Génesis 26:22 - Biblia Enxet

²² Tén axta apxegeykekxo m'a Isaac apheykmo makhawók agko', apmétaweykmek axta makham mók yámelchet ma'a. “Meyke Sẽlya'assóxma”, axta aptemessásak ekwesey, hakte massék axta éllókasa. Keñe axta aptáha s'e: “Egméssek kaxwók Wesse' egegkok meyke sẽlya'assóxma s'e yókxexma nak, yaqwayam anxátekhaksek negheykegkaxa'.”

Génesis 26:22 ပူးပေါင်းရင်းမြစ်များ

Génesis 17:6

Wának sa' exámekxohok apagko' xép ma'a aptawán'ák neptámen, xép sa' kañék etepagkok apkelwesse'e apkelwányam, tén han pók aptémakxa énxet'ák.

Génesis 26:21

Tén axta apkeláneykha apkelmetmégkokxo makham mók yámelchet, keñe axta éllókásekxo makham ma'a, tén axta Isaac apteméssesa ekwesey xa yámelchet nak. “Nélenmexamaxchexa'.”

Génesis 28:3

Dios meyke ekhémo sa' epasmok xép, egkések sa' apxámokma apagko' aptawán'ák neptámen, yaqwayam sa' yenyék apkelánteyapma exchep apxámokma m'a pók aptémakxa nak chá'a énxet'ák.

Génesis 41:52

Keñe axta m'a axayók aptéyam apteméssesa apwesey Efraín, hakte axta aptáhak se'e: “Dios egkéssók ko'o yaqwayam ótak étchek ma'a apchókxa ekyentaxnamakxa nak sekha.”

Salmos 118:5

Ekwóneykha axta ko'o Wesse' egegkok ma'a ekyentaxnama axta setnamakxa', aplegayak axta ko'o sélmaxnagko, tén axta semallahanchessama.

Salmos 119:32

Hepekhésha chá'a ko'o alának ma'a apkeltémókxa nak antéhek, hakte hepeykessásekxak chá'a exchep ewáxok.

Salmos 18:19

etekkessegkek axta m'a eyesagkexa axta; ¡ewagkassegkek axta teyp hakte eyásekhayók ko'o!

Salmos 4:1

Dios, apteme nak chá'a ko'o semasma, ¡heyátegmowák sa' ko'o sekwóneyncha'a enxoho! Xeyep axta setaqmelchessáseykekxa ewáxok, cham'a ekwa'a axta eklegeykegkoho ewáxok, ¡Yepyósho ko'o hélano', yeyxho sélmaxnagko!

Éxodo 1:7

Apxámeykegkek apagko' axta nahan ma'a israelitas, hakte apxámok axta m'a apketchek. Apkelyennaqte axta nahan aptamheykegkok, apláneyók axta m'a apkelókxa apheykegkaxa axta.

Isaías 54:2

Kayánchásekxoho sa' ekpakxanma, kapeykásekxa sa' néten ekpakxanma ekhamakxa nak chá'a kóneg meyke ektamheykha awáxok; kalwenaqteyásekxoho sa' ma'a táma' eknaqtete nak chá'a, kalyennaqtésho sa' nahan élatchesso xapop ma'a yámet apagkok eknaqtete nak chá'a,

Isaías 54:3

hakte kasawhekxohok sa' xeye' m'a ekyókxoho yókxexma; elmok sa' ekxámokma agko' apkelókxa m'a atawán'ák natámen nak xeye', exnakha sa' nahan ma'a tegma apkelyawe meykexa nak énxet se'e kaxwo' nak.