Génesis 18:27 - Biblia Enxet

²⁷ Tén axta Abraham aptáha makham apcháneya s'e: —Heyásekhekxoho sa' sektáha ko'o sekpaqhetchesa exchep yetlo meyke sélnawagko xa ektáha nak, hakte xép apteme Dios, keñe ko'o xóp ánek aqsa.

Génesis 18:27 ပူးပေါင်းရင်းမြစ်များ

Génesis 18:28

Kenhan ma'a apkeymékpo enxoho cinco yaqwayam emmok cincuenta, ¿megyéxeya sa' emasséssók tegma apwányam eñama apkeymomap makham xa cinco nak? Aptáhak axta Wesse' egegkok apchátegmowágko s'e: —Ekwet'ak sa' agkok cuarenta y cinco meyke nak apkeltémakxa, mamasséssemek sa'.

Génesis 2:7

Keñe axta Dios Wesse' egegkok apkelana énxet ma'a xapop ánek, apwátekhakkassek axta apwéhek apmésa apyennaqte. Cháxa aptamhákxo axta énxet ekha apkennama.

Génesis 3:19

Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Esdras 9:6

sektáha s'e: “Dios ahagkok, ekmegqakkek ahagko' ko'o, may'ásegkok sektáhakxa, mowanchek sekmako alanok xép. Yeykhágwokmok agko' ma'a ektémakxa nak negko'o mólya'assáxma, weykmók néten ma'a nentémakxa nélsexnánémaxche'.

Job 30:19

Eyámasmeyk neyseksa yelpa', máxa xapop ánek ektemék, tén han táhap.

Job 4:19

¡eyke ekyágwánxa agkok ma'a énxet, apteme nak apyelqamákpoho, aptémól'a m'a tegma yelpa', apkelánamap la'a néten yagkamex, kélmowánal'a kóltepelkoho', ektémól'a yánseleklek!

Salmos 144:3

Wesse', ¿yaqsa m'a énxet ekxeyenma nak chá'a apwáxok xép? ¿Yaqsa m'a nentáha nak énxet ekyetnakhassamo nak chá'a apwáxok?

Salmos 8:4

katnehek chá'a élchetamso ewáxok se'e: ¿Yaqsa m'a énxet? ¿Yaqsa m'a nentáha nak énxet? ¿Yaqsa ektéma ekxéneykencha'a nak chá'a apwáxok ma'a, tén han ekyetnakhassamo nak chá'a apwáxok?

Éxodo 32:11

Axta aptáhak eykhe Moisés apcháneya Dios Wesse' apagkok apmako elwátéssesek aplo s'e: —Wesse', ¿yaqsa ektáha apmako nak eltaqnaweygkohok apagko' xeyep ma'a énxet'ák apagkok, ektáha axta xeyep apagko' apkelántekkesso ekyetlómo ekwányam agko' apmopwána m'a Egipto?

Eclesiastés 12:7

Keñe sa' natámen xa, xapop sa' katnekxak makham ma'a ánek nak, ekhawo ektémakxa axta nano', keñe sa' eghagák kalmeyekxak ma'a aphakxa nak Dios, cham'a aptáha axta segmésso.

Isaías 6:5

Keñe axta ektáha élchetama ewáxok se'e: “¡Ko'o laye, watsapok sa'! Ekwet'ak ahaqta'ák ahagko' ma'a Wesse' Apwányam, cham'a Wesse' ekha nak apyennaqte; ko'o sekteme énxet ekteyapmól'a chá'a appeywa ekmaso, ekhegkek ko'o nepyeseksa m'a énxet'ák élánteyapmo nak chá'a apkelpaqmeyesma ekmaso.”

Isaías 64:8

Wesse', xép akke apteme negko'o egyáp; yelpa' negko'o, keñe exchep ma'a senlane nak chá'a; ¡negyókxoho negko'o nenteme senlane apagko' xép!