Génesis 22:21 - Biblia Enxet

²¹ Us axta apwesey m'a aptéyam apmonye'; keñe axta m'a Buz, tén axayók ma'a Quemuel, aptáha nak apyáp ma'a Aram.

Génesis 22:21 ပူးပေါင်းရင်းမြစ်များ

Génesis 22:20

Keñe axta natámen xa, aplegagwákxeyk axta amya'a Abraham, ekwetassama han apketchek apyáxeg Nahor ma'a Milcá.

Génesis 22:22

Tén axta aptémeykekxo makham ma'a Quésed, Hazó, Pildás, Idlaf, tén han Betuel.

Génesis 24:10

Yetlókok axta han apkelyéseykha aqsok éltaqmalma, apagkok axta m'a wesse' apagkok, yaqwayam etnehek apkelmésso naqsa, apkelyesáha axta diez yányátnáxeg, keñe apmahágko m'a tegma apwányam Nahor, cham'a Mesopotamia.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Job 32:2

Keñe axta xama énxet apwesey axta Elihú, Baraquel axta apketche, apteme axta buzita, Ram axta aptáwen neptámen, massék axta apmágweykxo apmáheyo etaqnók ma'a Job, melwátéssekmo apxeyenma apteme meyke aptémakxa, appehessákxo chá'a aptaqnagko m'a Dios.

Jeremías 25:20

tén han ma'a pók aptémakxa nak chá'a énxet'ák apheykha m'a; tén han ma'a apyókxoho kelwesse'e apkelwányam nak apchókxa Us, tén han ma'a yókxexma apagkok nak ma'a filisteos: cham'a Ascalón, Gaza, Ecrón, tén han ma'a éleymomáxche axta m'a Asdod;

Jeremías 25:23

tén han Dedán énxet'ák apagkok, Temá tén han Buz, tén han ma'a énxet'ák apkelmópéssamo nak chá'a apkelyésesso élpayhakxa nápaqta'a;

Números 23:7

Tén axta Balaam aplegasa s'e ektéma nak amya'a: “Aram axta eñamak seyáneyeykencha'a m'a Balac wesse' apwányam nak Moab, axta eñamak ma'a élámhakxa nak meteymog élekhahéyak ekpayho nak ekteyapmakxa ekhem. Exegma —axta aptáhak seyáneya— yána kaltemégwomhok exma ekmaso énxet'ák Israel, yána kasók apheykha m'a Jacob énxet'ák apagkok.