Génesis 2:14 - Biblia Enxet

¹⁴ Tén axta Tigris ma'a ektáhakxa axta ántánxo wátsam, ekmallahanweykmoho nak ekteyapmakxa ekhem nak Asiria, keñe Éufrates ma'a ektáhakxa nak cuatro wátsam.

Génesis 2:14 ပူးပေါင်းရင်းမြစ်များ

Génesis 10:11

Cháxa yókxexma apkeñamakxa axta han apmaheykegko m'a Asur, apkelánegweykmo axta han ma'a tegma apkelyawe nak Nínive, Rehobot-ir, Quélah,

Génesis 10:22

Keso Sem apketchek axta s'e: Elam, Asur, Arfaxad, Lud, tén han Aram.

Génesis 15:18

Cháxa ekhem apkelanakxa axta han ekhémo mók apkelpaqhetchásamákpoho Wesse' egegkok ma'a Abram. Aptáhak axta apcháneya s'e: —Agkések sa' ko'o aptawán'ák neptámen se'e xapop nak, eyeynamo m'a wátsam nak Egipto, ekweykekxoho m'a wátsam ekyawe nak Éufrates,

Génesis 2:13

Guihón axta han ekwesey m'a mók wátsam, ekhaxnegcheykmo nak ekyókxoho yókxexma Cus.

Génesis 2:15

Xama axta aphéssama Dios Wesse' egegkok énxet ma'a yókxexma ektaqmalma Edén, yaqwayam enxoho eknekxak aqsok, tén han eltaqmelchesek,

Génesis 25:18

Apkelheykmek axta aptawán'ák neptámen ma'a teyp nak yókxexma Havilá, halep nak Sur, keto' nak Egipto, ámay ekmahéyak nak Asiria. Axta apkelheykmok ma'a neyseksa axta eykhe megkalmopmenyého m'a apnámakkok.

Ezequiel 23:23

cham'a énxet'ák Babilonia tén han ma'a caldeos, tén han ma'a énxet'ák Pecod, Soa tén han ma'a Coa, tén han ma'a apyókxoho asirios; cham'a apyókxoho wokma'ák apkeltaqmalma apagko' nak, kelwesse'e tén han ma'a apkeltaqmelchesso nak chá'a apkelókxa, sẽlpextétamo apkelwesse'e tén han ma'a kempakhakma yapmeyk nak; apyókxoho m'a énxet apkelchánte nak chá'a yátnáxeg.

Daniel 10:4

Énmáha axta ko'o neyáwa wátsam ekwányam Tigris, cham'a ektáhakxa axta veinticuatro ekhem ma'a apkemha apmonye' pelten ma'a apyeyam nak.

Deuteronomio 1:7

Kólmekxa sa' aqsok kélagkok, kólmohók sa' ma'a egkexe élekhahéyak apagkok nak amorreos, tén han ma'a ekyókxoho yókxexma nekhaw'ék nak: cham'a Arabá, tén han ma'a yókxexma ekxámokmakxa nak meteymog élekhahéyak, tén han ma'a eyáxñeyo meyke nak élekhahéyak xapop, tén han ma'a Négueb, tén han ma'a neyáwa wátsam ekwányam nak, tén han ma'a cananeos apchókxa tén han ma'a Líbano, ekweykmoho m'a wátsam ekyawe nak Éufrates.

Deuteronomio 11:24

Sa' kóltéhek chá'a kélagkok kéxegke m'a kélwánxa enxoho chá'a yókxexma. Sa' keynhok néxa xapop kélagkok ma'a yókxexma meykexa nak énxet ekweykekxoho m'a Líbano, tén han eyeynamo m'a wátsam Éufrates ekweykekxoho m'a wátsam ekwányam Mediterráneo.