekkena m'a yókxexma nak Dan.

2 Reyes 2:2

Axta aptemék Elías apkenagkama Eliseo s'e: —Exnekxa sa' xép se'e, Betel ko'o apkeltamhók amhagkok Wesse' egegkok. Apchátegmoweykegkek axta Eliseo: —Naqso' ko'o ektemessásak sekpeywa yetlo sekxeyenma apwesey Wesse' egegkok, tén han xeyep, mayenyewek sa' apxakko'. Keñe axta apkelxegama apkelmaheykegko m'a Betel.

2 Crónicas 13:19

Apyaqmássek axta Abiam ma'a Jeroboam, apkelyementegkek axta m'a tegma apkelyawe nak Betel, Jesaná tén han Efraín, yetlo m'a tegma apketkók aphéyak nak nepyáwa'.

Oseas 4:15

“Israel, apkelanak agkok xép aptémakxa megkamopsexta, Judá, ná elána aqsa exchep mey'assáxma, ¡Nágkólmohok aqsa kéxegke m'a Guilgal, tén han ma'a Bet-avén, nágkóltemésses han naqsók kélpeywa yetlo kélxeyenma Wesse' egegkok apwesey!

Josué 16:2

Betel axta keñamak, cham'a ekwesey nak han Luz, yeykhayak axta m'a xapop apagkok nak arquitas, ekweykekxoho m'a Atarot;

Josué 18:13

Cha'a ekxegeykekxexa axta makham ekmeyeykekxo m'a tegma apwányam Luz (cham'a Betel) ekpayho nak nepyeyam, tén axta ekweyweykento ekweykekxoho m'a Atarot-adar, apyetnama nak egkexe, teyp nak ma'a Bet-horón Kóneg ekpayho nak nepyeyam;

Josué 8:12

Tén axta Josué apkeltamho elyexánegwók cinco mil sẽlpextétamo m'a halep nak Betel, ekpayho nak ektaxnegwánxa ekhem teyp nak tegma apwányam.

Jueces 20:26

Keñe axta apyókxoho sẽlpextétamo Israel tén han apyókxoho énxet'ák, apkelmeyákxo m'a Betel, peya ellekxagwaha nápaqtók Wesse' egegkok. Axta etókagkok aptéyak xa xama ekhem nak, apkelméssek axta Wesse' egegkok aqsok apkelwatno, tén han aqsok apkelnapma segwetassamo nak nélásekhamaxchekxoho.

1 Samuel 10:3

Keñe sa' ma'a teyp, apwákxo enxoho émhakxa nak yámet encina ekpayho nak Tabor, eltahanyak sa' apqántánxo énxet apkelmeyeykekxa m'a Betel, yaqwayam elpeykeshok Dios. Xama sa' appakhéyak apqántánxo yát'ay, keñe sa' pók apkelseykha apqántánxo pán, tén sa' ma'a pók nak apseykha xama yempehek yetlo vino kélyeta.

1 Samuel 7:16

Yókxoho apyeyam axta chá'a apmeyeykekxa m'a Betel, Guilgal tén han ma'a Mispá, yaqwayam etaqmelchessásekxak chá'a apheykha énxet'ák Israel, cháxa ekyókxoho apheykegkaxa nak.