Génesis 19:24 - Biblia Enxet

²⁴ keñe axta Wesse' egegkok appalchesánto táxa, tén han aqsok ánek ekyátekto eyáléwomo nak, néten Sodoma tén han Gomorra;

Génesis 19:24 ပူးပေါင်းရင်းမြစ်များ

Génesis 13:10

Apkenmexawók axta Lot ekyókxoho ekyapwate nak wátsam Jordán, apwet'ak axta han ekyawa yegmen ekweykekxoho m'a yókxexma étkok nak Sóar, máxa axta m'a yókxexma ektaqmalmal'a. Hawók axta m'a ektémakxa axta Egipto. (Cháxa ektémakxa axta xa, amonye' axta apmassésseyam Wesse' egegkok ma'a tegma apkelyawe Sodoma tén han Gomorra.)

Génesis 13:12

Apheykekxeyk axta Abram ma'a Canaán, keñe axta Lot apmaheykegko apheykmo m'a tegma apkelyawe apheykegko axta m'a xapop ekyapwate, ketók axta m'a tegma apwányam Sodoma,

Génesis 18:17

Keñe axta Wesse' egegkok ektáha apwáxok se'e: “Altennaksek sa' ko'o Abraham yaqwánxa atnehek,

Génesis 19:23

Kelsakak axta apwokmo Lot ma'a Sóar,

Job 1:16

Axta epenchásawok appeywa xa énxet nak, apwákxo makham pók, keñe han aptáha apcháneya s'e: —Takha' apkelnápak nepkések tén han ma'a apkeltaqmelchesso nak. Ko'o aqsa exakkók seyewagko sekxeganakmo, yaqwayam enxoho ay'óták xép altennásseta'.

Job 18:15

Kólwatnések sa' apxagkok; kólexpaqheykha sa' aqsok apagkok ma'a aqsok ánek ekyátekto eyáléwomól'a.

Salmos 11:6

Yahak sa' Wesse' egegkok átex, táxa tén han aqsok eyáléwomól'a m'a énxet'ák élmaso nak apkeltémakxa, yahak sa' éxchahayam yaqwayam sa' kalwatnek ma'a apyókxoho nak. ¡Ellegássesagkohok sa' Wesse' egegkok ekpayhawo nak etnéssesek!

Éxodo 9:23

Apya'ássek axta apmek néten Moisés, tén axta Wesse' egegkok apcháphasa takha', yetlo apkelyenma tén han ma'a yegmen élyennaqte neyseksa xa xapop nak. Axta aqsa nahan aptegkásak yegmen élyennaqte m'a ekyókxoho kañe' Egipto.

Isaías 1:9

Axta agkok negko'o hẽleykmok egqántawók ma'a Wesse' ekha nak apyennaqte, aghágwakxohok axta m'a ektémakxa axta énxet'ák apheykha axta m'a tegma apwányam Sodoma tén han ma'a Gomorra.

Isaías 13:19

Keñe sa' ma'a Babilonia, apchókxa ektaqmalma nak ma'a énxet'ák, eyaqheykencha'a nak chá'a apkelwáxok ma'a caldeos, kaxnágwakxohok sa' ma'a Sodoma tén han Gomorra, cham'a sekmassesseykmo axta ko'o.

Isaías 30:33

Nanók agko' apkelánesso énxet'ák Asiria tén han wesse' apwányam apagkok ma'a ekyetnamakxa nak sẽllegassáseykegkoho ekmáske, ekyawe nak ekpayhakxa tén han ekmattawóneg, eyáléweykegkaxa nak ekyawe m'a táxa yetlo ekxámokma m'a yántapák. Wesse' egegkok apkennama sa' káléwaksek ma'a, máxa sa' katnehek ma'a ényél'a eyáléwe m'a aqsok ánek ekyátekto eyáléwomól'a.

