Génesis 17:8 - Biblia Enxet

⁸ Agkések sa' ko'o exchep ma'a ekyókxoho xapop nak Canaán, tén han ma'a aptawán'ák neptámen nak, apheykegkaxa nak se'e kaxwo' nak, etnehek sa' apagkok megkatnégwayam néxa, ko'o sa' han atnehek Dios apagkok ma'a.

Génesis 17:8 ပူးပေါင်းရင်းမြစ်များ

Génesis 12:7

Axta apxekmósakpohok han Wesse' egegkok ma'a. Aptáhak axta apcháneya s'e: “Keso xapop peya nak ko'o agkések aptawán'ák neptámen se'e.” Apkelánessek axta han Abram ekwatnamáxchexa aqsok ma'a Wesse' egegkok, hakte axta apxekmósakpohok ma'a.

Génesis 13:15

Agkések sa' ko'o exchep ekyókxoho xapop apwet'a nak kaxwo', apagkok sa' etnehek megkatnégwayam néxa, tén han ma'a aptawán'ák neptámen nak.

Génesis 13:17

¡Yempekxa néten, eweynchamha ekyókxoho nak ekwegqakxa xapop, tén han ekpayhakxa, agkések sa' ko'o exchep xa!”

Génesis 23:4

—Hélmés ko'o ekha ekyánmaga xama takhaxpop yaqwayam wátawanyek etáwa'. Ko'o sekteme séñama mók nekha kélnepyeseksa kéxegke.

Génesis 26:24

Apxekmowáseykpek axta han Wesse' egegkok xa axta'a nak. Aptáhak axta apcháneya s'e: “Ko'o sekteme Dios apagkok ma'a apyáp axta Abraham. Nágye aqsa, ekheyk ko'o xamo' xép. Apasmok sa', axámássesagkok sa' han aptawán'ák neptámen, eñama m'a séláneykha Abraham.”

Génesis 28:4

Elmések sa' xép aqsok éltaqmela, tén han ma'a aptawán'ák neptámen nak, apkeltennassama axta elmések ma'a Abraham, yaqwayam etnahagkok apagkok se'e xapop negheykegkaxa nak kaxwo', nentéma máxa énxet apkeleñama mók apkelókxa, hakte apkeltennassegkek axta Abraham ma'a.”

Génesis 35:27

Apteyánegweykekxók axta Jacob ma'a apyáp Isaac, cham'a yókxexma Mamré, tegma apwányam apwesey axta han Arbá, tén han Hebrón, apheykegkaxa axta m'a Abraham tén han Isaac.

Génesis 36:7

xámokmeyk axta aqsok apagkok xa apqánet nak, massegkek axta apmopwána exek xamók pók; ketsék axta han yókxexma m'a apheykegkaxa, axta kaxnémok chá'a ektéyak ma'a apnaqtósso.

Génesis 37:1

Apheykmek axta Jacob ma'a Canaán, apheykenxa axta nanók ma'a apyáp.

Génesis 48:4

segkésa appeywa: ‘Elano, axámassásekxak sa' ko'o exchep apketchek, énxet apxámokma sa' atnessásekxak ma'a aptawán'ák neptámen pók aptémakxa nak chá'a énxet'ák. Agkések sa' han ko'o aptawán'ák neptámen se'e xapop nak. Apagkok sa' chá'a etnehek ma'a meyke néxa.’

2 Samuel 23:5

Cháxa keñamak melyenseykmo nak Dios ma'a étawán'ák nak ko'o, hakte élánéssegkek axta ko'o ekhémo mók nélpaqhetchásamáxkoho meyke néxa m'a, penchásamáxcheyk ektáxésamaxche', méko han kamasseksek. Élmallahancháseykegkek ko'o m'a, etekkessessegkek han ma'a ekyókxoho aqsok sekmámenyého.

1 Crónicas 16:18

cham'a aptéma axta apkenagkama s'e: ‘Agkések sa' xép xapop Canaán, apxaweykekxa ekpayhawo nak exkekxa'.’

Salmos 103:17

Megkamassegwomek eyke chá'a apkelásekhayo Wesse' egegkok ma'a ektáha nak chá'a apcháyo; megkatnégwomek chá'a néxa aptaqmelchessáseykekxa apheykha apyókxoho m'a aptawán'ák neptámen nak,

Salmos 105:11

cham'a aptéma axta apkenagkama s'e: “Agkések sa' xép xapop Canaán, apxaweykekxa ekpayhawo nak exkekxa'.”

