Génesis 17:10 - Biblia Enxet

¹⁰ Keso ekhémo mók nélpaqhetchásamáxkoho sélánésa nak ko'o kéxegke, elanagkok sa' han ma'a apyókxoho aptawán'ák neptámen nak: kólyenyekhássesagkok sa' chá'a nekha apyempe'ék apyókxoho apkellennay'a apheykha nak kélnepyeseksa kéxegke.

Génesis 17:10 ပူးပေါင်းရင်းမြစ်များ

Génesis 17:11

Kólyenyekhássesek sa' chá'a nekha émpehek kélmeykha kélyókxoho kéxegke, sa' katnehek magkenatchesso ekhémo mók nélpaqhetchásamáxkoho ekyetna kéxegke, tén han ko'o.

Génesis 17:23

Apyenyekhássessek axta han apyempehek Abraham apketche Ismael xa ekhem nak, tén han ma'a apyókxoho apkelásenneykha appalleyam nak apxagkok, keñe han ma'a apkelma axta apyánmagkasso selyaqye apagkok. Kélyenyekhassásegkek axta apyempe'ék ma'a apyókxoho apkelennay'a apheykha nak apxagkok, apkelánesso axta chá'a aqsok, ekhawo apkeltamhókxa axta etnehek ma'a Dios.

Génesis 17:27

yetlo m'a apyókxoho énxet'ák apheykha nak apxagkok, tén han ma'a apkelásenneykha appalleyam nak ma'a apxagkok, tén han ma'a apkelma axta apyánmagkasso selyaqye apkexeykekxa m'a pók énxet'ák.

Génesis 21:4

Apyenyekhássessek axta nekha apyempehek ekwokmo ocho ekhem aptéyam, ekhawo apkeltémókxa axta etnehek ma'a Dios.

Génesis 34:15

Wánxa eyke aqsa chá'a negko'o agmések kéltáha enxoho chá'a nentémakxa nak negko'o: kólyenyekhássesagkok nekha apyempe'ék apyókxoho apkelennay'a apheykha nak kélnepyeseksa kéxegke.

Génesis 34:22

Wánxa eyke aqsa apmako exmakha negyeseksa negko'o yaqwayam etnekxak xama nempeywomo xamo': kélyenyekhassásegko enxoho apyempe'ék ma'a apyókxoho apkelennay'a apheykha nak negyeseksa, aptamheykegkaxa nak chá'a m'a.

Éxodo 12:48

Yetneyk agkok xama énxet megkatnaha nak kélpeywomo xamo' apha kélnepyeseksa kéxegke apmáheyo enxoho elának ma'a ektámaxche mólwagqayam nak Wesse' egegkok ekhem apagkok, cham'a Pascua, kéméxcheyk sekxo' kólának kólyenyekhássesagkok nekha apyempe'ék ma'a apyókxoho apnámakkok apkelennay'a nak, tén sa' natámen apwanchek elána', hakte máxa appalleykemxa apancha'awók sa' etnahagkok se'e apkelókxa nak. Mopwanchek eyke etwok kéltósso ápetek ma'a meyke enxoho kélyenyekhássesso nekha apyempehek.

Éxodo 4:25

Tén axta m'a Séfora ekma xama sawo élánamáxche axta meteymog nekha ekyaqténchesa nekha apmeykha m'a étche, keltexnassásegkek axta nahan awáxok apyay'ák Moisés ma'a éma eñama axta ekyaqténchesso nekha apmeykha m'a sakcha'a. Entáhak axta eyáneya s'e: “Cháxa keñamak ekwetáxko aptáha exchep etáwa' eñama xa éma nak.”

Jeremías 4:4

Énxet'ák Judá tén han Jerusalén, kólyenyekha nekha kélyempehek, hélya'asagkoho han ko'o sekteme Wesse', kólpekken kélwáxok ma'a ekhémo mók nélpaqhetchásamáxkoho nak; katyapok katnehek seklo ektémól'a táxa eyáléwe, eyáléweykhal'a meyke ekmowána kaspanchesek, eñama kéltémakxa ekmaso.

Deuteronomio 10:16

“Kólpekken kélwáxok ma'a kélqahasso nak ekhémo mók nélpaqhetchásamáxkoho, nágkóllenxanmagkoho kélteme élyennaqte kélwáxok,

Deuteronomio 30:6

Enegkenchesagkok sa' kélqahasso ekhémo mók nélpaqhetchásamáxkoho kélwáxok kéxegke, ekweykekxoho m'a kéltawán'ák kélnentámen nak, yaqwayam sa' kólásekhohok chá'a ekweykmoho kañók agko' kélwáxok tén han ekweykmoho m'a élchetámeykegkaxa nak chá'a kélwáxok, yaqwayam sa' kawegqohok kélheykha s'e apchókxa nak.

Josué 5:2

Cháxa ekhem nak, aptáhakxa axta apcháneya Wesse' egegkok ma'a Josué: “Elána sa' sawo meteymog keñe sa' elyenyekhássesek makham nekha apyempe'ék ma'a énxet'ák nak Israel.”

Josué 5:4

Apkelyenyekhássessek axta nekha apyempe'ék hakte apkeletsapwayak axta apyókxoho náxet ámay meykexa énxet ma'a ektáha axta apkelánteyapma m'a Egipto, aptamhéyak axta sẽlpextétamo.