Génesis 28:1 - Biblia Enxet

¹ Tén axta Isaac apcháneyáncha'a m'a Jacob, apkelmaxnéssessek axta aqsok éltaqmela, aptáhak axta apcháneya s'e: “Ná ema aqsa xama kelán'a enxoho s'e yókxexma nak Canaán.

Génesis 28:1 ပူးပေါင်းရင်းမြစ်များ

Génesis 24:3

Etnésses sa' naqsók agko' Wesse' egegkok, Dios nak néten tén han keso náxop, megyohok ko'o hatte Isaac emok xama kelán'a eñama nak se'e Canaán, sekhakxa nak ko'o,

Génesis 24:37

Naqsók axta han aptáha seyáneya ko'o wesse' ahagkok apkeltamho atnehek se'e: ‘Nágyoho aqsa emok ko'o hatte xama kelán'a s'e Canaán, sekhakxa nak ko'o.

Génesis 24:4

sa' emyekxak ma'a seyókxa nak, elyéssesha sa' aptáwa' eñama nak neyseksa m'a énámakkok ahancha'awo' nak.

Génesis 27:4

Hehanches sa' sekto ekmátsa, sekmáheya nak chá'a ko'o, hesantagkas sa' yaqwayam atwok ko'o, keñe sa' almaxnéssesek aqsok éltaqmela amonye' sétsapma.

Génesis 27:46

Keñe axta Rebeca ektáha eyáneya Isaac se'e: —Éleklágwokmek ko'o éltémakxa s'e kelán'ák hititas apnaqteyegka'a nak Esaú. Apmeyk sa' agkok han Jacob xama kelán'a hitita, ekhawo nak xa ekheykencha'a nak se'e Canaán, tásek watsapok.

Génesis 28:6

Apya'ásegkok axta Esaú apkelmaxnéssessama axta aqsok éltaqmela Isaac ma'a Jacob, tén han apcháphassama axta m'a Padán-aram yaqwayam kalyamhapwók ma'a. Apya'ásegkok axta han neyseksa apkelmaxnéssesso axta aqsok éltaqmela m'a apyáp, apkeltémo memhehek xama kelán'a enxoho m'a Canaán,

Génesis 34:16

Keñe sa' ólmésagkok chá'a negko'o egketchek yaqwayam kóltamhagkok kélnaqteyegka'a, tén sa' negko'o ólmagkok han ma'a kélketchek nak kéxegke; aghakha sa' chá'a kélnepyeseksa kéxegke, keñe sa' xama antemekxak nempeywomo xamo'.

Génesis 34:9

kólteme sa' negko'o egnámakkok kéxegke, keñe sa' negko'o ólmagkok kélketchek nak kéxegke, tén sa' kéxegke kólmagkok ma'a egketchek nak negko'o.

Génesis 38:2

Axta apwetágweykmok han xama kelán'a m'a, apketche axta m'a Súa, apteme axta énxet Canaán, apmomchek axta han. Yepetcheyak axta mók,

Génesis 48:15

Tén axta aptáha apkelmaxnéssesa aqsok éltaqmela José s'e: “Dios apkelyeheykekxoho axta chá'a m'a Abraham tén han Isaac, cham'a élyapmeyk nano' axta, Dios setaqmelchessama, axta sekxók sekteyeykmo,

Génesis 49:28

Cháxa apteme axta doce pók aptémakxa énxet'ák Israel xa, cháxa aptáhakxa axta han apkeláneya apyáp ma'a apketchek, apkelmaxnessásegko chá'a xama m'a aqsok éltaqmela.

Génesis 6:2

apwet'ak axta Dios apketchek éltaqmela xa kelán'a nak. Yetlókok axta han apkelyéseykha chá'a xama neyseksa m'a ekyókxoho nak, apmeyk axta han chá'a m'a apkepmenyéxa enxoho chá'a.

Jeremías 29:6

Kóltegyák sa' nahan kélnaqteyegka'a, kólweta sa' kélketchek apkelennay'a tén han kelwán'ák, etegyagkok sa' nahan apnaqteyegka'a m'a, elwetak sa' han apketchek. Kólxámágwomho kélagko' sa' xa, nágkóltemekxa kélqántawo'.

Deuteronomio 33:1

Apkelmaxnéssessek axta yaqwayam kataqmelek apheykha israelitas ma'a Moisés, apteme axta Dios énxet apagkok amonye' yaqwayam yetsapok.

Josué 22:7

Apméssegkek axta Moisés xapop apagkok nápakha nak Manasés énxet'ák apagkok ma'a yókxexma Basán. Tén axta han ma'a pók nápakha nak Manasés énxet'ák apagkok apméssama Josué xapop apagkok ma'a nepyeseksa nak israelitas, halep nak Jordán, ekpayho nak ektaxnegwánxa ekhem, apkelmaxnéssessek axta apkeltamho epasmok Dios ma'a apmonye'e axta, keñe axta apkeltamho eltaqhohok makham.