Génesis 17:21 - Biblia Enxet

²¹ Mamasséssemek sa' eyke ko'o ekhémo mók nélpaqhetchásamáxkoho m'a Isaac, cham'a apketche peya nak kataksek Sara pók apyeyam sa', keso negwánxa nak.

Génesis 17:21 ပူးပေါင်းရင်းမြစ်များ

Génesis 17:19

Aptáhak axta Dios apchátegmowágko s'e: —Éltennásse neykhe ko'o exchep peya kagkések xama apketche m'a aptáwa' Sara, keñe sa' xép etnéssesek apwesey Isaac. Sa' alanaksek ko'o ekhémo mók nélpaqhetchásamáxkoho m'a, yetlo m'a aptawán'ák neptámen, mamasséssemek sa' chá'a.

Génesis 18:10

Tén axta xama aptáha apcháneya s'e: —Pók apyeyam sa' makham awaták atnehek meyk'a, kótak sa' xama étche apkenna m'a aptáwa' Sara. Haxnawók axta han Sara ektáhakxa apkelpaqmeyesma m'a teyp átog appakxanma nak, apkenmágkaxa axta teyp ma'a Abraham.

Génesis 18:14

¿Yetnéya aqsok megkamopwána elának ma'a Wesse' egegkok? Pók apyeyam sa' makham atnehek meyk'a, kótak sa' étche apkenna Sara ekwokmo enxoho xa.

Génesis 21:1

Aptaqmelchessek axta apteméssesakxa Wesse' egegkok ma'a Sara, ekhawo apxeyenmakxa axta etnéssesek.

Génesis 46:1

Apxegkek axta Israel yetlo m'a ekyókxoho aqsok apagkok nak. Xama axta apwokmo m'a Beerseba, apchaqhássessek axta aptósso apmésa m'a Dios apagkok nak apyáp Isaac.

Génesis 48:15

Tén axta aptáha apkelmaxnéssesa aqsok éltaqmela José s'e: “Dios apkelyeheykekxoho axta chá'a m'a Abraham tén han Isaac, cham'a élyapmeyk nano' axta, Dios setaqmelchessama, axta sekxók sekteyeykmo,

Job 14:13

¡Émenyeyk nak la'a ko'o hekpóssók ma'a apkelmaheykegkaxa nak apkeletsapma ekwokmoho ekmassa aplo, epekkenek han ekhem yaqwánxa kaxénwók apwáxok ko'o!

Éxodo 2:24

appasmomchek axta nahan ma'a ektémakxa apkelpaqméteykha, ekxénweykekxoho apwáxok ma'a appeywa apméssama axta m'a Abraham, Isaac, tén han ma'a Jacob.

Éxodo 3:6

Tén axta aptáha nahan apcháneya s'e: —Ko'o sekteme Dios apagkok ma'a apyapmeyk nano' nak xeyep. Ko'o sekteme Abraham, Isaac, tén han Jacob Dios apagkok. Appóssek axta nápat ma'a Moisés, hakte apchekak axta elanok ma'a Dios.