Génesis 19:9 - Biblia Enxet

⁹ Aptáhak axta apkelátegmowágko s'e: —¡Yáwho exchep xa! Mopwanchek xép hẽltennaksek yaqwánxa chá'a antéhek, mók nekha exchep apkeñamak. ¡Anyeykhássamhok sa' kaxwók xép nenteméssesakxa ekmaso, megkaxók sa' nenteméssesakxa xa énxet'ák nak! Yetlókok axta han apyégeykha Lot xa énxet'ák nak, apwakhegwokmek axta átog apmako eyaqnegkesek,

Génesis 19:9 ပူးပေါင်းရင်းမြစ်များ

Génesis 11:6

Keñe axta aptáha s'e: “Méko apkelpaxqamap xa énxet'ák nak, hawók nahan mók apkelpeywa, cháxa keñamak apkeláneykegko nak xa apkeltamheykha nak, melwátesagkek han apkeláneyak.

Génesis 13:12

Apheykekxeyk axta Abram ma'a Canaán, keñe axta Lot apmaheykegko apheykmo m'a tegma apkelyawe apheykegko axta m'a xapop ekyapwate, ketók axta m'a tegma apwányam Sodoma,

Éxodo 2:14

Tén axta m'a énxet, ektáha axta aptekpageykha pók, aptáha apchátegmowágkokxo s'e: —¿Yaqsa ekpekkenma exchep yaqwayam etnehek apkemha apmonye' tén han segyekpelchémo negyeseksa negko'o? ¿Xénchek enxeykel'a apwáxok ko'o xa heyaqhek, ektáha axta apchaqha m'a egipcio? Xama axta apleg'a Moisés aptáha apcháneya xa, apchekak axta, hakte xénchek axta apwáxok kélya'ásegkoho ektáha apchaqhe m'a xama egipcio.

Proverbios 14:16

Yáwhok elának aqsok ekmaso m'a énxet apya'áseykegkoho nak aqsok, étnakhaksek nahan, keñe m'a énxet ekmaso nak aptémakxa', megyekyek chá'a elána'.

Proverbios 17:12

Tásek antahañak aqsok nawhak eklo kéllókasso kélmenyexchesso étkók, kaxnók antahañak énxet ekyeyháxma neyseksa apkelane aqsok ekmaso.

Proverbios 27:3

Kelyentex'ak ma'a meteymog tén han xapop ánek, eyke ekyentaxnakxa agkok aplo m'a énxet ekyeyháxma nak.

Eclesiastés 10:13

appaqmetakxoho chá'a katyapok appeywa ekyeyháxma, kasógwomhok agko' chá'a m'a aptáhakxa enxoho appeywa.

Eclesiastés 9:3

Ékeso étsagkassamo nak chá'a ekyókxoho aqsok ektémakxa nak chá'a keso náxop: kaxhok chá'a mók élhaxanma m'a apyókxoho nak. Keñe nahan élchetámeykha nak apwáxok énxet láneyók aqsok ekmaso; yetnegkek apwáxok aqsok ekyeyháxma neyseksa apha; keñe chá'a apwagkasa enxoho néxa apha, emhagkok chá'a élmaheykegkaxa nak eghagák.

Isaías 65:5

Apteme nak chá'a elpaqmétek se'e: ‘Etnamha xa, náhepaknegwoho; sekpagkanamaxche ahagko' ko'o mopwanchek hepaknegwoho'.’ Aphawók táxa xa énxet'ák nak eyáléweykhal'a yókxoho ekhem; élya'assegkek chá'a exma máxa m'a éten élántaxnól'a egwéhe'ék.

Jeremías 3:3

Cháxa keñamak megkamámeya nak ma'a apmopsamágexal'a, tén han ma'a élyapweykxal'a. Hawók xe' megkamegqakto m'a kelán'a ekyaqmagkáseyak pók énxet ekma nak chá'a ekyánmaga ekpathetéyak; ¡kéméxcheyk kamegqágwók!

Jeremías 6:15

¡Kéméxcheyk eykhe elmegqágwók apkelánegko enxoho chá'a xa ektéma nak aqsok sektaqnagkamo nak ko'o! Melmegqágwakxeyk eyke, ¡melya'ásegkok ma'a ektémakxa negmegqakto! Éllegassásegkók sa' agkok ko'o m'a, elpelapmok sa', elyaqnenagkok sa' ektéma nak chá'a m'a nápakha nak. Ekxénchek ko'o xa, sektáha nak Wesse'.”

Jeremías 8:12

¡Kéméxcheyk eykhe elmegqágwók apkelánegko enxoho chá'a xa ektéma nak aqsok sektaqnagkamo nak ko'o! Melmegqágwakxeyk eyke, ¡melya'ásegkok ma'a ektémakxa negmegqakto! Éllegassásegkók sa' agkok ko'o m'a, elpelapmok sa', elyaqnenagkok sa' ektéma nak chá'a m'a nápakha nak. Ekxénchek ko'o xa, sektáha nak Wesse'.’”

Ezequiel 16:49

Keso ektémakxa nak megkay'assáxma yáxeg Sodoma s'e: eyeymáxkoho yetlo étchek, xámok ektéyak, tásek nahan ekheykha, makke kapasmok xama enxoho m'a énxet'ák apkelmopyóseka nak tén han ma'a ekha nak chá'a eyeyméxchexa aqsok ma'a apxagkok.

1 Samuel 17:44

Axta aptáhak han apcháneya s'e: —¡Exegma', almésagkok sa' ko'o exchep aphápetek yaqwayam etawagkok ma'a máma, tén han ma'a aqsok nawha'ák éllo!

1 Samuel 2:16

Aptemék agkok apcháneya m'a énxet nak, kólwet sekxók xa pexmok nak, keñe sa' ekpenchásexko enxoho apwanchek emok ma'a apmakókxa enxoho emok, keñe axta etnehek chá'a yátegmowagkok ma'a kélásenneykha nak: “Ma', tásek hegkések se'e kaxwo' nak, sa' agkok hegkeyásak, eynnaqtések sa' émpehek eymentók.”

1 Samuel 25:17

Asagkek eyke exche' aptémakxa m'a atáwa' nak, aplamche', megkólwanchek kólpaqhetchesek, kalchetam sa' awáxok, kay'asagkoho sa' yaqwánxa katnehek, hakte aqsok ekmaso sa' káhapwak ma'a, tén han ma'a ekyókxoho apnámakkok nak.