Génesis 25:8 - Biblia Enxet

⁸ apwányamók apagko' axta han aptemék apketsapma, appáxaqweykekxeyk axta m'a apyapmeyk nano' axta.

Génesis 25:8 ပူးပေါင်းရင်းမြစ်များ

Génesis 15:15

Yetsapok sa' eyke exchep meyke ektemegweykmoho exma, aptáha enxoho apwányamo', epáxaqwakxak sa' ma'a apyapmeyk nano' axta.

Génesis 25:17

Ciento treinta y siete apyeyam apagkok axta weykmok Ismael apketsapma. Appáxaqweykekxeyk axta apyapmeyk nano'.

Génesis 25:7

Ciento setenta y cinco apyeyam axta weykmok apha Abraham,

Génesis 35:18

Ketók étsapmakxa axta han, amonye' ektaxneykekxa énnama axta ekteméssesa apwesey Ben-oní m'a sakcha'a nak, Benjamín axta eyke aptemessásak apwesey m'a apyáp.

Génesis 37:35

Kelenxáneykmek axta eykhe kapeykessásekxak apwáxok ma'a apketchek apkelennay'a tén han kelwán'ák, mopmenyeyk axta eyke kólpeykessásekxak apwáxok; apkelekxagweykha axta aqsa apketamsama apketche, aptéma s'e: “Alenxanmohok sa' aqsa sélapwayam sétamso hatte, ekwokmoho sektahanyeykxo m'a apkelmaheykegkaxa nak apkeletsapma.”

Génesis 49:29

Apméssek axta apketchek Jacob se'e apkeltamhókxa axta chá'a etnahagkok: “Kaxwók sa' ko'o watsapok, hélátawanyegwakxa sa' xamo' ma'a élyapmeyk nano', cham'a meteymog áxwa ekyetnama nak ma'a yókxexma Efrón, apagkok axta m'a énxet hitita,

Génesis 49:33

Xama axta appenchesa apkeltennáseyak Jacob apkeltamhókxa etnahagkok ma'a apketchek, apsekhákxeyk axta makham apyetnamakxa néten, keñe apketsapa.

Génesis 50:13

apsákxeyk axta m'a Canaán, apchátawanyegwákxeyk axta m'a meteymog áxwa ekyetnama nak ma'a Macpelá, apmeykekxa axta m'a Abraham, apagkok ma'a Efrón, apteme axta énxet hitita, yaqwayam enxoho katnehek takhaxpop apagkok ma'a apnámakkok. Cháxa xapop nak, tén han xa meteymog áxwa nak, yetnegkek ma'a ekpayho nak ekteyapmakxa ekhem teyp Mamré.

1 Crónicas 23:1

Apwányamók axta aptemék David apteméssesa wesse' apwányam Israel ma'a apketche apwesey axta Salomón,

1 Crónicas 29:28

Apwányamók apagko' axta aptemék apketsapma, tásek axta apteme apwányamo', xámok axta aqsok apagkok, ekha kéláyo axta han. Apyaqmagkassek axta apteme wesse' apwányam ma'a apketche apwesey nak Salomón.

2 Crónicas 24:15

Apwanakmek axta Joiadá, apwányamók apagko' axta apketsapa. Ciento treinta apyeyam apagkok axta temék apketsapma;

Job 41:32

Kameykesek natámen ma'a yegmen, kalyenmohok han ekyaqmópesso.

Job 5:26

Apwányamók apagko' sa' etnehek, neyseksa ekyenneykha apyempehek sa' yetsapok, ektémól'a kamakhéthok ma'a aqsok kélcheneykekxa ekweykenxal'a kanakxaxche'.

Proverbios 20:29

Apkelyennaqte chá'a ekpeykessáseykekxa apkelwáxok ma'a wokma'ák; keñe apkelwányam kagkések chá'a ekha kéláyo m'a ektémakxa nak élmope apqatkok.

Jeremías 6:11

Wesse', lanawók ko'óxa ewáxok xeyep aplo; mowanchek kaxwók sekmako amágwakxa'.” Aptáhak axta ko'o seyáneya Wesse' egegkok se'e: “Eyenyenta nepyeseksa m'a wokma'ák apkelweynchámeykha nak ámay, nepyeseksa nak ma'a wokma'ák apyaqyeyáseykha nak apkelweynchámeykha. Elmakpok sa' ma'a énxet'ák yetlo apnaqteyegka'a, tén han ma'a apkelwányamók apagko' nak.

Números 20:24

“Yetsapok sa' Aarón, metxehek sa' ma'a apchókxa sekmáheyókxa nak ko'o agkések ma'a israelitas, hakte axta kólyeheykekxak kéxegke séltémókxa kóltéhek ma'a nekha nak ekteyapmakxa yegmen Meribá.

Números 27:13

Appenchessek sa' agkok apwete m'a, yetsapok sa', epáxaqwakxak sa' ma'a apyapmeyk nano', ektéma axta m'a apepma Aarón,

Deuteronomio 32:50

Sa' yetsapok nahan ma'a néten egkexe nak, yaqwánxa sa' yenátwakxa', epáxaqwakxak sa' ma'a ektáha axta énxet'ák apagkok, ekhawo ektémakxa axta m'a apepma Aarón, apketsapma axta m'a egkexe Hor nak, keñe appáxaqweykekxo m'a ektáha axta énxet'ák apagkok.

Jueces 2:10

Apkeletsepmeyk axta han apyókxoho israelitas, apkektegeykegkoho xamo' axta Josué. Keñe m'a appalleyam axta neptámen, melya'ásegkok ma'a Wesse' egegkok, tén han ma'a aqsok apkelánesso axta chá'a m'a Israel.

Jueces 8:32

Apwányamók apagko' axta han aptemék apketsapma m'a Gedeón, kélátawanyegkek axta m'a takhaxpop apagkok axta m'a apyáp Joás, cham'a Ofrá, tegma apwányam apagkok nak ma'a Abiézer apnámakkok.