Génesis 18:2 - Biblia Enxet

² Apkelyaháha axta Abraham, apwet'ak axta apchaqnáncha'a apqántánxo énxet ma'a ekpayhókxa aphakxa'. Xama axta apwet'a, yetlókok axta apchampeykekxa néten apkelma takha', apháxahánteyk axta ekwokmoho aptekxeya ekpayhakxa nápat xapop,

Génesis 18:2 ပူးပေါင်းရင်းမြစ်များ

Génesis 17:3

Keñe axta Abram apháxahánto ekwokmoho aptekxeya ekpayhakxa nápat xapop, axta aptáhak Dios appaqhetchesa s'e:

Génesis 18:16

Apkelchampákxeyk axta néten ma'a meyk'a, apkelxegákxeyk axta apkelpéwomo m'a ekpayho nak tegma apwányam Sodoma. Apkelyetlákxók axta han Abraham apkelpeykásekxoho m'a énxet'ák nak.

Génesis 18:22

Apkelxegákxeyk axta m'a apqánet meyk'a nak, apkelmahágko m'a Sodoma, keñe axta Abraham apkenmeyncha'a makham ma'a apkenmágkaxa axta Wesse' egegkok,

Génesis 18:3

aptáhak axta apkeláneya s'e: —Énxet'ák, nágkólpekhaksoho aqsa sélyeykhagwe.

Génesis 19:1

Peyk axta kayáqtések apkelwokmo apqánet Dios apkelásenneykha m'a Sodoma. Apheyk axta Lot ma'a átog nak nentaxnamakxa m'a tegma apwányam, apchaqneykekxexa axta chá'a énxet'ák. Xama axta apkelwet'a, apkempákxeyk axta néten apkelma takha', apháxahánteyk axta ekwokmoho aptekxeya ekpayhakxa nápat xóp.

Génesis 23:12

Apweykásenteyk axta eyke makham apqátek Abraham, nápaqta'awók énxet'ák apheykha axta m'a yókxexma nak.

Génesis 23:7

Apkempákxeyk axta néten Abraham, apweykásenteyk axta apqátek nápaqta'awók hititas.

Génesis 24:63

Chaqhawók axta han apweynchámegkaxa amonye' ekyáqtésso m'a, apwet'ak axta han apkelxegakmo yányátnáxeg apchágketchessa'a.

Génesis 32:24

Apxakko' axta aphákxak Jacob ma'a, apwa'ak axta han aphakxa xama énxet, apkelnápeykpek axta ekwokmoho élsaka,

Génesis 42:6

Apkeláneykha apchókxa axta han ma'a José, axta apkelmeyáseyak han chá'a hótáhap apaktek énxet'ák apkelwayam axta chá'a apkeleñama ekyókxoho yókxexma. Xama axta apkelwokmo apkelpepma m'a aphakxa nak, apkelháxahanteyk axta ekwokmoho apkeltekxeyágko élpayhakxa nápaqta'a xóp.

Génesis 43:26

Xama axta apwákxo José m'a apxagkok nak, apkelméssek axta m'a aqsok apkelmésso naqsa apkelseykekxésso axta, apkelháxahágkek axta apmonye' ekwokmoho apkeltekxeyágko élpayhakxa nápaqta'a xapop.

Génesis 43:28

Apkelháxahanteyk axta aptáha apcháneya s'e: —Apmeyhek makham negko'o m'a egyáp, aptáha nak xép apkeláneykha. Apheyk makham.

Génesis 44:14

Xama axta apwákxo Judá yetlo apkelyáxeg tén han apkelpepma m'a José apxagkok, apheyk axta makham José m'a. Apkelháxahágkek axta nápaqto' ekwokmoho apkeltekxeya élpayhakxa nápaqta'a xapop,

Génesis 48:12

Apkelmákxeyk axta apketchek José apkelyementamákxo m'a apyáp, apháxahánteyk axta ekwokmoho aptekxeya ekpayhakxa nápat xapop.

2 Reyes 2:15

Xama axta apkelweteya m'a Dios appeywa apkellegasso apheykha axta m'a Jericó, ektáha axta apchaqneykha apmonye'. Aptáhak axta s'e: “¡Eliseo kaxwók apxawákxak ma'a Elías axta apmopwána!” Apkelya'áyekmek axta keñe apkelháxaheykegko apmonye',

Josué 5:13

Xama ekhem axta Josué apwokmo m'a ketók Jericó. Apwet'ak axta apkenmeyncha'a xama énxet ma'a apmonye', yetlo sókwenaqte apmeykha. Apyepetchegwokmók axta Josué keñe apkelmaxneyáncha'a: —¿Néleñémeyo xamóya exchep, nénmexma enxeykel'a?

Jueces 13:3

Apxekmowásekpók axta eyke Wesse' egegkok apchásenneykha m'a, aptáhak axta apcháneya s'e: “Megkateyk xeye étche xama enxoho, lósók sa' eyke katnehek kaxwo'. Kótak sa' xama étche apkenna'.

Rut 2:10

Háxahánteyk axta Rut ekwokmoho ektekxekwakto nát xapop, tén axta ektáha élmaxneyáncha'a Booz se'e: —¿Yaqsa ektáha ektaqmeleyncha'a nak chá'a apwáxok sélano exchep tén han seyápeyncha'a nak chá'a? háwe eykhe ko'o seyókxa saxma, mók nekha eñamak.