Génesis 21:16 - Biblia Enxet

¹⁶ hakmek axta han yám makhawo, hakte axta kaltamhók katagkohok yetsapok sakcha'a. Xama axta ekha, yetlókok axta apwóno m'a sakcha'a.

Génesis 21:16 ပူးပေါင်းရင်းမြစ်များ

Génesis 21:15

Xama axta ekyamásexko yegmen kélyeta axta m'a yempehek nak, yensakmek axta sakcha'a kóneg yámet étkok pessesse agkok,

Génesis 27:38

Aptáhak axta makham apcháneya Esaú s'e: —¿Táta, wánxaya xama ekyetna exchep sẽlmaxnéssesso aqsok éltaqmela? ¡Hélmaxnésses ko'óxa aqsok éltaqmela! Keñe axta apwaneykxo makham ekyennaqte agko'.

Génesis 29:11

tén axta appetsesa appeykesa, apwóneyk axta ekpayhékxo apwáxok.

Génesis 44:34

¡Háxko atnehek ko'o awakxak aphakxa táta mehetlákxo enxoho xa wokma'ák nak! Mómenyeyk ko'o ótak káhapwak ekyentaxno apha m'a táta.’

1 Reyes 17:12

Chátegmowágkek axta m'a kelán'a: —Naqsók ko'o sektáha seyáneya exchep yetlo sekxeyenma apwesey Dios Wesse' apagkok, méko ko'o m'a pán sekmakhetchesso nak. Wánxa aqsa apyetna apqántawók hótáhap ma'a sekxata nak sokpayhe, tén han ketsék pexmok égmenek ma'a sekyeta nak, yántapák eyke ekyeykhámeyha ko'o kaxwo', yaqwayam wahanchessekxak ma'a hatte, tén han ko'óxa. Antawagkok sa' negko'o, keñe sa' natámen óletsapok meyk sẽlnapma.

1 Reyes 3:26

Yentexók agko' axta eyke ektáhakxa awáxok élano étche m'a kelán'a megyetsapma nak étche, keñe ektáha eyáneya m'a wesse' apwányam: —¡Wesse', nágyaqha aqsa sakcha'a megyetsapma nak! ¡Egkés aqsa xa kelán'a nak! Keñe axta m'a mók kelán'a nak ektáha s'e: —Háwe ko'o ahagkok, háwe han xeyáxa agkok. ¡Kólpáxqat sa' nepyeseksa!

Ester 8:6

hakte ¡mowanchek ko'o alenmaxaxkohok ótak káhapwak aqsok ekmaso m'a sekpeywomo xamo' nak! ¡mowanchek nahan alanha kólmasséssók ma'a énámakkok ahancha'awo' nak!

Isaías 49:15

¿Kalwagqámhoya chá'a étche xama kelán'a, ektáha nak chá'a étche agko'? ¿Kalwatéssamhoya nahan chá'a eyásekhayo? Kalwagqámak sa' eykhe chá'a m'a mehelwagqámhek sa' eyke ko'o exche'.

Jeremías 6:26

¡Énxet'ák ahagkok, kólántaxnekxa apáwa sẽlwáxaqxamo nak, magkenatchesso kéllegagkoho ekmáske; kólpexyawha neyseksa táhap, kallapwomák, nágkóleysagkoho kóllekxagwaha, ektémól'a yetsapok xama kélketche apteme nak wánxa xama apagko'; hakte kaxwo' sa' elwak ma'a apmáheyo nak hegmasséssók!

Amós 8:10

Kéllekxagweykegkaxa eñama apkeletsapma énxet sa' atnessásekxak ma'a ekhem kélessawassessamókxa nak chá'a, keñe sa' kélmeneykmasso katnekxak ma'a senlapweykenxa; wának sa' ko'o kólántaxnekxak kéxegke m'a apáwa sẽlwáxaqxamo nak, tén han kólmopaksohok kélyese magkenatchesso éllapwámegko. Máxa sa' kóltéhek kóllekxagwaha m'a aptémól'a énxet elekxagwaha exyánegkesek apketche apteme nak wánxa xama apagko', kélyókxoho sa' kalyélaqtések kéllegeykegkoho ekmáske.

Zacarías 12:10

Ayánchesseshok sa' ko'o sekmésso apmopyóseka elanok apnámakkok tén han apkelmaxneyéyak ma'a David aptawán'ák neptámen nak tén han ma'a énxet'ák apheykha nak Jerusalén. Keñe sa' elanok chá'a m'a ektáha nak chá'a apkelyetxaqxo, tén sa' kallapwomagkok, ellekxagwaha sa' elano'. Máxa sa' etnéssesek ma'a aptémól'a yetsapok kélketche aptemél'a wánxa xama apagko' essenhan ma'a kélketche átnaha apketkok la'a.

Jueces 2:4

Xama axta appenchesa apteme appeywa Wesse' egegkok apchásenneykha xa ektáha nak, axta eleyságkohok apkellekxagweyncha'a m'a apyókxoho israelitas.

Rut 1:9

egkések sa' nahan kélmowána kóltegyagkokxak makham kélnaqteyegka'a yaqwayam sa' kólwetekxak makham axnagkok meyke ektáhakxa kélwáxok tén han aphaxnagkok kélxanák. Kelpetseságkokxeyk axta Noemí amonye' éxeykekxa, axta nahan kaleysagkohok éllekxagweyncha'a xa ánet nak,

1 Samuel 24:16

Xama axta appenchesa appeywa David, keñe axta aptáha Saúl se'e: —¡Xép neykel'a sepaqhetchesa nak David, épháyem! Keñe axta apwana,

1 Samuel 30:4

axta eleyságkohok apkellekxagweyncha'a ekwokmoho ekmassa apkelyenna.