Génesis 24:50 - Biblia Enxet

⁵⁰ Aptáhak axta Labán tén han Betuel apkelátegmowágko s'e: —Wesse' egegkok keñamak xa, mogwanchek negko'o mólyahakxe'.

Génesis 24:50 ပူးပေါင်းရင်းမြစ်များ

Génesis 24:15

Axta epenchásawok makham apkelmaxnagko apwet'a ekxegakmo xama kelán'a étkok ekpatmakmo yátegwáxwa agkok. Rebeca axta m'a, Betuel axta apketche. Betuel axta han apketche m'a Milcá, tén han Nahor, apyáxeg nak ma'a Abraham.

Génesis 24:28

Kétchágkokxeyk axta ekmeyákxo egken axagkok ma'a Rebeca, éltennásseykxo ekyókxoho m'a ektáhakxa.

Génesis 24:51

Keso Rebeca s'e, éntemekxa', wesse' apagkok apketche aptáwa' sa' katnehek, apkeltamhókxa nak katnehek Wesse' egegkok.

Génesis 24:53

Tén axta apkelhaxyawasa m'a aqsok étkók sawo ekyátekto élmomnáwa, tén han sawo élmope élmomnáwa nak, tén han apáwa, apkelmésa m'a Rebeca. Apkelméssek axta han apkelmésso naqsa aqsok ma'a yáxeg, tén han egken.

Génesis 24:55

Keñe axta m'a Rebeca yáxeg tén han ma'a egken, ektáha eyáneya s'e: —Kaxnekxak sa' sekxók makham neghakxa negko'o diez ekhem ma'a kelán'a étkok egagkok. Keñe sa' natámen awanchek keytlakxak xép.

Génesis 24:60

Axta kéltáhak kélmaxnéssesa Rebeca kéltamho kataqmelek ekha s'e: “Xeye', egyáxeg, ¡Katnehek sa' xe' apxámokma apagko' étchek! ¡Elmok sa' tegma apkelyawe apagkok apkelenmexma m'a atawán'ák natámen!”

Génesis 31:24

Wanméssek axta han Labán apya'awa Dios xa axta'a nak, aptáha apcháneya s'e: “Ná epaqhetches aqsa ekmaso Jacob.”

Génesis 31:29

Ewanchek xeykhe ko'o atnéssessamhok exma ekmaso kélyókxoho kéxegke, apyáp Dios apagkok xeyke epaqhetchásak ko'o axta'a exchek, aptáha seyáneya s'e: ‘Ná epaqhetches aqsa ekmaso Jacob.’

2 Samuel 13:22

Axta eyke epaqhetchessók han xama enxoho Absalón ma'a Amnón, lókassegkek axta apwáxok apteméssesseykmoho exma m'a apyáxeg Tamar.

1 Reyes 12:15

Axta elyahákxak wesse' apwányam aptáhakxa apkelpeywa m'a énxet'ák nak, hakte Wesse' egegkok axta apmopmenyého katnehek xa ektáha nak, yaqwayam enxoho katnehek ma'a apkeltennassama axta katnehek Wesse' egegkok ma'a Jeroboam, Nabat axta apketche, apchásenneykekxo axta m'a Ahías, apkeñama axta Siló.

1 Reyes 12:24

séltamho ko'o melnapakpehek ma'a apkelpeywomo xamo' nak israelitas. Tásek eltaqhekxak aqsa apxanák ma'a apyókxoho nak, hakte cháxa séltamhókxa nak ko'o etnahagkok xa.” Xama axta apkelleg'a aptáhakxa apkeláneya m'a Wesse' egegkok, apkeltaqhákxeyk axta apxanák, ekhawo apkeltamhókxa axta etnahagkok ma'a Wesse' egegkok.

Salmos 118:23

Cháxa apkelane axta Wesse' egegkok xa, kelpayhekxeyk agko' axta negko'o egwáxok negwet'a.