Génesis 23:15 - Biblia Enxet

¹⁵ —Abraham, heyeyxho sekxo', cuatrocientos sawo' selyaqye hawók ekyánmaga m'a xapop nak, ketsék agko' negko'o anlanok xa ekwánxa nak ekyánmaga, xép tén han ko'o, yátawanyegwom heykxa' aptáwa' m'a.

Génesis 23:15 ပူးပေါင်းရင်းမြစ်များ

Génesis 23:14

Apchátegmowágkek axta Efrón:

Génesis 33:19

Cien sawók selyaqye axta apyánmagkassók apmoma xapop, apagkok axta m'a Hamor apketchek, Siquem axta apyáp, cha'a appakxanmakxa axta han ma'a.

Job 28:1

Yetneyk kélhexyawassamakxa nak chá'a sawo ekmope ekmomnáwa, tén han kélaxñáseykekxexa nak sawo ekyátekto ekmomnáwa.

Éxodo 30:13

Cinco gramos sawo ekmope ekmomnáwa sa' nahan chá'a hélmések ma'a eknaqtáxésamaxche nak chá'a apkelwesey kélyetsáteykekxa, ko'o sektáha nak Wesse' kélagkok, cham'a ekweykenxa nak chá'a náxet ekyentaxno kélmeykha m'a kélpakxanma appagkanamap.

Éxodo 30:15

Egkéssek sa' agkok chá'a xama ekyaqmageykekxa m'a apyókxa, ko'o sektáha nak Wesse' apagkok, meyeykhássamók sa' nahan apyánmagkasso cinco gramos sawo ekmope ekmomnáwa m'a énxet ekxákma nak aqsok apagkok, keñe sa' nahan ma'a énxet meyke nak aqsok apagkok, mopwanchek sa' eyánmagkasek kóneg xa cinco gramos nak sawo ekmope ekmomnáwa.

Ezequiel 45:12

“Ekhawo nahan ma'a kélyetsáteyak nak chá'a ekwánxa ekyentaxno xama aqsok: veinte geras katnehek chá'a xama siclo once gramos; keñe sesenta siclos katnehek chá'a m'a xama mina.