Salmos 105:9

cham'a ekhémo mók apkelpaqhetchásamákpoho apméssama axta m'a Abraham, apteméssessama axta naqsók elanaksek ma'a Isaac

Éxodo 13:11

“Apkelya'ássek sa' agkok Wesse' egegkok ma'a apkelókxa nak cananeos, cham'a apmésa sa' ma'a apkelókxa, apkeltennassamakxa axta egkések kéxegke tén han ma'a kélyapmeyk nanók axta,

Éxodo 21:6

eyentemekxak sa' aphakxa Dios ma'a ektáha nak wesse' apagkok, épetchessekxak sa' átog essenhan nekhaw'ék nak, eyagqaxqatchesek apeykok hópenyámet ekmahamta naw'a, tén sa' etnehek apchásenneykha meyke néxa.

Éxodo 29:45

Axek sa' chá'a ko'o nepyeseksa m'a israelitas, Dios apagkok sa' ko'o hetnehek.

Éxodo 32:13

Kaxénwakxoho hana apwáxok ma'a apkeláneykha Abraham, Isaac tén han ma'a Israel, cham'a apteméssessama axta xeyep apagko' ekmámnaqsoho aptéma apkelanagkama s'e: ‘Axámassásekxak sa' ko'o kéltawán'ák kélnentámen kéxegke, sa' exhok apxámokma m'a apweykenxal'a apxámokma yaw'a néten, keñe sa' se'e ekyókxoho xapop séltennassamakxa axta chá'a ko'o agkések kéxegke, agkések sa' yaqwayam etnehek apagkok meyke néxa.’

Éxodo 40:15

elexpaqhássesák sa' nahan apqatkok ma'a pexmok égmenek, ekhawo apteméssesakxa exchek ma'a Aarón, yaqwayam sa' etnahagkok apkelmaxnéssesso énxet'ák ahagkok. Cháxa aptamhágko kaxwók apkelmaxnéssesso énxet'ák ahagkok meyke néxa yókxoho apyeyam chá'a xa, kélexpaqhassásegko nak apqatkok ma'a pexmok égmenek.”

Éxodo 6:4

Élánéssegkek axta anhan ko'o xama ekhémo mók nélpaqhetchásamáxkoho m'a, tén séltennassama nahan agkések xapop ma'a Canaán, cham'a yókxexma apheykegkaxa axta sekxók aptamheykegko m'a aptémól'a énxet apkeleñama nak mók apkelókxa.

Éxodo 6:7

Almok sa' ko'o kéxegke atnehek énxet'ák ahagkok, tén sa' ko'o kéxegke héltéhek Dios kélagkok. Sa' hélya'ásegwók nahan ko'o sektáha Dios Wesse' kélagkok ma'a sélmallahanchesa sa' ektémakxa ekyentaxno kéltamheykha apmésso chá'a m'a egipcios.

Jeremías 25:5

Axta aptemék chá'a apkelánagkama s'e: Kólwátésák kéltémakxa ekmaso, tén han kélláneyak aqsok ekmaso; keñe sa' kólhakha chá'a s'e xapop Wesse' egegkok axta apmésso kéxegke meyke néxa, tén han ma'a kélyapmeyk nano' axta.

Jeremías 31:1

Aptáhak Wesse' egegkok se'e: “Hetnehek sa' ko'o Dios apagkok apyókxoho pók aptémakxa nak énxet'ák Israel xa ekhem nak, keñe sa' ko'o atnehek énxet'ák ahagkok.”

Ezequiel 11:20

Tén sa' etnahagkok ma'a ekhawo nak ektémakxa m'a segánamakxa ahagkok tén han ma'a séltémókxa nak chá'a etnahagkok, elanagkok sa' nahan. Énxet'ák ahagkok sa' ko'o atnehek ma'a, keñe sa' etnahagkok ko'o Dios apagkok ma'a.

Ezequiel 33:24

“Aptáhak chá'a apkelpaqméteyncha'a énxet'ák apheykencha'a nak tegma apkelyawe Israel se'e, cham'a appalleykmo nak: ‘Apxakkók axta Abraham aptéma apagkok ma'a apchókxa; keñe negko'o nenxámok egagkók peya antéhek egagkok ma'a apchókxa nak.’

Levítico 14:34

“Kélhakmek sa' agkok kéxegke m'a xapop nak Canaán, sekméssamakxa nak ko'o yaqwayam kóltéhek kélagkok, eyáphássek sa' agkok ko'o élpeysameykha xama tegma m'a kélókxa', ekho nak negmasse ektepelchamaxche egyempehek,

Levítico 16:34

“Sa' katnehek kélánémaxchexa kóltéhek kéxegke meyke néxa xa: xama ekhem kéllane sa' chá'a kóltéhek xama apyeyam, yaqwayam nak kólwetaksek megkólyaqmagkáseykekxa melya'assáxma apkeláneyak ma'a israelitas.” Kelánamáxcheyk axta han, ekhawo aptémakxa axta apkenagkama Wesse' egegkok ma'a Moisés.

