Génesis 16:10 - Biblia Enxet

¹⁰ Aptáhak axta makham apcháneya Wesse' egegkok apchásenneykha s'e: “Axamássesagkohok ahagko' sa' ko'o exche' m'a atawán'ák natámen, méko sa' kawának kalyetsetek apwánxa'.

Génesis 16:10 ပူးပေါင်းရင်းမြစ်များ

Génesis 13:16

Apxámokma apagko' sa' ko'o atnéssesek ma'a, exhok sa' ma'a xapop ánek nak keso náxop, cham'a ektémakxal'a magmowána ólyetsetek xóp ánek, mogwanchek sa' han ólyetsetek apwánxa m'a aptawán'ák neptámen.

Génesis 16:9

Tén axta Wesse' egegkok apchásenneykha aptáha apcháneya s'e: —Kay'ókxa makham wesse' agkok, kalyahakxoho sa' chá'a ektáhakxa enxoho eyáneya.

Génesis 17:20

Tén han ma'a Ismael, seklegaya nak chá'a apxeyenma exchep, ataqmelchesek sa' han ko'o sekteméssesakxa m'a, wának sa' exámak apketchek, tén han exámagkok ma'a aptawán'ák neptámen. Ismael sa' etnehek apyapmeyk ma'a doce apkelámha apmonye'e apkelwesse'e, énxet apxámokma sa' atnéssesek.

Génesis 21:13

Énxet apxámokma sa' han ko'o wának etnehek ma'a apchásenneykha étche nak, hakte apketche apagko' han xép ma'a.”

Génesis 21:16

hakmek axta han yám makhawo, hakte axta kaltamhók katagkohok yetsapok sakcha'a. Xama axta ekha, yetlókok axta apwóno m'a sakcha'a.

Génesis 21:18

Katnemekxa néten, kawakxa sakcha'a, nágkayenyekxa han ekméyak ma'a apmek nak, wának sa' ko'o yenyék apkelánteyapma apxámokma apagko' énxet'ák ma'a.”

Isaías 63:9

ekyókxoho apkellegeykegkoho ekyentaxnamo apkelwáxok ma'a. Háwe apkelwagkasso teyp xama m'a apkelápháseykha nak xép; Wesse' egegkok apagko' axta. Axta apkelwagkasso teyp ma'a eñama apkelásekhayo tén han apkelmopyóseka apkelányo, apkelchampásekxeyk axta néten keñe apkelqeynákxo. Cháxa apteméssessamakxa chá'a yókxoho ekhem xa ektáha nak.

Malaquías 3:1

Aptáhak Wesse' egegkok ekha apyennaqte s'e: “Wáphaksek sa' ko'o apseykha amya'a ahagkok, yaqwayam enxoho ko'o hélanaksek ámay. Kaxwók sa' etaxnegwaták tegma appagkanamap apagkok ma'a Wesse' egegkok, kélchetamsama nak chá'a kéxegke. ¡Apxegakmek ma'a apseykha amya'a apxeyenmo nak chá'a m'a ekhémo mók nélpaqhetchásamáxkoho kélmámenyého nak chá'a kéxegke!”

Jueces 6:11

Tén axta apxegakmo Wesse' egegkok apchásenneykha, apha'ak axta kóneg yámet encina, émha axta m'a Ofrá, ektáha axta apagkok ma'a Joás, Abiézer axta apnámakkok. Apyexanmawók axta apkexakkasa apyempe'ék hótáhap apaktek ma'a Gedeón, Joás axta apketche, cham'a kélteyammomakxa axta chá'a anmen yámet, yaqwayam kalanaxchek vino, yaqwayam enxoho han métyehek ma'a madianitas.

Jueces 6:16

Apchátegmowágkek axta Wesse' egegkok: —Apwanchek elwagkasek teyp, hakte ko'o sa' atnehek sekxegexma. Emenxenek sa' ma'a énxet'ák Madián, máxa sa' etnéssesek emenxenek ma'a aptémól'a eyaqmaksek xama énxet.