Génesis 21:20 - Biblia Enxet

^20-21 Appasmomchek axta Dios ma'a sakcha'a nak, apwánegyek axta, tén axta apheykmo m'a yókxexma meykexa énxet nak Parán, apmoplensa yágke axta aptemék han. Kelyamhakkassegkek axta han egken ekméssama xama kelán'a Egipto.

Génesis 21:20 ပူးပေါင်းရင်းမြစ်များ

Génesis 10:9

Nimrod axta apteme apmopwána enempaqwók, hakte Wesse' egegkok axta apmopmenyého etnehek xa ektáha nak. Cháxa ekteyapmakxa axta s'e ektéma nak amya'a: “Exho Nimrod, apteme axta apmopwána enempaqwók eñama apmopmenyého etnehek ma'a Wesse' egegkok.”

Génesis 16:12

Exhok sa' ma'a xama yátnáxeg apmopyementél'a, elnapakpok sa' han chá'a apyókxoho énxet'ák, yenmexakpok sa' han chá'a. Yenmexmakha sa' eykhe chá'a m'a apkelyáxeg'a nak, exek sa' eyke aqsa chá'a m'a apxagkok.”

Génesis 17:20

Tén han ma'a Ismael, seklegaya nak chá'a apxeyenma exchep, ataqmelchesek sa' han ko'o sekteméssesakxa m'a, wának sa' exámak apketchek, tén han exámagkok ma'a aptawán'ák neptámen. Ismael sa' etnehek apyapmeyk ma'a doce apkelámha apmonye'e apkelwesse'e, énxet apxámokma sa' atnéssesek.

Génesis 25:27

Apkektegkek axta xa wokma'ák apketkók nak, ekmátsa eweynchamha yókxexma axta han aptemék ma'a Esaú, apmopwána enempaqwók, keñe axta Jacob aptéma xama énxet meyke appekhe, atsek axta aqsa exek ma'a appakxanma nak.

Génesis 27:3

Emekxa sa' yágke apagkok, emhók sa' naxma etegyek aqsok nawhak.

Génesis 28:15

Sekxegexma ko'o exchep, ataqmelchesek sa' chá'a m'a apmakókxa enxoho chá'a emhagkok, eyntementák sa' makham se'e xapop nak. Mayenyewek sa' aqsa chá'a meyke sélane m'a séltennassama nak chá'a alána'.”

Génesis 39:21

apxegexma axta makham aptemék Wesse' egegkok ma'a José, apxekmóssegkek axta apchásekhayo, apkeltémok axta han kataqmalmakha apwáxok elanok ma'a apkemha apmonye' nak negmomaxchexa',

Jueces 6:12

Apxekmowásekpók axta m'a Wesse' egegkok apchásenneykha, aptáhak axta apcháneya s'e: —¡Wesse' egegkok xép apxegexma, énxet apyennaqte megyeye nak emhagkok eyesagkexa'!