Génesis 24:32 - Biblia Enxet

³² Yetlókok axta han apmahéyak tegma m'a kélásenneykha nak, apkeltamhók axta kólhexyawássesek keltahanchesso yányátnáxeg ma'a Labán, kélágkek axta han aptéyak, apyekwéssek axta han yegmen apsántekkesa kélásenneykha yaqwayam elyenyeksek apmagkok, tén han ma'a apkelxegexma'a nak.

Génesis 24:32 ပူးပေါင်းရင်းမြစ်များ

Génesis 18:4

Leyawók sa' agkok kélwáxok, wának sa' sekxók kólsantagkasek yegmen yaqwayam kólyenyesagkok kélmagkok, tén sa' kóllókasek kélyampe yaqwatakxoho s'e kóneg yámet pessesse agkok nak.

Génesis 19:2

Aptáhak axta apkeláneya s'e: —Énxet'ák, kólnaqtén sa' exagkok axta'a, ko'o sektáha nak kélláneykha. Sa' kólyenyesagkok kélmagkok ma'a, tén sa' axto'ók agko' kólxegekxak makham. Aptáhak axta apkelátegmowágko s'e: —Ma', táse', yókxexma sa' aqsa annaqtének.

Génesis 24:33

Xama axta kélnegkenchesa apto, aptáhak axta Abraham apchásenneykha s'e: —Sa' atwok ko'o sekto sekpenchesa enxoho sekxeyenma m'a sekmako nak altennaksek. —Exén sa' —axta aptáhak Labán.

Génesis 29:13

Apkenyeyk axta Labán apkelanyexágko apleg'a éltennasa apwa'a Jacob, cham'a apyáxa étche, appathetchek axta, keñe appeykesa appetsesa, apyentamákxeyk axta apxagkok. Apkeltennáseyha axta han Jacob ekyókxoho ektáhakxa apweynchámeykha.

Génesis 43:24

keñe axta apnaqlawa apyókxoho m'a José apxagkok, appekkenchessek axta yegmen yaqwayam elyenyesagkok apmagkok, apkelássásegkek axta han ektéyak ma'a yámelyeheykok apkelchánte.

Jueces 19:21

Apnaqlákxeyk axta apxagkok ma'a kelaphope nak, apkelyenyeyásegkek axta sekxók apmagkok ma'a meyk'a, keñe axta aptókagko aptéyak, tén han apyenágko, tén axta m'a kelaphope nak apkelássásegko ektéyak ma'a yámelyeheykok apkelchánte.

1 Samuel 25:41

Háxahánteyk axta Abigail ekwokmoho ektekxekwa'akto nát xapop, ekxekmósa ektáha eyáyo, keñe axta ektáha élátegmowágko: —Ko'o sekteme David apkeláneykha, ekpenchessek sektáhakxa yaqwayam alyenyéssesagkok apmagkok ma'a apkeláneykha, apkeltamho enxoho m'a.