Levítico 26:12

aweynchamha sa' chá'a ko'o kélnepyeseksa kéxegke, Dios kélagkok sa' atnehek, keñe sa' ko'o kéxegke atnehek énxet'ák ahagkok.

Zacarías 8:8

anaqlanták sa' ma'a Jerusalén, yaqwayam sa' exmakha m'a. Énxet'ák ahagkok sa' ko'o etnahagkok ma'a, keñe sa' ko'o etnehek Dios apagkok, yetlo ekmámnaqsoho tén han ekpéwomo sektémakxa.”

Números 10:29

Xama ekhem axta aptáhak apcháneya apepye Moisés se'e, cham'a Hobab, Reuel apketche, apteme nak Madián énxet: —Peyk negko'o ólmahagkok ma'a apchókxa sẽltennassamakxa nak hegmések ma'a Wesse' egegkok, hẽlyetlow sa', antaqmelchesek sa', hakte apxeyenmeyk Wesse' egegkok eltaqmelchesek yetlo apkelásekhayo m'a énxet'ák Israel.

Números 25:13

sekmésa ko'o yaqwayam etnehek apkelmaxnéssesso Dios énxet'ák apagkok, tén han aptawán'ák neptámen meyke néxa, hakte élmeyeykha ko'o m'a, apwetássek nahan megkólyaqmagkáseykekxa melya'assáxma m'a israelitas.

Números 27:12

Aptáhak axta Wesse' egegkok apcháneya Moisés se'e: —Yenát sa' se'e egkexe nak Abarim, yenmexho sa' ma'a xapop sekmésakxa nak ko'o m'a israelitas.

Deuteronomio 14:2

Hakte kéxegke kélteme énxet'ák apkelpagkanma m'a Dios Wesse' kélagkok; axta apkelyéseykha nepyeseksa apyókxoho énxet'ák nak keso náxop yaqwayam kóltéhek énxet'ák apagkok apagko'.

Deuteronomio 26:18

Apxénchek nahan sakhem kéxegke Wesse' egegkok, énxet'ák Israel, apteme énxet apagkok apagko', ekhawo m'a apkeltennassama axta etnéssesek, kóllána sa' chá'a ekyókxoho m'a apkeltémókxa nak chá'a antéhek.

Deuteronomio 29:13

Sakhem ekpenchásexko kéxegke kélteme énxet'ák apagkok ma'a, keñe kéxegke kéltáha Dios kélagkok ma'a, ekhawo apkeltennassama axta etnéssesek ma'a Abraham, Isaac tén han ma'a Jacob, cham'a kélyapmeyk nanók axta kéxegke.

Deuteronomio 32:49

“Emyekxa sa' ma'a meteymog élekhahéyak nak Abarim, yenát sa' ma'a egkexe Nebo nak, émha nak ma'a énxet'ák Moab xapop apagkok, ekpayho nak ma'a Jericó, sa' yenmexhok nahan xapop Canaán ma'a néten nak, cham'a yaqwánxa sa' ko'o agkések apagkok apagko' ma'a israelitas.

Deuteronomio 32:8

Xama axta apkelmeyáseykegko chá'a xama xama xapop apagkok énxet'ák tén han apkelókxa m'a Meyke nak Ekhémo, appekkenchek axta chá'a néxa apkelweynchámeykegkaxa m'a énxet'ák. Xénchek axta eyke apwáxok ma'a israelitas,

Deuteronomio 34:4

Tén axta aptáha apcháneya Wesse' egegkok se'e: “Cháxa apchókxa séltennassamakxa axta ko'o naqsók Abraham, Isaac tén han ma'a Jacob agkések ma'a aptawán'ák neptámen. Éltamhók ko'o étak apaqta'ák apagko' xép xa, metxehek sa' eyke m'a kañe' nak.”

Deuteronomio 4:37

Apkelásekhayók axta kélyapmeyk nano' axta kéxegke m'a, apkelyéseykha axta nahan ma'a aptawán'ák neptámen nak, apkelántekkessegkek axta Egipto eñama ekyawe apmopwána.

Deuteronomio 9:5

Háwe eñama kéltémakxa ekpéwomo tén han kéltémakxa ektaqmalma yaqwayam kagkések kéxegke xapop apagkok nak ma'a énxet'ák nak; Wesse' egegkok apkelántekkesso kélmonye'e kéxegke m'a, eñama apkeltémakxa élmasagcha'a, yaqwayam enxoho elának nahan ma'a apkeltennassama axta chá'a elának ma'a Abraham, Isaac tén han ma'a Jacob kélyapmeyk nanók axta kéxegke.

Josué 1:2

“Apketsekkek kaxwók séláneykha Moisés. Xeyep sa' kaxwók etámeyekxak ma'a wátsam Jordán, yetlo m'a apyókxoho énxet'ák nak Israel, yaqwayam kólmahagkok ma'a yókxexma yaqwánxa nak agkések kéxegke.