Génesis 27:24 - Biblia Enxet

²⁴ aptáhak axta makham apkelmaxneyákxoho s'e: —¿Naqsóya exchep hatte Esaú? —Éhay, ko'o Esaú —axta aptáhak Jacob apchátegmowágko.

Génesis 27:24 ပူးပေါင်းရင်းမြစ်များ

Génesis 27:23

Axta ékpelchak, hakte xámok axta áwa' m'a apaktegák nak, ektéma nak ma'a apepma Esaú. Xama axta peya elmaxnéssesek aqsok éltaqmela

Génesis 27:25

Keñe axta apyáp aptáha apcháneya s'e: —Hatte, hesantagkas yaqwayam sa' atwok ma'a aqsok apchaqhe exchek, tén sa' almaxnéssesek aqsok éltaqmela. Apsántegkessek axta apto apyáp ma'a Jacob, yetlo vino. Aptókek axta Isaac, apyenchek axta han.

2 Samuel 14:5

—¿Yaqsa ektáha? —axta aptáhak apkelmaxneyáncha'a wesse' apwányam. Chátegmowágkek axta m'a: —Tampe' ko'o, apketsepmeyk etáwa',

1 Reyes 13:18

Keñe axta m'a énxet apwányam aptáha apcháneya s'e: —Ko'o han sekteme Dios appeywa seklegasso, aptéma nak xép, Dios apchásenneykha apkeñama nak Wesse' egegkok han apkeltamhók ko'o exchep eyntemekxak ma'a exagkok, tén han wagkok apto, tén han ma'a yegmen. Apkelyexancháseyha axta eykhe m'a énxet apwányam nak,

Job 15:5

Mey'assáxma exchep keñamak aptéma appeywa xa ektáha nak, tén han apmeykencha'a chá'a appeywa megkamámnaqsoho.

Proverbios 12:19

Megkamassegwomek chá'a m'a amya'a ekmámnaqsoho nak, megkawegqók eyke chá'a m'a amya'a megkamámnaqsoho nak.

Proverbios 12:22

Eltaqnaweygkohok Wesse' egegkok ma'a énxet apteme nak chá'a apkelmopwancha'a amya'a, kalkohok eyke chá'a apwáxok elanok ma'a apkelxeyenma nak chá'a ekmámnaqso'.

Proverbios 30:8

Hétnakhásses ma'a sektémakxa megkamámnaqsoho tén han sekmowána amya'a, ná hetnésses aqsa ekxákma aqsok ahagkok, essenhan meyke aqsok ahagkok; hegkés aqsa chá'a sekto eyeyméxchexa enxoho chá'a,

Zacarías 8:16

Keso eyeyméxko nak chá'a kéxegke kóltéhek se'e: Kólpékessesho chá'a kéltennáseykha kélmók, kóllánekxés nahan chá'a yetlo ekpéwomo agko' amya'a énxet'ák, kóllenxánem nahan chá'a kóltekkesek meyke ektáhakxa negha m'a kañe' sẽlyekpelchémókxa nak;

1 Samuel 21:13

Tén axta aptáha hó magya'áseyak aqsok nápaqta'awo', máxa segyeyháxma axta aptáhak, apnaqtáxésaha axta aqsa atña'ák nak, apcha'awok axta aqsa élsekkenánto apyamánog ma'a áwa' apátog nak.

1 Samuel 21:2

Apchátegmowágkek axta David: —Wesse' apwányam xeyk ko'o seyáphasso, apkeltamhók xeyk han maxének apkeltamhókxa alának aqsok. Éltennássek xeyk eyke yókxexma yaqwánxa ólwetaxchek ma'a sélxegexma'a nak.

1 Samuel 27:10

tén axta etnehek chá'a elmaxneyha s'e: “¿Yaqsa apchókxa kélyementamágko aqsok sakhem?”, keñe axta David etnehek chá'a yátegmowagkok: “Cham'a teyp nak Judá, ekpayho nak nepyeyam”, essenhan “teyp nak Jerahmeel, ekpayho nak nepyeyam”, essenhan ma'a “Teyp apheykegkaxa quenitas, ekpayho nak nepyeyam.”