Génesis 28:16 - Biblia Enxet

¹⁶ Apxatakha'ak axta Jacob, axta entáhak élchetama apwáxok se'e: “Naqso' neyke agkok apha Wesse' egegkok se'e yókxexma nak, keñe ko'o may'áseykegko.”

Génesis 28:16 ပူးပေါင်းရင်းမြစ်များ

1 Reyes 3:15

Apxatakha'ak axta Salomón, keñe apya'ásegwokmo ektáha apwanmagko. Xama axta apwákxo m'a Jerusalén, apkenegwákxeyk axta amonye' Wesse' egegkok yántéseksek apagkok, keñe apkelwatnésa aqsok apnaqtósso, tén han apkelnáhakkasa segwetassamo nak sẽlásekheykekxoho. Tén axta apkelánesa ektámáxche ekyawe m'a apyókxoho apkeláneykha.

Job 33:14

Xámok aptémakxa hempaqhetchesek ma'a Dios magyekpelchehek eyke.

Job 9:11

Eyeykhágwa'ak agkok ko'o Dios, mótyehe'; hetáxñágwohok sa', may'asagkehek eyke.

Salmos 139:7

¿Háxko ewanchek ko'o amhagkok eyxánegkesek espíritu apagkok? ¿Háxko amhagkok eyxánegkesek xép?

Salmos 68:35

Yeykpok chá'a Dios, aphama nak ma'a tegma appagkanamap apagkok; Elmések chá'a apkelmopwancha'a, tén han apkelyennaqte énxet'ák apagkok ma'a Dios apagkok nak Israel. ¡Tásek sa' chá'a katnehek apxénamap ma'a Dios!

Éxodo 15:11

“Wesse' egegkok, ¡méko pók dios egwanchek aghéshok xép! ¡Méko apwányam aphawo nak xeyep! ¡Xeyep apkelane chá'a m'a aqsok ekpelakkasso nak agweta' tén han ma'a ekpexchessamo nak egyempehek agweta'! ¡Payhawók xeyep kólteméssesek apcheymákpoho!

Éxodo 3:4

Xama axta apwet'a Wesse' egegkok apchágketchessekmo Moisés yaqwayam elano', tén axta apwóneyncha'a m'a ekpayhókxa axta énmakxa m'a maktek. Aptáhak axta apcháneya s'e: —¡Moisés! ¡Moisés! —Tén axta aptáha apchátegmowágkokxo Moisés se'e: —Keso sénmáncha'a s'e.

Éxodo 3:5

Tén axta aptáha apcháneya Dios se'e: —Ná épetchegwoho aqsa. Elhaxyawes sekxók apkeltéto apmagkok, hakte keso yókxexma apwa'akxa nak xép ekteme ekpagkanamaxche'.

Isaías 8:13

Eyke tásek chá'a kólteméssesek aptaqmalma m'a Wesse' ekha nak apyennaqte; eyke payhawok chá'a kóláwhok ma'a; kóláwhok chá'a nápaqto'.

Jeremías 31:26

Ekxatakha'ak axta, élyaháha axta nahan. Peykesákxeyk axta ewáxok ektáhakxa sekwanmagko.

Números 12:6

aptáhak axta apkeláneya Wesse' egegkok se'e: “Kóleyxho sa' se'e sekmako nak ko'o altennaksek: Apyetneyk agkok kélnepyeseksa kéxegke xama aplegasso sekpeywa, axekmósaxkohok chá'a ko'o, apwanmagko nahan chá'a ko'o alpaqhetchesaxkoho';

Josué 5:13

Xama ekhem axta Josué apwokmo m'a ketók Jericó. Apwet'ak axta apkenmeyncha'a xama énxet ma'a apmonye', yetlo sókwenaqte apmeykha. Apyepetchegwokmók axta Josué keñe apkelmaxneyáncha'a: —¿Néleñémeyo xamóya exchep, nénmexma enxeykel'a?

Josué 5:15

Apchátegmowágkek axta m'a apkemha apmonye' sẽlpextétamo apkeñama nak Wesse' egegkok: —Elhexyawés apkelatchesso apmagkok, ekpagkanamaxche s'e yókxexma apwa'akxa nak. Apkelyahákxók axta m'a Josué.