Jeremías 20:16

¡Exhok sa' tegma apkelyawe xa énxet nak apmassesseykmo axta Dios meyke néxa! ¡Eñak sa' chá'a axto'ók élpayheykha kélatña'ák kéllegeykegkoho ekmáske, keñe sa' yetseksók ekhem eñak chá'a sẽltennasso peya kampakhaxche',

Jeremías 23:14

Ekweteyak axta ko'o apkeláneykegko aqsok ekmaso agko' ma'a apkellegasso axta sekpeywa apheykha axta m'a Jerusalén: apnaqtawáseykegkók axta apnaqteyegka'a apkeláneykegko chá'a mók, apkelyexancháseykha axta nahan chá'a apnámakkok, elyáteyagkohok axta chá'a megyánhek elwátesagkok apkeltémakxa ekmaso m'a élmasagcha'a nak apkeltémakxa. Ekhéssamok ko'o Sodoma tén han Gomorra xa énxet'ák nak, tén han ma'a apheykha nak tegma apwányam.

Jeremías 49:18

hakte exnágwakxohok sa' ma'a ektémakxa axta Sodoma tén han Gomorra, tén han ma'a tegma apkelyawe aphéyak axta neyáwa', cham'a kélmassésseykmo axta. Méko sa' kaxnekxak kaxwók ma'a, méko sa' ma'a yaqwatakxoho enxoho aphayam. Ko'o sekxeyenma xa, sektáha nak Wesse'.

Jeremías 50:40

Exnágwakxohok sa' ma'a ektémakxa axta Sodoma tén han Gomorra, tén han ma'a tegma apkelyawe aphéyak axta m'a neyáwa, cham'a kélmassésseykmo axta. Méko sa' kaxnekxak kaxwók ma'a, méko sa' ma'a yaqwatakxoho enxoho aphayam. Ko'o sekxeyenma xa, sektáha nak Wesse'.

Lamentaciones 4:6

Awanhók agko' apkeltémakxa ekmaso m'a énxet'ák apheykha nak tegma apwányam ahagkok, megkaxnawok ma'a ektémakxa axta melya'assáxma m'a apheykha nak Sodoma, kélmassésseykmo axta ekmanyehe agko', meyke xama enxoho kélchetámeyak.

Oseas 11:8

“¡Mowanchek ko'o eytnakhaksek xép Efraín! ¡Mowanchek ko'o ayenyók xép Israel! ¿Ewanchek enxeykel'a amasséssók ektéma axta sekmassésseykmo m'a tegma apwányam nak Admá? ¿Ewanchek enxeykel'a atnéssesek xép sekteméssessamakxa axta m'a Seboím? ¡Megkeynnák ko'o ewáxok, awanhek apmopyósa sélányo exchep!

Amós 4:11

“Ekmaso agko' axta ko'o ekmassésseykmok kéxegke, ekhawo sekteméssessamakxa axta sekmassésseykmo m'a Sodoma tén han Gomorra; máxa átex axta kéltemék kélhaxyawassól'a neyseksa táxa, ¡axta eyke hélye'eykekták ko'o kéxegke!” Wesse' egegkok apxeyenma xa.

Deuteronomio 28:24

Xóp ekpánma sa' epalchessásenták kéxegke Wesse' egegkok tén han yagkamex ekyaqmageykekxa m'a ekmámeye, ekwokmoho ekmasséssekmo

Deuteronomio 29:22

Elwetak sa' nenlegeykegkoho ekmaso tén han negmasse peya nak yáphaksek Wesse' egegkok keso náxop, cham'a kaxwe nak yaqwayam makham elántépekxak ma'a egmonye', tén han ma'a kéltawán'ák kélnentámen nak kéxegke, peya nak elántépekxak makham kélnentámen kéxegke, ekhawo nahan ma'a énxet'ák apkeleñama nak mók apkelókxa apkelwe nak apkeleñama m'a apkelókxa makhawók agko' nak,

Deuteronomio 29:23

elwetak sa' ekyókxoho apchókxa ekteme m'a aqsok ánek ekyátekto eyáléwomól'a, tén han yásek tén han xapop ekmeyesma. Megkólwanchek nahan kólchenekxak aqsok aktek xa xapop nak, megkatyephek nahan xama aqsok enxoho; megkawanamyek nahan xama pa'at enxoho m'a, hawók ma'a ektémakxa axta kélmassesseykmo m'a tegma apkelyawe Sodoma, Gomorra, Admá tén han ma'a Seboím, apmassesseykmo axta Wesse' egegkok yetlo aplómo apagko'.