Génesis 15:20 - Biblia Enxet

²⁰ tén han hititas, tén han ferezeos, tén han ma'a refaítas,

Génesis 15:20 ပူးပေါင်းရင်းမြစ်များ

Génesis 13:7

hakte apkelenmexamakpek axta chá'a pók ma'a Abram apkeláneseykha apnaqtósso, tén han ma'a Lot axta apkeláneseykha apnaqtósso. Apheykha axta eyke makham cananeos, tén han ferezeos ma'a.

Génesis 14:5

Keñe axta pók apyeyam apmaheykegko Quedorlaómer ma'a yókxexma Astarot Carnaim, yetlo apkelwesse'e apkelwányam ektáha axta apkelxegexma'a, apmenxenwánxa axta refaítas; keñe axta apmenxenákxo makham zuzitas ma'a yókxexma Ham, tén axta apmenxenákxo makham emitas ma'a yókxexma nak Savé-quiriataim,

Génesis 15:19

xapop apagkok nak ma'a quenitas, tén han quenizitas, tén han ma'a cadmoneos,

Génesis 15:21

tén han amorreos, tén han cananeos, tén han gergeseos, tén han ma'a jebuseos.

Génesis 23:3

Keñe axta aptepa m'a ekyetnakxa axta Sara ápak, apxega aptáha apkelpaqhetchessákxo hititas ma'a apheykegkaxa axta. Aptáhak axta apkeláneya s'e:

Isaías 17:5

Sa' katnehek ma'a aptémól'a xama énxet apnakxól'a hótáhap apaktek apyekhámeykekxal'a m'a apyexna, essenhan ma'a ektémól'a kólmekxak hótáhap apaktek kélyaqtónma m'a ekyapwátegweykenxa nak xapop ma'a Refaim,

Números 13:29

Keñe m'a yókxexma Négueb apheykencha'a m'a amalecitas. Keñe m'a yókxexma ekxámokmakxa nak meteymog élekhahéyak apheykencha'a m'a hititas, jebuseos tén han ma'a amorreos, keñe m'a nekha nak wátsam ekwányam, ekpayho nak ma'a wátsam Jordán apheykencha'a m'a cananeos.

Deuteronomio 20:17

kólsawhohok sa' kólmasséssók ma'a hititas, amorreos, cananeos, ferezeos, heveos tén han ma'a jebuseos, ekhawo m'a apkeltamhókxa axta kóltéhek,

Josué 17:15

Apchátegmowágkek axta Josué: —Kélxámok agkok kéxegke, megkólhawo enxoho m'a egkexe nak Efraín, kólmohok sa' ma'a naxma nak, kólaqhegwom sa' naxma m'a yókxexma apagkok nak ferezeos, tén han ma'a refaítas.