Génesis 18:23 - Biblia Enxet

²³ apyepetchegwokmók axta m'a. Aptáhak axta apkelmaxneyáncha'a s'e: —¿Emasséssóya sa' meyke nak apkeltémakxa, yetlo m'a élmasagcha'a nak apkeltémakxa?

Génesis 18:23 ပူးပေါင်းရင်းမြစ်များ

Génesis 18:24

Yetneyk sa' agkok cincuenta énxet meyke apkeltémakxa m'a tegma apwányam nak, ¿megyéxeya sa' emasséssók tegma apwányam? ¿megyásekhekxóya sa' eñama xa cincuenta énxet nak?

Génesis 18:25

Mopwanchek xép elának xa, elnápok ma'a meyke nak apkeltémakxa yetlo m'a élmasagcha'a nak apkeltémakxa, hakte máxa katnehek ekhawo enxoho mók apkeláneyak melya'assáxma xa. ¡Ná elána aqsa xa! Xép apteme segyekpelchémo apsawheykekxoho ekyókxoho yókxexma keso náxop. ¿Metnésseseya m'a ekpayhawo nak etnéssesek?

Génesis 20:4

Axta eyke aptáhak apchátegmowágko s'e, hakte axta épetcha'ak makham: “Wesse' ahagkok, ¿péya heyaqhek neyseksa malane aqsok ekmaso?

2 Samuel 24:17

Xama axta apwet'a David Wesse' egegkok apchásenneykha apkellegassásegkoho axta m'a énxet'ák, aptáhak axta apcháneya Wesse' egegkok se'e: —¡Ko'o sélane may'assáxma! ¡Ko'o sélsexnenagko! ¿Yaqsa eyke aqsok ekmaso apkelánegko xa meyke nak apkeltémakxa'? ¡Ko'o eyke tásek heñássesagkoho', tén han ma'a énámakkok!

Job 34:17

Naqsók agkok aptaqnagko Dios ekpéwomo nentémakxa', mopwanchek etnehek apkeláneykha énxet'ák. ¡Mopwanchek xép exének eyesagko aptáhakxa m'a ekpéwomo agko' nak aptémakxa!

Job 8:3

Hakte Dios ekha nak Apyennaqte, mopwanchek elának ma'a aqsok megkapéwomo nak, kapéwhok chá'a m'a aqsok apkelanakxa enxoho.

Salmos 73:28

Eypetchegwakxak sa' eyke ko'o m'a Dios, hakte cháxa ektaqmela ko'o atnehek xa. Dios Wesse' ahagkok, xép apteme sekyexánegweykekxexa', axének sa' han chá'a ekyókxoho aqsok apkelane nak.

Éxodo 23:7

“Ná etne chá'a apmopwána amya'a, nágyána nahan chá'a emátog ma'a énxet meyke nak aptémakxa tén han ma'a meyke nak apsexnánémap, hakte maxének sa' ko'o ektaqmela aptémakxa énxet apteme nak chá'a xa ektáha nak.

Jeremías 30:21

Nepyeseksa sa' nahan yeñék etyapok apkemha apmonye' apagkok: etyapok sa' xama nepyeseksa yaqwayam etnehek apkeltaqmelchesso. Wának sa' ko'o hépetchegwoho', hakte, ¿yaqsa megkeygwakxeyk hépetchegwohok ko'o? Énxet'ák ahagkok sa' ko'o atnehek ma'a, keñe sa' ko'o etnehek Dios apagkok. Ko'o sekxeyenma xa, sektáha nak Wesse'.”

Números 16:22

Apkelháxahanteyk axta eyke ekwokmoho apkeltekxeya élpayhakxa nápaqta'a xapop ma'a. Aptáhak axta s'e: —Oh Dios, xép apteme apmésso apkelyennaqte apyókxoho énxet'ák. ¿Péya eltaqnaweygkok apyókxoho énxet, eñama apkelane mey'assáxma xama énxet?