Génesis 25:16 - Biblia Enxet

¹⁶ Cháxa apkelwesey axta doce apketchek ma'a Ismael, cháxa apkelwesey axta han kéltemessáseykekxo axta han chá'a élwesey m'a xapop apagkok, tén han ma'a apheykegkaxa nak. Xama axta han chá'a apkemha apmonye' apagkok ektáhakxa nak chá'a énxet'ák apagkok.

Génesis 25:16 ပူးပေါင်းရင်းမြစ်များ

Génesis 17:20

Tén han ma'a Ismael, seklegaya nak chá'a apxeyenma exchep, ataqmelchesek sa' han ko'o sekteméssesakxa m'a, wának sa' exámak apketchek, tén han exámagkok ma'a aptawán'ák neptámen. Ismael sa' etnehek apyapmeyk ma'a doce apkelámha apmonye'e apkelwesse'e, énxet apxámokma sa' atnéssesek.

Génesis 17:23

Apyenyekhássessek axta han apyempehek Abraham apketche Ismael xa ekhem nak, tén han ma'a apyókxoho apkelásenneykha appalleyam nak apxagkok, keñe han ma'a apkelma axta apyánmagkasso selyaqye apagkok. Kélyenyekhassásegkek axta apyempe'ék ma'a apyókxoho apkelennay'a apheykha nak apxagkok, apkelánesso axta chá'a aqsok, ekhawo apkeltamhókxa axta etnehek ma'a Dios.

Génesis 25:15

Hadar, Temá, Jetur, Nafís, tén han Quedmá.

1 Crónicas 6:54

Keso yókxexma apheykegkaxa axta tén han néxa xapop apagkok ma'a Aarón aptawán'ák neptámen. Quehatitas apnámakkok axta chaqhémok apkelxaweykegko m'a

Números 31:10

apkelwatnéssek axta nahan ma'a apyókxoho tegma apkelyawe apagkok, tén han ma'a apkelpakxenéyak nak.